Հղիության 29-րդ շաբաթ
82182
Քսանիներորդ շաբաթում կարևորվում է քաշի վերահսկումը։ Լսեք ձեր բժշկի խորհուրդները։ Ավելորդ քաշը կխանգարի և՛ ձեզ, և՛ երեխային՝ տարաբնույթ խնդիրների առջև կանգնեցնելով։
Կարդացեք՝ Քաշի ավելացումը հղիության ընթացքում․ երբ և որքան
Այրոցը, սրտխառնոցը, մեջքի ցավը, անքնությունը քսանիներորդ շաբաթվան բնորոշ խնդիրներ են, բայց հնարավոր է կանխարգելել դրանք։ Հարկավոր է կերակուրն ուտել փոքր չափաբաժիններով և այրոցն այնքան էլ չի զգացնի։
Անհարմար դիրքով մի նստեք, հարմարավետ կոշիկ հագեք և մեջքի ցավը նույնպես չի զգացնի։ Հնարավորության դեպքում նույն ժամին քնեք և լավ օդափոխված սենյակում։
Կարդացեք՝ Հագուստը հղիության ընթացքում․ երրորդ եռամսյակ
Պտղի զարգացման փուլ
Պտղի երկարությունը 35 սմ է, կշիռը` 1100-1200գր: Մաշկի ճարպային քսուքը լավ արտահայտված է։ Այն մեկուսացնող նշանակություն ունի և նյութափոխանակության գործընթացի համար էներգիայի աղբյուր է:
Աչքերը մասամբ բաց են: Կան թարթիչներ: Թոքերը պատրաստ են գազափոխանակության: Այս ժամանակահատվածում վաղաժամ ծնվելիս նորածիններն ուղեկցող հիվանդությունների բացակայության և մասնագիտական խնամքի պայմաններում կարող են ապրել:
