Գինեկոլոգիական քսուքի հետազոտություն

Գինեկոլոգիական քսուքի հետազոտություն

Գինեկոլոգիական քսուքի հետազոտությունը լայն տարածում գտած ախտորոշիչ միջոց է, որի օգնությամբ հետազոտվում է կնոջ սեռական ուղիների արտադրությունը: Հետազոտման ընթացքում գնահատվում է էպիթելային բջջների վիճակը, նրանում առկա միկրոօրգանիզմների քանակը և տեսակները:

Քսուքը սովորաբար վերցվում է առաջին այցելության ընթացքում, այնուհետև հնարավոր է, որ վերցվեն նաև այլ քսուքներ, որոնք ստուգիչ բնույթ ունեն: Կանխարգելիչ նպատակներով գինեկոլոգիական քսուքի հետազոտությունը կատարվում է 6 ամիսը կամ տարին մեկ անգամ: Նախքան քսուքը վերցնելը խորհուրդ է տրվում զուգարանից օգտվել մոտ 2 ժամ առաջ, քանի որ մեզը կարող է ազդել հետազոտության արդյունքների վրա: Բացի այդ հետազոտությունից մի քանի օր առաջ անհրաժեշտ է բացառել սեռական մերձեցումը և հեշտոցային պատրաստուկների օգտագործումը:

Քսուքը վերցվում է գինեկոլոգիական աթոռին պարկած վիճակում, հեշտոցը լայնացնող հատուկ գործիքի և մեկանգամյա օգտագործման գդալիկի օգնությամբ: Եթե կինը չունի գինեկոլոգիական որևէ հիվանդություն, ապա հետազոտման նյութի հավաքման ժամանակ անհարմարավետության զգացում չի ունենում: Եթե առկա է որևէ հիվանդություն, օրինակ՝ սեռական օրգանների բորբոքում, ապա հնարավոր է, որ նա միզուկում ցավ զգա: Վերցնելուց հետո քսուքը համաչափորեն տարածվում է ապակու վրա և մանրադիտակով ուսումնասիրվում: Հետազոտությունը կատարվում է միայն այն ժամանակ, երբ քսուքն ապակու մակերեսին չորանում է: Հետազոտությունից առաջ նյութը ներկվում է հատուկ բժշկական ներկանյութով, ինչը հնարավորություն է տալիս առավել լավ դիտարկել քսուքի բաղադրիչ տարրերը:

Ներկումը կարևոր է հատկապես միկրոօրգանիզմների 2 խմբերի՝ գրամդրականի և գրամբացասականի հայտնաբերման հարցում: Առաջին խմբի մանրէների թաղանթն ավելի ամուր է, և ներկելուց հետո միկրոօրգանիզմները վառ գունավորվում են: Երկրորդ խմբին են դասվում ստաֆիլոկոկները և ստրեպտոկոկները: Գրամբացասական մանրէները ներկվելիս գունատ երանգ են ստանում:

Գինեկոլոգիական քսուքի հետազոտությունը հնարավորություն է տալիս հայտնաբերել գինեկոլոգիական վարակների և միզասեռական համակարգի բորբոքային պրոցեսների հարուցիչները: Քսուքում լեյկոցիտների մեծ քանակը վկայում է, որ միզասեռական համակարգում բորբոքային երևույթներ են զարգանում, քանի որ հենց լեյկոցիտներն են կոչված պայքարելու բորբոքումների դեմ: Բնականոն վիճակում քսուքը պետք է պարունակի առավելագույնը 15 բջիջ բժշկական մանրադիտակի մեկ տեսադաշտում:

Յուրաքանչյուր կին պետք է հասկանա, որ քսուքի հետազոտության ցուցումը դեռևս չի վկայում այն մասին, որ նա հիվանդ է: Դա ընդամենը կանխարգելիչ ախտորոշման միջոց է: Եթե քսուքի հետազոտության արդյունքում ախտաբանական տարրեր են հայտնաբերվում, նշանակվում է մեկ այլ հետազոտություն՝ քսուքի ցանքս սննդային միջավայրում: Վերջինս անհրաժեշտ է ախտածին միկրոօրգանիզմի տեսակը ճշգրիտ որոշելու և այս կամ այն տեսակի բուժման նկատմամբ նրա զգայունակությունը պարզելու նպատակով:

Այդուհանդերձ ոչ բոլոր ախտածին միկրոօրգանիզմներն է հնարավոր հայտնաբերել գինեկոլոգիական քսուքի հետազոտությամբ: Թաքնված սեռական վարակների հարուցիչների խումբը հնարավոր չէ հայտնաբերել այդ միջոցով: Հարուցիչների վերոնշյալ խմբում են միկոպլազմաները, ուրեապլազմաները, քլամիդիաները և որոշ այլ վարակներ: Դրանց հայտնաբերման նպատակով կիրառվում է հատուկ ՊՇՌ ախտորոշում:

Ինչու է քաշը դադարել նվազել և ինչպես նորից սկսել նիհարել

Ինչու է քաշը դադարել նվազել և ինչպես նորից սկսել նիհարել

Կա քաշի կանգի երկու տարբերակ. երբ շարունակում եք ճարպը կորցնել, բայց մարմնի զանգվածը չի փոխվում, և երբ նիհարելու գործընթացն ամբողջությամբ դադարեցված է:

Աուտիստիկ սպեկտրի խանգարում, ինչ է պետք իմանալ աուտիզմի մասին

Աուտիստիկ սպեկտրի խանգարում, ինչ է պետք իմանալ աուտիզմի մասին

ԱՍԽ-ն՝ հիվանդություն չէ, այլ զարգացման խանգարում: Հիմնական տարբերությունն այն է, որ հիվանդությունն ունի սկիզբ, ընթացք և ավարտ: ԱՍԽ-ն վարակիչ չէ. աուտիզմով հնարավոր չէ «հիվանդանալ», այն ի ծնե է:

Կյանքը կորոնավիրուսից հետո․ 13 փաստ հետկորոնավիրուսյան համախտանիշի մասին

Կյանքը կորոնավիրուսից հետո․ 13 փաստ հետկորոնավիրուսյան համախտանիշի մասին

Բացի կորոնավիրուսի բարդությունների հետ կապված վտանգներից, մարդիկ բախվում են հետկորոնավիրուսյան սինդրոմին

Լիբիդոյի հետ կապված խնդիրներ, ինչպես լուծել դրանք

Լիբիդոյի հետ կապված խնդիրներ, ինչպես լուծել դրանք

Լիբիդոյի հայեցակարգի շուրջ հաճախ վեճեր են առաջանում: