Ճի՞շտ է, որ ալկոհոլը գիրացնում է

Ճի՞շտ է, որ ալկոհոլը գիրացնում է

Ալկոհոլն ունի բավականին բարձր կալորիականություն. էթանոլը պարունակում է 7,1 կկալ 1 գ-ում։ Սակայն ջերմային էֆեկտի՝ դրա կլանման համար պահանջվող էներգիայի շնորհիվ օրգանիզմը ստանում է կալորիաների միայն 80 %-ը։ Սա մոտավորապես 5,7 կկալ է 1 գ-ում, բայց դրանք նույնպես չեն պահեստավորվում որպես ճարպ: 24 գ ալկոհոլից վեց ժամում լյարդում առաջանում է մոտ 0,8 գ ճարպ։ Այնուամենայնիվ, ձեր կազմվածքի համար գլխավոր վտանգը ոչ թե էթանոլից ստացված կալորիաներն են, այլ այն պայմանները, որոնք այն ստեղծում է:

Քանի որ ալկոհոլը թույն է, ձեր մարմինը փորձում է ավելի արագ մշակել այն: Մինչ օրգանիզմը հաղթահարում է ալկոհոլը, ճարպերի այրումը ճնշվում է 73 %-ով: Հետևաբար, ճարպերն ու ածխաջրերը, որոնք դուք օգտագործում եք ալկոհոլի հետ, ամենայն հավանականությամբ կվերածվեն ավելորդ կգ-ների: Ավելին, ալկոհոլը չի փակում ախորժակը և նպաստում է, որ խմելուց հետո ուտեք մեծ չափաբաժիններով։

Եթե դրան ավելացնեք վերահսկողության նվազեցված զգացողությունը, դուք կարող եք շատ ավելի բարձր կալորիականությամբ մթերքներ օգտագործել և ձեր ճարպային պաշարները համալրել:

Ի՞նչ անել, որ ալկոհոլը չազդի կազմվածքի վրա։

Դուք կարող եք խմել և չգիրանալ, բայց դրա համար պետք է հետևել մի քանի կանոնների. • Շատ մի՛ խմեք Մարդիկ, ովքեր չափավոր ալկոհոլ են օգտագործում, կշռում են ավելի քիչ, քան նրանք, ովքեր լիովին հրաժարվում են ալկոհոլից: Եվ ավելի քիչ հավանական է, որ նրանք կգիրանան: Ավելին, ալկոհոլի չափավոր օգտագործումը բարելավում է ինսուլինի նկատմամբ զգայունությունը և նվազեցնում մետաբոլիկ համախտանիշի վտանգը, որի դեպքում զարգանում է ինսուլինի դիմադրությունը, և մարդը դառնում է շատ գեր: Սակայն ալկոհոլի դրական ազդեցությունն ապացուցող բոլոր ուսումնասիրությունները խոսում են չափավոր չափաբաժինների մասին՝ օրական 30-40 գրամ։

Սա մի փոքր պակաս է, քան երկու շիշ գարեջուրը, հարյուր գրամ օղին կամ 200 գրամ գինին։

• Ընտրեք ճիշտ ալկոհոլ

Մի խմեք ածխաջրերով հարուստ ալկոհոլ՝ գարեջուր, ալկոհոլային կոկտեյլներ և քաղցր գինիներ։ Դրա փոխարենը ընտրեք ալկոհոլ ցածր ածխաջրերով կամ առանց ածխաջրերի՝ չոր գինի, կոնյակ, ջին, ռոմ, տեկիլա, օղի և վիսկի: Քանի որ էթանոլն ինքնին չի կուտակվում ճարպի մեջ, ապա ընտրելով առանց ածխաջրերի ալկոհոլ, ավելի քիչ հավանական է, որ ավելորդ կիլոգրամներ ձեռք կբերեք:

• Օգտագործեք սպիտակուցներով հարուստ սնունդ

Սննդային սպիտակուցն ավելի լավ է ապահովում հագեցվածության զգացումը, քան ճարպերն ու ածխաջրերը: Սպիտակուցներով հարուստ դիետան օգնում է վերահսկելու քաշը և պաշտպանում է նյութափոխանակության խանգարման համախտանիշից: Սպիտակուցներով հարուստ մթերքներ օգտագործելու դեպքում ավելի քիչ հավանական է, որ խնջույքի ժամանակ ճարպոտ և քաղցր նախուտեստներ կօգտագործեք:

• Կերեք ավելի շատ բանջարեղեն

Ալկոհոլ օգտագործելու օրերին պետք է ցածր պահեք ածխաջրերի և ճարպերի մակարդակը: Այնուամենայնիվ, կարևոր է, որ դուք ստանաք անհրաժեշտ բոլոր վիտամիններն ու մանրաթելերը: Բանջարեղենը հիանալի տարբերակ է, քանի որ ունի ցածր կալորիականություն և հարուստ է սննդային մանրաթելերով: Բանջարեղենը, հատկապես կանաչ, կօգնի ձեզ կուշտ լինելու ողջ օրվա ընթացքում և կարգավորելու արյան մեջ շաքարի մակարդակը: Բրոկկոլին, սպիտակ կաղամբը և բրյուսելյան կաղամբը հրաշալի տարբերակ են:

• Խնջույքից հետո չափից շատ մի՛ կերեք

Երբ տուն եք հասնում, մեծ է հավանականությունը, որ բարձր կալորիականությամբ ինչ-որ բան կուտեք: Ավելին, նման սնունդը, որպես կանոն, շատ համեղ է, իսկ ալկոհոլը նվազեցնում է ինքնատիրապետումը։ Ուստի փորձեք սնվել հնարավորինս թեթև և առողջ։ Հետևեք այս կանոններին, խմեք չափավոր, և ալկոհոլը չի վնասի ձեր կազմվածքին։

Աղբյուրը
 
Բաժանորդագրվեք նաև մեր․ Տելեգրամյան ալիքին , Ֆեսբուքյան էջին, Ինստագրամյան էջին, Յութուբյան ալիքին