Պտղի հետույքային առաջադրություն. պատճառները
26284
Հղիության սկզբում սաղմը կարող է տեղակայվել արգանդում գլխով դեպի վերև: Սովորաբար մինչև հղիության 34-րդ շաբաթը նա շրջվում է , իսկ եթե դա տեղի չի ունենում, ապա խոսում ենք հետույքային առաջադրության մասին: Հնարավոր է, որ մայրիկը երեխայի շարժումներից զգա, նա շրջվե՞լ է, թե՞ ոչ: Պտղի հետույքային առաջադրությունը հաստատում է բժիշկը՝ որովայնը շոշափելով և ՈւՁ հետազոտությամբ:
Պտղի գլխային առաջադրությունը ծննդաբերությունը հաջող և ապահով է դարձնում, քանի որ գլուխը պտղի ամենալայն մասն է, այդ դիրքով ծննդաբերությունն ավելի ճիշտ է ընթանում: Հետույքային առաջդրության պատճառ կարող են լինել.
- վաղաժամ ծննդաբերությունը՝ մինչև 36-րդ շաբաթը,
- բազմապտուղ հղիությունը. սովորաբար երեխաներից մեկը հետույքային առաջադրւթյամբ է լինում,
- պտղաջրի սակավությունը կամ գերջրությունը. շատ մեծ կամ շատ փոքր տարածքը թույլ չի տալիս երեխային շրջվել,
- արգանդի պաթոլոգիաները. միոմա, կառուցվածքի խանգարումներ,
- պտղի անոմալիաները. Դաունի համախտանիշ, զարգացման արատներ, հիդրոցեֆալիա և այլն:
Հետույքային առաջադրությունն ինքնին վտանգավոր չէ, պարզապես ծննդաբերության ընթացքում հնարավոր է բարդություններ առաջանան (թթվածնաքաղց, շնչահեղձուկ,): Մեծանում է նաև ծննդաբերական վնասվածքների վտանգը: Այդ պատճառով հետույքային առաջդրության դեպքում սովորաբար ցուցվում է կեսարյան հատում:
