Ինչո՞ւ է բարձրանում մարմնի ջերմաստիճանն առանց հիվանդության այլ ախտանիշների 

Ինչո՞ւ է բարձրանում մարմնի ջերմաստիճանն առանց հիվանդության այլ ախտանիշների 
Ո՞ր ջերմաստիճանն է համարվում բարձր 
Եթե ձեր մարմնի ջերմաստիճանը 36,9 ° C կամ նույնիսկ 37 ° C է, ապա շատ վաղ է խոսել բարձր ջերմության մասին: Մարմնի նորմալ ջերմաստիճանը պարտադիր չէ, որ 36,6 ° C լինի։ Այն տատանվում է բավականին լայն տիրույթում: Նորմալը 36.1-ից 37.2 ° C է: Եթե ջերմաչափը ցույց է տալիս 37.2 ° C-ից բարձր արժեքներ, ապա դրանք վկայում  են բարձր ջերմության մասին: 
Երբ անմիջապես դիմել բժշկի 
Տենդն ինքնին տագնապի առիթ չէ: Բայց կան բացառություններ։ Անմիջապես դիմեք բժշկի, եթե ջերմաստիճանի բաձրացումն առանց ախտանիշների է. 
• գերազանցել է 38 ° C-ը մինչև երեք ամսական նորածնի կամ 38.9 ° C- ը 3-6 ամսական երեխայի մոտ 
• հասել է 38,9 ° C-ի և տևում է մեկ օրից ավելի՝ մինչև երկու տարեկան երեխայի մոտ 
• առաջացել է, երբ երեխան երկար ժամանակ մնացել է արևի տակ 
• տևում է ավելի քան երեք օր՝ երեխայի դեպքում 
• մեծահասակի մոտ՝ բարձրացել է 39,4 ° C-ից բարձր: 
Որո՞նք են առանց այլ ախտանիշների տենդի պատճառները 
Ահա ամենատարածված գործոնները, որոնք հանգեցնում են ջերմաստիճանի բարձրացմանը: 
1. Վիրուսային հիվանդություններ 
Շատ հաճախ հարբուխի կամ, օրինակ, մոնոնուկլեոզի նշաններն ակնհայտ են: Բայց երբեմն վիրուսային վարակը կարող է ընթանալ առանց ախտանիշների՝ հազի, կոկորդի ցավի կամ քթի հոսքի: 
2. Բակտերիալ վարակներ 
Ինչպես վիրուսների դեպքում, բակտերիալ ինֆեկցիայի ախտանիշները միշտ չէ, որ ակնհայտ են: Օրինակ՝ տուբերկուլյոզը սկզբում չի կարող արտահայտվել այլ կերպ, քան թուլությունը, ինչը կարող է հեշտությամբ չտարբերակվել սովորական հոգնածության և 37 ջերմաստիճանի արդյունքում: 
3. Որոշ դեղամիջոցների ընդունում 
Ջերմաստիճանի փոքր, բայց կայուն բարձրացումը կարող է տեղի ունենալ նոր դեղամիջոց ընդունելուց 7-10 օր հետո: Այս պայմանը կոչվում է դեղամիջոցների տենդ։ Որոշ հակաբիոտիկներ (հաճախ պենիցիլինի կամ ցեֆալոսպորինների ընտանիքից), հիպերտոնիկ դեղամիջոցները և քնաբերները կարող են առաջացնել դեղամիջոցների տենդ՝ առանց որևէ այլ ախտանիշի: 
4. Աուտոիմուն հիվանդություններ 
Ջերմաստիճանի մի փոքր բարձրացումը ռևմատոիդ արթրիտի ընդհանուր նշանն է: Ենթադրվում է, որ այս դեպքում ջերմությունը առաջանում է հոդերի սկսվող բորբոքային գործընթացի պատճառով: Մեկ այլ տարածված հիվանդություն, որն առանց այլ ախտանիշների կարող է դրսևորվել տենդով, ցրված սկլերոզն է: 
5. Որոշ պատվաստումներ 
Դիֆթերիա-տետանուս-կարմրախտի պատվաստանյութերը և պնևմոկոկային պատվաստանյութերը նույնպես կարող են բարձրացնել ջերմությունը: 
6. Սթրես 
Հուզական վիճակը կարող է ազդել մարմնի ջերմաստիճանի վրա: Բժիշկներն այս երևույթն անվանում են հոգեբանական տենդ: Եթե մենք խոսում ենք քրոնիկ սթրեսի մասին, ապա ջերմաստիճանը պահպանվում է 37-38 ° C սահմաններում: Բարձր հուզական սթրեսի դեպքում այն կարող է բարձրանալ 40 ° C-ից բարձր: 
7. Ուռուցքաբանական հիվանդություններ 
Որոշակի քաղցկեղներ, ինչպիսիք են՝ լիմֆոմաները և լեյկոզը, երբեմն առաջացնում են կայուն և անհասկանալի ջերմություն: 
8. Անորոշ պատճառներ 
Երբեմն հնարավոր չէ պարզել երկարատև ասիմպտոմատիկ ջերմաստիճանի պատճառը: Այս դեպքում բժիշկն ախտորոշելու է անհայտ ծագման տենդ: 
Ինչ անել առանց այլ ախտանիշների  
ջերմության դեպքում 
Ձեր խնդիրն է՝ վերահսկել ձեր վիճակը և օգնել օրգանիզմին հաղթահարելու ներքին անկարգությունները, որոնք առաջացրել են ջերմաստիճանի բարձրացում: 
Անհրաժեշտ է՝ 
• հանգստանալ 
• խմել շատ հեղուկներ 
• պահպանել օրվա ռեժիմը 
• քայլել, մաքուր օդ շնչել 
• փորձել սթրեսը հաղթահարել, օրինակ՝ չկարդալ նորությունները, լսել հանգստացնող երաժշտություն, պահպանել խորը շնչառություն 
Եթե ջերմաստիճանը պայմանավորված է մեղմ վիրուսային հիվանդությամբ կամ անհանգստությամբ, 3-4 օր հետո այն կվերանա ինքնուրույն: Բայց եթե ջերմությունը չի նահանջում և նույնիսկ բարձրանում է, ուղեկցվում է այլ ախտանիշներով, դուք պետք է խորհրդակցեք բժշկի հետ:
 
