Ճի՞շտ է արդյոք, որ չիլի պղպեղը կարող է բարելավել առողջությունը և երկարացնել կյանքի տևողությունը

Ճի՞շտ է արդյոք, որ չիլի պղպեղը կարող է բարելավել առողջությունը և երկարացնել կյանքի տևողությունը

Չիլի պղպեղը միակ բույսն է, որ միաժամանակ պարունակում է կարոտենոիդներ, ֆլավոնոիդներ և կապսաիցիններ: Առաջին երկու նյութերը պատասխանատու են պտուղների գույնի համար, իսկ մարդու օրգանիզմում հանդես են գալիս որպես հակաօքսիդանտներ՝ պաշտպանելով օրգանիզմը օքսիդային սթրեսից և բորբոքային գործընթացներից:

Կապսաիցինն ապահովում է պղպեղի կծու համը և համարվում է նրա ամենաօգտակար բաղադրիչը: Թափանցելով աղեստամոքսային տրակտի մեջ՝ այս օրգանական միացությունն ազդում է վանիլոիդների ընկալիչների վրա` նյարդային բջիջների թաղանթային սպիտակուցների, որոնք արձագանքում են մարմնի բարձր ջերմաստիճանին, քիմիական խթաններին և օրգանիզմի բորբոքային գործընթացներին:

Եվ, քանի որ այդ ընկալիչներն արտադրվում են ոչ միայն նեյրոնների կողմից, այլ նաև արյան անոթների էնդոթելիումի բջիջների, արյան, ճարպային հյուսվածքների, հարթ մկանների և այլ հյուսվածքների միջոցով, ապա կապսաիցինը կարող է ազդել սրտանոթային և մարսողական համակարգերի վրա, կանխարգելել բորբոքային գործընթացների առաջացումն ու նվազեցնել մարմնի քաշը:

Ինչպե՞ս է չիլի պղպեղն ազդում մարմնի քաշի և նյութափոխանակության վրա

Կապսաիցինը մեծացնում է հագեցվածության զգացողությունը և ճնշում քաղցի զգացողությունը, նվազեցնում է սպառվող սննդի քանակը, մեծացնում ճարպերի և թերմոգենեզի օքսիդացումը՝ էներգիայի ծախսը ջերմության արտադրության վրա:

Ինչպե՞ս է չիլի պղպեղը նպաստում սրտի և անոթների առողջությանը

Կապսաիցինը մեծացնում է անոթների ընդլայնման համար պատասխանատու ֆերմենտների գործունեությունը, ինչպես նաև խթանում է հակաբորբոքային սպիտակուցների աշխատանքը, որոնք պաշտպանում են սիրտը հիպերտրոֆայից և ֆիբրոզից:

Ինչպե՞ս է չիլի պղպեղն ազդում մարսողության վրա

Համարվում է, որ կծու սնունդը վնասակար է ստամոքսի համար, հատկապես հիվանդությունների առկայության դեպքում: Իրականում կապսաիցինը կարող է հակառակ ազդեցությունն ունենալ: Այս միացությունը ճնշում է ստամոքսաթթվի արտազատումը, խթանում է ստամոքսի լորձաթաղանթի արյան շրջանառությունը և լորձի արտադրությունը: Այս ամենը պաշտպանում է ստամոքսը խոցերի ձևավորումից և նպաստում դրանց ապաքինմանը:

Չիլի պղպեղը կարող է երկարացնել կյանքի տևողությունը

2021 թվականին հրապարակվել են 4 տարբեր հետազոտություններ, որոնց մասնակցել է շուրջ 570 000 18-79 տարեկան մարդ տարբեր երկրներից՝ Իտալիա, Իրան, ԱՄՆ և Չինաստան։ Գիտական աշխատանքները ստուգելով՝ գիտնականները եզրակացրել են, որ չիլի պղպեղի օգտագործումը նվազեցնում է մահվան ռիսկը այնպիսի հիվանդություններից, ինչպիսիք են՝ սրտանոթային և աղեստամոքսային հիվանդությունները, քաղցկեղը և այլն...

Որքա՞ն չիլի պղպեղ է անհրաժեշտ ուտել՝ օրգանիզմի առողջության համար

Քանի որ այս նյութի քանակը չիլի պղպեղի մեջ կազմում է նրա քաշի 1%-ը, ապա կարելի է ենթադրել, որ օրական 1-2 գ կծու համեմունքը կապահովի 10-20 մգ ալկալոիդ: Սա բավարար կլինի, որպեսզի պղպեղը բարելավի ձեր առողջությունը, և միևնույն ժամանակ չվնասի ստամոքսին:

Աղբյուրը
 
Բաժանորդագրվեք նաև մեր․ Տելեգրամյան ալիքին , Ֆեսբուքյան էջին, Ինստագրամյան էջին , Յութուբյան ալիքին