Պտղի հետույքային առաջադրություն

Պտղի հետույքային առաջադրություն

Հղիության ամբողջ ընթացքում պտուղը կարողանում է ժամանակ առ ժամանակ փոխել իր դիրքը։ 34-րդ շաբաթում պտուղը հիմնականում լինում է գլխային առաջադրությամբ, ինչը բնական է և ավելի ապահով ծննդաբերության համար։ Լինում են, սակայն, դեպքեր, երբ երեխան հետույքային դիրք է զբաղեցնում արգանդում։

Պատճառները

Բուն պատճառներն առ այսօր պարզ չեն։ Երբեմն հետույքային առաջադրությունը կապում են հետևյալ երևույթների հետ՝

  • վաղաժամ ծննդաբերություն, 
  • բազմապտուղ հղիություն, 
  • պտղի զարգացման արատներ, 
  • գերջրություն կամ սակավաջրություն, 
  • արգանդի հետ կապված խնդիրներ և այլն։ 

Ախտանշանները

Հատուկ ախտանշաններ չկան։ Դժվար է որևէ նշանով զգալ, որ պտուղը հետույքային առաջադությամբ է։ Հնարավոր է, որ կինն սկսի փոքրիկի հարվածներից կասկածել, որ նրա ոտքերը որովայնի ներքևի մասում են, իսկ գլուխը՝ վերևում։ Այդ դեպքում պետք է դիմի իր մանկաբարձ-գինեկոլոգին։

Ախտորոշումը

Ախտորոշումն իրականացվում է զննմամբ․ բժիշկը զննում է որովայնի վերին և ստորին հատվածները, ինչպես նաև արգանդի պարանոցը, իսկ ամենահստակ պատկերը տալիս է ուլտրաձայնային հետազոտությունը։

Բուժումը

Մանկաբարձական չբարդացած իրավիճակի դեպքում, երբ երեխայի ու մոր վիճակը լավ է, կոնքի և պտղի չափը համապատասխան են, մոր օրգանիզմը կենսաբանորեն պատրաստ է ծննդաբերությանը և այլն, հնարավոր է ծննդաբերել բնական ճանապարհով։ Այդուհանդերձ, բարդություններից խուսափելու համար խորհուրդ է տրվում ծննդալուծումն իրականացնել կեսարյան հատմամբ:

Բարդությունների դեպքում ծննդկանը հոսպիտաացվում է և անհրաժեշտ միջոցառումներ են ձեռնարկվում պտուղընկերքային անբավարարությունն ու ախտաբանական այլ վիճակների առաջացումը կանխելու նպատակով։

Ալկոհոլը կրծքով կերակրման ընթացքում

Ալկոհոլը կրծքով կերակրման ընթացքում

Լակտացիայի շրջանում ալկոհոլի օգտագործումը քիչ ուսումնասիրված հարց է։ Մայրիկները հաճախ են լսում հակասական խորհուրդներ, թե ինչպես է ազդում ալկոհոլը երեխայի վրա․․․

Ցիստիտը հղիության ընթացքում

Ցիստիտը հղիության ընթացքում

Հղիության ընթացքում ցիստիտի դեպքում դեղամիջոցների և անգամ որոշ խոտաբույսերի ընդունումն արգելվում է, քանի որ ոչ բոլորն են բարենպաստ ազդեցություն թողնում երեխայի առողջության վրա․․․

Մագնիումի դերը հղիության ընթացքում

Մագնիումի դերը հղիության ընթացքում

Մագնիումի պակասն առանձնահատուկ զգացվում է հղիության շրջանում, քանի որ այն մասնակցում է փոքրիկի պրակտիկորեն բոլոր օրգանների կազմավորմանը և․․․․

Կեղծ հղիության նշանները

Կեղծ հղիության նշանները

Հղիության բոլոր նշաններն առկա են, իսկ ՈւՁՀ մասնագետը հետազոտությունից հետո հայտնում է, որ պտղաձուն բացակայում է։ Տարօրինա՞կ է։ Գուցե, բայց բժշկությանն այդպիսի դեպքեր հայտնի են։ Այդ կոչվում է կեղծ հղիություն․․․․