Ապնոէի առաջացման պատճառները․ ի՞նչ անել

Ապնոէի առաջացման պատճառները․ ի՞նչ անել

Քնի ընթացքում առաջացած ապնոէն շնչառության ժամանակավոր դադարն է, որը տեղի է ունենում այն ժամանակ, երբ մարդը քնած է:

Նման դադարները տևում են մի քանի վայրկյանից մինչև մի քանի րոպե և կարող են կրկնվել 1 ժամվա ընթացքում 30 անգամ: Ընդհանուր առմամբ, ապնոէն շնչառության դադարն է, որը կարող է տեղի ունենալ մի շարք հանգամանքներում:

Ինչո՞ւ է քնած ժամանակ առաջանում ապնոէ Այս խանգարումն առաջանում է քնի ժամանակ շնչառական ուղիների սեղմվելու հետևանքով, և օդը չի կարողանում անցնել: Դա սովորաբար պայմանավորված է նրանով, որ կոկորդի մկանները թուլանում են, և փափուկ քիմքը սկսում է արգելափակել կոկորդը։

Մեկ այլ պատճառ էլ կարող է լինել այն, որ քնած ուղեղը «մոռանում է» ճիշտ ազդանշաններ ուղարկել մկաններին, որոնք վերահսկում են շնչառությունը:

Շնչառական տրակտի նեղացման ռիսկը ավելի հավանական է, եթե.

• Դուք ունեք ավելորդ քաշ,

• Դուք ունեք նեղ կոկորդ,

• Ձեր հարազատներն ունեն ապնոէ,

• Դուք տարեց եք։

• Ունեք ադենոիդներ: Այդ իսկ պատճառով՝ ապնոէն կարող է առաջանալ նաև երեխաների մոտ։

• Դուք ծխում եք կամ չարաշահում ալկոհոլը:

• Դուք սովորաբար քնում եք մեջքի վրա։

• Ձեր քիթը միշտ փակ է, սովորաբար շնչում եք բերանով։

• Դուք ունեք սրտի անբավարարություն, երկրորդ տիպի շաքարախտ, հիպերտոնիա կամ Պարկինսոնի հիվանդություն:

• Ռիսկի գործոնները ներառում են նաև ձվարանների պոլիկիստոզային համախտանիշը, հորմոնալ խանգարումները, թոքերի քրոնիկ հիվանդությունները:

Որքանո՞վ է վտանգավոր ապնոէն

Օրգանիզմն անմիջապես չի արձագանքում խնդրին, ուստի որոշ ժամանակ թթվածինը չի մտնում թոքեր: Այնուհետև ուղեղը սկսում է արձագանքել, գործում են ռեֆլեքսները, և մարդն արթնանում է, որպեսզի մկաններն աշխատեցնելով բացի շնչառական ուղիները՝ շունչ քաշելու համար: Որպես կանոն՝ դա ուղեկցվում է սուր, բարձր ձայնով, խռռոցով։ Արթնացումը հաճախ այնքան կարճ է տևում, որ մարդը չի նկատում և անմիջապես քնում է:

Այնուամենայնիվ, նման դեպքերը կրկնվում են, և արդյունքում գիշերային ապնոէն վնաս է հասցնում առողջությանը:

Ահա՛ դրա հետևանքներից մի քանիսը.

• Օրվա ընթացքում հոգնածության մշտական զգացողություն։

• Հիպերտոնիա և այլ սրտանոթային պաթոլոգիաներ։

• Որոշ հիվանդությունների զարգացման ռիսկի բարձրացում։

Ի՞նչ անել ապնոէի դեպքում Եթե նկատում եք գիշերային ապնոէի նշաններ, ապա դիմեք բժշկի խորհրդատվության։ Ապնոէի բուժման համար կիրառվում են որոշ սարքավորումներ, իսկ բարդ դեպքերում կատարվում է վիրահատական միջամտություն։

Ահա որոշ խորհուրդներ, որոնք կօգնեն ազատվելու գիշերային ապնոէից։

• Ազատվեք ավելորդ քաշից։

• Զբաղվեք սպորտով։

• Հրաժարվեք ալկոհոլից և հնարավորության դեպքում՝ հանգստացնող դեղերից, քնաբերներից (եթե օգտագործում եք):

• Քնեք կողքի կամ փորի վրա, միայն ոչ մեջքի:

• Մի՛ ծխեք:

Աղբյուրը
 
Բաժանորդագրվեք նաև մեր․ Տելեգրամյան ալիքին , Ֆեսբուքյան էջին, Ինստագրամյան էջին , Յութուբյան ալիքին