Ինչպե՞ս բուժել կաթնախտը կանանց մոտ, որպեսզի այն չկրկնվի

Ինչպե՞ս բուժել կաթնախտը կանանց մոտ, որպեսզի այն չկրկնվի

Կաթնախտը սնկային ինֆեկցիա է, որն առաջանում է Կանդիդա խմբի սնկերի պատճառով։ Կանդիդա սնկերն առկա են առողջ մարդկանց մեծ մասի մոտ, բայց չեն առաջացնում ախտանիշներ: Հիվանդությունը զարգանում է, երբ միկրոօրգանիզմների հավասարակշռությունը խախտվում է, և սնկերը սկսում են ակտիվորեն աճել: Ամենից հաճախ հավասարակշռությունը խախտվում է օգտակար բակտերիաների ոչնչացման, հորմոնալ մակարդակի փոփոխության և իմունիտետի նվազման պատճառով, օրինակ.

 • հակաբիոտիկների ընդունում,

 • հղիություն,

• հորմոնալ հակաբեղմնավորում,

 • շաքարային դիաբետ,

• սթրես, հիվանդություններ, որոշակի դեղորայքի ընդունում,

• լորձաթաղանթի գրգռում։ Եթե ​​ Կանդիդա սնկերի քանակն ավելանում է հեշտոցային միջավայրում, ապա կաթանխտ է զարգանում։

Որո՞նք են կաթնախտի ախտանիշները։

 • առատ, սպիտակ հեշտոցային արտադրություն, որը նման է կաթնաշոռի,

• առատ ջրային արտադրություն,

 • քոր և այրոց հատկապես սեռական հարաբերության և միզելու ժամանակ,

• վուլվայի կարմրություն և այտուցվածություն, երբեմն ցան:

Կաթնախտի այս բոլոր նշանները կարող են լինել կա՛մ հազիվ արտահայտված, կա՛մ շատ խիստ:

Ինչպե՞ս բուժել կաթնախտը։

Բուժումը պահանջում է հակասնկային դեղամիջոցներ։ Դրանք կարող են լինել հաբերով կամ քսուքների ու մոմիկների տեսքով։ Դեղորայքի դեղաչափը և օգտագործման տևողությունը կախված կլինի նրանից, թե արդյոք նախկինում կաթնախտ ունեցել եք, թե ոչ, և արդյոք կան սրացնող գործոններ, որոնք են՝

 • լուրջ անհանգստություն պատճառող ախտանիշներ, ինչպիսիք են ուժեղ կարմրությունը և այտուցը, անտանելի քորը, ճաքերը կամ խոցերը,

 • հաճախակի սրացումներ՝ տարեկան ավելի քան չորս անգամ,

• հայտնաբերված պաթոգենը սնկի ավելի հազվադեպ հանդիպող տեսակ է,

 • հղիությունը,

 • շաքարային դիաբետը,

 • իմունային համակարգի թուլացումը որոշակի պայմանների պատճառով, ինչպիսիք են ՄԻԱՎ վարակը կամ որոշակի դեղորայք ընդունելը:

 Ինչպե՞ս խուսափել կաթնախտից։

Չկա կանխարգելում, որը 100%-ով կպաշտպանի ձեզ, այնուամենայնիվ, դուք կարող եք նվազեցնել ռիսկերը՝ ձեռնարկելով պարզ նախազգուշական միջոցներ.

 • Խուսափեք ներլվացումից, քանի որ այս ընթացակարգը խախտում է միկրոֆլորայի հավասարակշռությունը և սնկերին հնարավորություն է տալիս ակտիվորեն զարգանալու:

• Խուսափեք օծանելիքներից և դեզոդորանտներից, որոնք «բարելավում են» հեշտոցային հոտը:

 • Խուսափեք բուրավետ միջադիրներից, տամպոններից և ինտիմ հիգիենայի գելերից:

 • Ընտրեք ջրի հիմքով քսանյութեր։

 • Նախապատվությունը տվեք շնչող գործվածքներից պատրաստված ազատ ներքնազգեստին (օրինակ՝ բամբակ), քան սինթետիկ մոդելներին։

• Վերահսկեք օգտագործվող շաքարի մակարդակը, եթե ունեք ածխաջրերի նյութափոխանակության խանգարումներ: Հնարավորինս շուտ փոխեք թաց ներքնազգեստը չորով. երկար ժամանակ մի շրջեք թաց լողազգեստներով կամ մարզական հագուստով:

 

Աղբյուրը
 
Բաժանորդագրվեք նաև մեր․ Տելեգրամյան ալիքին , Ֆեսբուքյան էջին, Ինստագրամյան էջին, Յութուբյան ալիքին

 

Կանացի անպտղություն. թաքնված պատճառները և մայրության ուղիները

Կանացի անպտղություն. թաքնված պատճառները և մայրության ուղիները

Կանացի անպտղությունը, ցավոք, հազվադեպ չէ ժամանակակից աշխարհում։ Սակայն այս ախտորոշման հետևում թաքնված է ոչ թե դատավճիռ, այլ բարդ հանելուկ, որը պետք է լուծել

Ինչպե՞ս թեթևացնել քթի այտուցը առանց անոթները նեղացնող կաթիլների

Ինչպե՞ս թեթևացնել քթի այտուցը առանց անոթները նեղացնող կաթիլների

Եթե քթի այտուցը առաջացել է վնասվածքի կամ վերջին ժամանակներում կատարված վիրահատության պատճառով, հարկավոր է անպայման խորհրդակցել բժշկի հետ:

Ջերմային հարված. ինչ անել, եթե շոգից աչքերը մթագնում են, և առաջանում է սրտխառնոց

Ջերմային հարված. ինչ անել, եթե շոգից աչքերը մթագնում են, և առաջանում է սրտխառնոց

Ջերմային հարվածը գերտաքացումն է: Դա տեղի է ունենում, երբ մարմինը ինչ-ինչ պատճառներով չի կարողանում սառչել, այսինքն՝ վերադառնալ առողջ ջերմաստիճանի

Ինչպե՞ս տարբերակել մագնեզիումի պակասը և ի՞նչ անել դրա դեմ

Ինչպե՞ս տարբերակել մագնեզիումի պակասը և ի՞նչ անել դրա դեմ

Մագնեզիումը նյութափոխանակության ամենակարևոր «շարժիչներից» է