Աղբյուրը
Քնի բնույթը. ինչու ենք մենք քնում, քնի պակասի հետևանքները 

Քնի բնույթը. ինչու ենք մենք քնում, քնի պակասի հետևանքները 

Քունը ճոխություն չէ, այլ ֆիզիկական և հոգեկան առողջության համար անհրաժեշտ գործընթաց

Եթե ցանկանում  եք արագ նիհարել և պահպանել մկանները, ծոմ  պահեք 

Եթե ցանկանում  եք արագ նիհարել և պահպանել մկանները, ծոմ  պահեք 

Ինչով է ընդհատումներով ծոմապահությունը տարբերվում դիետայից 

12 առասպել քաղցկեղածինների մասին, որոնց վաղուց պետք չէ հավատալ 

12 առասպել քաղցկեղածինների մասին, որոնց վաղուց պետք չէ հավատալ 

«Քաղցկեղածին» բառը ծագել  է լատինական cancer՝ «քաղցկեղ» բառից։ Այս տերմինը նշանակում է՝ այն ամենը, ինչ կարող է առաջացնել չարորակ ուռուցքներ: 

Ինչպես է արտահայտվում շրթունքների վրա մրսածությունը և ինչ անել այդ դեպքում 

Ինչպես է արտահայտվում շրթունքների վրա մրսածությունը և ինչ անել այդ դեպքում 

Շրթունքների վրա մրսածության արտահայտումն անբուժելի վարակի դրսևորում է, որից հնարավոր չէ պաշտպանվել։