Երիտասարդության գաղտնիքը հորմոնների ներդաշնակությունն է

Երբ հորմոնալ համակարգի հետ կապված խնդիրներ են առաջանում, չափազանց դժվար է դառնում վերլուծել և վերահսկել սեփական զգացմունքներն ու հույզերը: Սակայն այն միայն հուզական աշխարհի վրա չէ, որ ազդում է։

Ծերացման գործընթացը սկսվում է 30 տարեկան հասակում, և սա նույնպես ինչ- որ չափով կապված է հորմոնների հետ: Գեղձերի գործունեությունը 30-35 տարեկան հասակում տարեցտարի նվազում է. վահանաձև գեղձը և վերերիկամային խցուկները նվազեցնում են հորմոնների արտադրությունը, օրգանիզմն արտադրում է ավելի քիչ քանակությամբ աճի և սեռական հորմոններ: Էստրոգենի անբավարարությունը հանգեցնում է կնճիռների վաղ առաջացման, իսկ տեստոստերոնի պակասը նպաստում է քաշի ավելացմանը, ձեռքերի և մեջքի մաշկի թուլացմանն ու կախվածությանը, լիբիդոյի նվազմանը:

Բացի այդ, սեռական հորմոնների և վիտամին D-ի քանակի նվազումը մեծացնում է օրգանիզմում առկա ինսուլինի մակարդակը, որն իր հերթին առաջացնում է մաշկի պիգմենտացիա, ինչպես նաև պարանոցի հատվածում մաշկի մգեցում: Այս բոլոր խնդիրների լուծմանն օգնում է հորմոնների փոխարինման թերապիան: Այս թերապիայի նպատակն է վերացնել անհավասարակշռությունը՝ նորմալացնելով օրգանիզմի վիճակը և ինքնազգացողությունը:

Այն երիտասարդ աղջիկներին օգնում է վերացնել նախադաշտանային համախտանիշը, միջին տարիքի կանանց՝ հետաձգել դաշտանադադարը, իսկ դաշտանադադարում գտնվող կանանց՝ ապրել լիարժեք կյանքով, մնալ երիտասարդ ու առողջ։ Էստրադիոլը, որը սովորաբար կազմում է թերապիայի հիմքը, ապահովում է մաշկի լավ վիճակը, որպեսզի այն շարունակի մնալ երիտասարդ, հարթ ու փայլուն։

Իսկ երկարաժամկետ հեռանկարում՝

• վերացնում է օստեոպորոզի առաջացման վտանգը,

• տեսողությունը չի վատթարանում, քանի որ լորձաթաղանթը չի չորանում,

• արագանում է նյութափոխանակության գործընթացը,

• բարելավվում է ինքնազգացողությունը։

Այսպիսով, ճիշտ ընտրված հորմոնալ թերապիան հնարավորություն է տալիս 15-20 տարով հետաձգելու կնոջ ծերացման ժամանակահատվածը: Նախքան թերապիային անցնելը՝ բժիշկն իրականացնում է մի շարք հետազոտություններ, իսկ թերապիայի ընթացքում 3-4 ամիսը մեկ կատարում է հորմոնալ ֆոնի հետազոտություն:

Իհարկե, թերապիայի ընթացքում բուժառուից պահանջվում է լինել հետևողական, ցուցաբերել գիտակցված մոտեցում և ուշադրություն դարձնել առողջությանը: Արդյունքում՝ բուժառուն չի կորցնում երիտասարդությունն ու գեղեցկությունը, ունենում է լավ ինքնազգացողություն։

 

Աղբյուրը
 
Բաժանորդագրվեք նաև մեր․ Տելեգրամյան ալիքին , Ֆեսբուքյան էջին, Ինստագրամյան էջին , Յութուբյան ալիքին