Հագուստը հղիության ընթացքում. երրորդ եռամսյակ

25.02.201414931
Երրորդ ավարտական եռամսյակում հղիությունը կլինի արտահայտված,բայց,չնայած դրան,պետք է լավ տեսք ունենալ: Կարևոր է, որ շրջազգեստի եզրը հասնի ձկնամկանի կեսին, հակառակ դեպքում կդիտվեք հակաէսթետիկական: Ստիպված կլինեք թարմացնել պահարանը` գնելով մի քանի հագուստ հատուկ հղիների համար:

Սպիտակեղեն

Սպիտակեղենը պետք է կարված լինի բնական կտորներից և բավարարի հղի և կերակրող կնոջ բոլոր պահանջները: Ձեռք բերեք մի քանի կրծքկալներ հատուկ հղի և կերակրող կանանց համար, որոնք լավ կպահեն կուրծքը, կունենան լայն բրետելներ և կկոճկվեն դիմացից: Նման ձևի կրծկալները`լայն գոտով և բարձր բաժակներով, նկատելի կփոքրացնեն ճնշումը կրծքավանդակի մկանների վրա: Այդ պատճառով որոշ կանայք շարունակում են կրել այդ կրծկալները ողջ կերակրման ընթացքում: Պտուկների համար առաջարկվում է օգտագործել կոպիտ բամբակե կտորից ներդիրներ:
Հետագայում՝ կրծքով կերակրման ժամանակ, այդ ներդիրները փոխում են ուրիշով, որը լավ կներծծի խոնավությունը և կպահպանի հագուստը արտադրվող կաթից:
Ձեզ կարող է թվալ, որ այդպիսի կրծկալները հնաոճ են ու հակաէսթետիկ: Սակայն դիզայներները հոգացել են, որ հղի կինը համակրելի տեսք ունենա և ստեղծել են հղի և կերակրող կանանց համար կրծկալների գեղեցիկ մոդելներ: Որոշ հղի կանայք նախընտրում են հագնել վարտիքներ, որովայնի տակով անցնող ռեզինով, սակայն դա անցանկալի է: Անհրաժեշտ է ձեռք բերել մի քանի զույգ բարձր բամբակյա վարտիքներ, որոնք ամբողջությամբ կծածկեն որովայնը: Կարող է թվալ, որ դուք տգեղ կդիտվեք, բայց կլինի շատ հարմար, քանի որ նման վարտիքները չեն ճնշի և չեն սահի: Ինչպես և կրծքկալները, այս վարտիքները պետք կգան նաև ծննդաբերությունից հետո, երբ անհրաժեշտ կլինեն ներդիրներ` արտադրությունից սպիտակեղենը պաշտպանելու համար:

Կոշկեղեն

Երրորդ եռամսյակում հղի կնոջ ոտքերի երակները կարող են լայնանալ, կամ կարող է զարգանալ հարթաթաթություն: Այդ պատճառով պետք չէ բարձրակրունկ կոշիկներից միանգամից անցում կատարել առանց կրունկի տնային կոշիկների: Որպեսզի ոտքերը չհոգնեն, անհրաժեշտ է հագնել փափուկ կոշիկ`փոքր կրունկով (3 սմ) կամ տանկետկայով և կլորացող լայն թաթով: Հարթաթաթության կանխարգելման և ամբողջ օրվա լարվածությունից հետո հոգնածությունը հանելու նպատակով մարզեք թաթի մկանները հետևյալ կերպ. Նստեք աթոռին, հատակին դրեք թաշկինակ, մատիտ կամ գնդակ և աշխատեք մի քանի անգամ իրերը բարձրացնել ոտքի մատներով:
Աղբյ. ՝ «Գիրք ծննդոց. Հղիության և մայրության ուղեցույց»
Ռ. Աբրահամյան, Գ. Ավագյան