Ամուսնու ներկայությունը ծննդաբերության ժամանակ․ դրական և բացասական կողմերը...
16526
Ամուսնու ներկայությունը ծննդաբերության ժամանակ․ դրական և բացասական կողմերը...
Երեխայի անվան ընտրություն կատարելուց բացի, շատ մայրեր տանջվում են մեկ այլ հարցով՝ արդյոք ճիշտ է, որ ամուսինը ներկա գտնվի ծննդաբերությանը: Հիմա կքննարկենք hամատեղ ծննդաբերության դրական ու բացասական կողմերը։
Ընթերցեք նաև՝ Պտղի հետույքաին առաջադրություն
Համատեղ ծննդաբերության առավելություններն են
- Բարոյական աջակցություն
Այդ պահին իսկապես դժվար է մենակ մնալը, և մտերիմների բարոյական աջակցությունը կարող է շատ օգնել ծննդկանին։
- Օգնություն ծննդաբերության ժամանակ
Բացի հուզական մտերմությունից և աջակցությունից՝ ամուսինը ցավային կծկումների ժամանակ կարող Է օգնել նաև ֆիզիկապես՝ թեթևացնելով ցավը հատուկ հանգստացնող մերսման միջոցով: Իհարկե, նման մերսման տեխնիկան պետք է սովորել ծննդաբերությունից առաջ: Քանի որ հղիությունը տևում է 9 ամիս, ուստի բավականին ժամանակ կա այդ տեխնիկայի ուսումնասիրման համար:
- Համատեղ փորձ
Միասին ծննդաբերությունը հաղթահարելը նման է Էվերեստի գագաթը նվաճելուն. ադրենալինի մակարդակը գրեթե նույնն է: Այս փորձությունը ստուգում է զույգի դիմացկունությունը։
Համատեղ ծննդաբերության բացասական կողմերը
- Հոգեբանական անպատրաստություն
Ինչպես գիտեք, ծննդաբերությանը ներկա գտնվող շատ տղամարդիկ ուշագնաց են լինում: Ավաղ, բնությունը տղամարդկանց չի տվել այդ գործառույթը` պատրաստ լինել տեսնելու երեխայի ծնվելու գործընթացը: Եվ բացի այդ՝ նրանք կարող են հետո մեղավոր զգալ իրենց, որ այդ ծանր պահին չէին կարողանում աջակցել իրենց կնոջը: Իհարկե, սա դժվար թե դրական ազդի փոխհարաբերությունների վրա:
- Հիշողություն ողջ կյանքի համար
Սիրելի կնոջ կերպարը, որից ծնվում է երեխան, դեռ երկար կհիշի նույնիսկ ամենաքիչ տպավորվող տղամարդը։ Համատեղ ծննդաբերությունը, իհարկե, լավ է, բայց չպետք է կարծեք, որ այն կբարձրացնի սեռական գրավչությունը:
Որոշում կայացնելուց առաջ արժե մտածել, թե արդյոք պատրաստ եք, որ ձեր ամուսինը տեսնի ձեզ ծննդաբերելու ժամանակ։ Իհարկե, կան դեպքեր, երբ, դրանից հետո տղամարդը կրկին սիրահարվում է իր կնոջը, բայց միշտ չէ, որ այդպես է:
Եվ անպայման խորհրդակցեք զուգընկերոջ հետ՝ հասկանալու համար, թե արդյոք նա պատրաստ է նման փորձության: Եթե ոչ, ապա պետք չէ խնդրել նրան՝ հակառակ իր ցանկության անել դա։
Ավելի լավ է ձեզ աջակցելու համար դիմել մայրիկին, քրոջը կամ մտերիմ ընկերուհուն:
Բաժանորդագրվեք նաև մեր․ Տելեգրամյան ալիքին , Ֆեսբուքյան էջին, Ինստագրամյան էջին , Յութուբյան ալիքին
