Արյան զարկերակային բարձր ճնշումը հղիության ընթացքում

Զարկերակային ճնշումը հղիության ընթացքում կարևոր ցուցանիշ է: Այն վերահսկվում է Տոնոմետրի միջոցով: Խորհուրդ է տրվում զարկերակային ճնշումը չափել նստած դիրքում, լուռ, ֆիզիկապես և հոգեպես հանգիստ վիճակում։ Հղիի արյան ճնշման չափումը կատարվում է մանկաբարձ-գինեկոլոգի մոտ յուրաքանչյուր Այցելության ժամանակ:

Ընթերցեք նաև՝ Օրգազմը հղիության ընթացքում

Անհրաժեշտության դեպքում բժիշկը կարող է հղիին առաջարկել օրվա ընթացքում մի քանի անգամ չափել արյան ճնշումը և գրի առնել ցուցանիշները: Սովորաբար հղիության առաջին եռամսյակի ընթացքում կնոջ արյան զարկերակային ճնշումը սովորականից ցածր է լինում, երկրորդ եռամսյակում կարգավորվում է, իսկ երրորդում՝ փոքր-ինչ բարձրանում։

Հղիության ընթացքում նորմալ է համարվում 130/90-ից ցածր ցուցանիշը: Եթե հղին հակված է զարկերակային հիպոտոնիայի (արյան ցածր ճնշում), ապա, միևնույնն է, արյան ճնշումը համարվում է բարձր 120/80-ից բարձր ցուցանիշի դեպքում:

Ավելի ցածր ցուցանիշները չեն պահանջում լրացուցիչ հետազոտություններ կամ բուժում։ 140/90 ցուցանիշով արյան ճնշումը պետք է գրանցվի օրվա ընթացքում 2 կամ ավելի անգամ՝ չափումների միջև առնվազն 4 ժամվա միջակայքով, որպեսզի համարվի հիպերտոնիա։

Հիպերտոնիկ խանգարումները հաճախ դառնում են մայրական մահացության կամ վաղաժամ ծննդաբերության պատճառ, ուստի հարկավոր է լուրջ վերաբերվել այս խնդրին և համապատասխան բուժում ստանալ: Արյան զարկերակային ճնշումը կարգավորող դեղամիջոցների մեծ մասը հղիության ընթացքում կարող է հանգեցնել պտղի զարգացման հապաղման, մինչև իսկ մահվան, ուստի արգելվում է դրանց օգտագործումը հղիության ընթացքում:

Հղիության ընթացքում միայն բժիշկն է սահմանում զարկերակային հիպերտոնիայի բուժումը թույլատրված դեղամիջոցներով:

 Աղբյուրը
 
Բաժանորդագրվեք նաև մեր․ Տելեգրամյան ալիքին , Ֆեսբուքյան էջին, Ինստագրամյան էջին , Յութուբյան ալիքին