Հղիության 6-րդ շաբաթ

Հղիության 6-րդ շաբաթ

Պտղի զարգացումը

Սաղմն ունի 4 - 5 մմ երկարություն, առկա են ձեռքերի և ոտքերի սաղմերը: Նա արդեն կարող է ձգել և դարձումներ անել գլխով, շարժել ձեռքերն ու ոտքերը: Սաղմի ձևը փոփոխվում է՝ տափակից մինչև գլանաձև: Աստիճանաբար նմանվում է С տառի: Տեսանելի են աչքերի և լսողական օրգանների սաղմերը:

Սրտամկանն սկսում է կծկվել (սիրտն սկսում է բաբախել): Հնարավոր է դիտել արյան տեղաշարժը սաղմի մարմնի տարբեր մասերում: 6-րդ շաբաթվա մեջտեղում սաղմնավորվում են սրտի փականներն ու միջնապատերը: Սաղմնավորվում են փայծախն ու ոսկրածուծը: Ի հայտ են ալիս պտղի լյարդի, ենթաստամոքսագեղձի, լեզվի, կերակրափողի, ստամոքսի, հաստ աղիքի, կոկորդի, շնչափողի և թոքերի, վահանաձև գեղձի սաղմերը:

Սկսում են զարգանալ ոսկորներն ու մկանները: Նյարդային խողովակի ձևավորումն ավարտվում է բեղմնավորման 28-րդ օրը: Տեղի է ունենում հիպոֆիզի՝ որպես ներզատիչ համակարգի կենտրոնական կարգավորիչ օղակի սաղմնավորում: Սկսվում է սեռական գեղձերի տարբերակումը՝ արական ու իգական: Սկսում է ձևավորվել ամորձին: Սաղմնավորվում է ուրցագեղձը (թիմուս), որտեղ տարբերվում են ավշային ցողունային բջիջները՝ Т-լիմֆոցիտները:

Հորմոնային փոփոխությունները մոր օրգանիզմում

Հղիության վեցերորդ շաբաթում մեծ քանակությամբ պրոգեստերոն է արտադրվում։ Այն օրգանիզմը պաշտպանում է տարատեսակ վարակներից, ամրացնում է արգանդի պատերը՝ ապահովելով պտղի արյունամատակարարումը։ Միևնույն ժամանակ բացասաբար է անդրադառնում մարսողության վրա՝ դանդաղեցնելով սննդի խմորումը, առաջացնելով սրտխառնոց և փսխում, որոնց մի բառով անվանում են տոքսիկոզ։

Նշանները

Հղիության այդ շաբաթը հաճախ ուղեկցվում է մի շարք տհաճ ախտանշաններով, որոնցից մի քանիսը, օրինակ շագանակագույն արտադրությունը, ստիպում է անհանգստանալ։ Եթե այն շատ չէ և չի ուղեկցվում որովայնի ստորին շրջանի ցավով, ապա պետք չէ մտահոգվել․ այն օրգանիզմի բնական արձագանքն է փոփոխված հորմոնային ֆոնին։

Առանձնացվում են հետևյալ նշանները՝

  • թքարտադրության ուժգնացում, 
  • հոգնածություն, 
  • հաճախակի միզարձակում, 
  • տրամադրության փոփոխություններ, 
  • փսխում առավոտյան ժամերին, 
  • որովայնի ստորին հատվածի ցավ, 
  • մկանային թուլություն, 
  • կաթնագեղձերի ծանրացում և այն։

Պետք է հաշվի առնել, որ հղիության վեցերորդ շաբաթում ոչ բոլոր կանայք են ունենում կամ զգում որևէ նշան, և այդ բնական է։

Ուլտրաձայնային հետազոտություն

Վեցերորդ շաբաթում ՈւՁՀ-ն կհաստատի հղիության առկայությունը։ Արգանդը մեծացած է, լավ լսելի և տեսանելի է պտղի սրտխփոցը, մեծությունը 4մմ է, պտղաձուն՝ մինչև 25մմ։

Կարդացեք՝ ՈւՁՀ-ն հղիության ընթացքում

Ինչի՞ց զգուշանալ

Ոչ բնորոշ արտադրություն նկատելու դեպքում պետք է դիմել բժշկի։ Հղիությանը կարող են սպառնալ մրսածության պատճառով ի հայտ եկած հիվանդությունները, մարմնի բարձր ջերմությունը, պատահական անկումները, տաք լոգանքը և այլն։ Այդ շրջանում նախընտրելի է սնվել փոքր չափաբաժնով։ Սնունդը պետք է բաղկացած լինի սպիտակուցներից և վիտամիններից, կաթնաթթվային մթերքներից։

Կարդացեք՝ Հղիության ընթացքում սնվելու ուղեցույց

Պետք չէ մերժել օրգանիզմի երբեմն տարօրինակ ցանկությունները, դրանք կարող են առաջանալ որևէ վիտամինի պակասի պատճառով, օրգանիզմը պակասող այդ տարրը փորձում է գտնել իրեն ծանոթ մթերքներում կամ դրանց համադրության մեջ։ Սեռական հարաբերությունը թույլատրելի է այդ շրջանում, եթե չկա վիժման վտանգ։

Սեքսը կրծքով կերակրման շրջանում

Սեքսը կրծքով կերակրման շրջանում

Մի շարք կանայք ԿԿ ֆոնին բախվում են լիբիդոյի նվազման խնդրին․․․

Օրգազմը հղիության դեպքում

Օրգազմը հղիության դեպքում

Հղիությունը չի նվազեցնում սեռական ցանկությունը, սակայն շատերը խուսափում են օրգազմից՝ մտածելով, որ այն կարող է վիժում առաջացնել...

Վարիկոզի կանխարգելումը հղիության ընթացքում

Վարիկոզի կանխարգելումը հղիության ընթացքում

Հղիության ընթացքում վարիկոզի առաջացման հիմնական պատճառն արգանդի մեծացումն է, ինչը հանգեցնում է փոքր կոնքի երակի...

Կրծքով կերակրումը ջերմության բարձրացման պայմաններում

Կրծքով կերակրումը ջերմության բարձրացման պայմաններում

Կրծքով կերակրող մայրերը, երբ ջերմություն են ունենում, սկսում են մտահոգվել, թե արդյոք կարելի է շարունակել կրծքով կերակրումն այդ վիճակում, արդյոք կաթը վնասակար չի լինի երեխայի համար․․․