Խորիոնալ գոնադոտրոպինը (ХГЧ) հղիության ընթացքում. նորմաների աղյուսակն ըստ շաբաթների

Խորիոնալ գոնադոտրոպինը (ХГЧ) հղիության ընթացքում. նորմաների աղյուսակն ըստ շաբաթների 
Շատ կանայք դրական թեստի առաջին օրերից սկսած հետաքրքրվում են հետազոտությունների արդյունքներով: Մասնավորապես՝ հղիության ընթացքում ԽԳ-ի արդյունքներով և դրա շաբաթական աճով: ԽԳ թեստն ինքնին հղիության հաստատման հիմնական որոշիչն է: ԽԳ-ն խորիոնալ գոնադոտրոպին հորմոնն է: Եվ դրա արդյունքն առավել ճշգրիտ է ցույց տալիս հղիության առկայությունը կամ բացակայությունը, սակայն կոնկրետ անալիզի դեպքում: Բացի այդ, կարևոր է վերահսկել դրա մակարդակը` հնարավոր խնդիրները ժամանակին հայտնաբերելու համար: 
ԽԳ-ի վերլուծություն. Ինչո՞ւ է դա անհրաժեշտ: 
Սա իսկապես եզակի վերլուծություն է ապագա մայրիկի համար: Այն ոչ միայն թույլ է տալիս համոզվել հաջող բեղմնավորման մեջ, այլ նաև մատնանշում է ցանկացած պաթոլոգիա (ախտաբանություն): Հետևաբար,  հղիության հաստատումից հետո կարող եք ամեն ամիս կամ նույնիսկ ամեն շաբաթ թեստ հանձնել: Սա կօգնի համոզվելու, որ պտղի մոտ ամեն ինչ լավ է։ Հղիության առկայության մասին կարող եք իմանալ թեստի միջոցով և ԽԳ-ի մակարդակի համար՝ երակից արյան անալիզ հանձնելով: Շատերը չեն էլ կռահում, որ թեստային համակարգը նույնպես որոշվում է ԽԳ-ի միջոցով: Միակ տարբերությունն այն է, որ մեզի անալիզը  ցույց չի տալիս 100 % արդյունք՝ ի տարբերություն արյան անալիզի: Հետևաբար, վախը ներարկումներից ստիպված եք որոշ ժամանակով մի կողմ դնել. սա անհրաժեշտ է առողջության և երեխայի վիճակի համար: Փաստն այն է, որ անալիզը կարող է բացահայտել ոչ միայն նորմալ հղիությունը, այլև՝ արտարգանդայինը: ԽԳ-ի հանձնման առավելությունը նաև  նրանում է, որ  ցույց է տալիս հղիության առկայությունը ցանկացած թանկ թեստից էլ շուտ: Բացի այդ, այն երբեմն որոշում է հղիության առկայությունը նույնիսկ դաշտանի ուշացումից առաջ: Այնուամենայնիվ, այժմ կան կատարելագործված թեստեր, որոնք կարող են ավելի ճշգրիտ արդյունք ցույց տալ դաշտանի սկզբից մի քանի օր առաջ, բայց դրա ճշգրտությունը չի գերազանցի 95 %-ը: Հղիության ընթացքում ԽԳ-ի նորմերի համաձայն՝ մակարդակը չի իջնում 15 մՄԵ / մլ-ից ցածր: 
ԽԳ-ի նորման աղյուսակով՝ ըստ շաբաթների 
Հարկ է հստակեցնել, որ հղիության ընթացքում ԽԳ-ի նորմերը նշվում են բեղմնավորման պահից և ոչ վերջին դաշտանից հետո: Եթե աղյուսակային նորմերից շեղումներ են հայտնաբերվել, դիմեք ուլտրաձայնային հետազոտության: Դրա օգնությամբ հաշվարկվում է պտղի չափը և համեմատվում է միջին ցուցանիշների հետ:
 
Հղիության ժամկետը (ըստ շաբաթների)  Միջին ցուցանիշ  Նորմա, մՄԵ/մլ 
1-2  150  50-300 
3-4  2000  1500-5000
4-5  20000  10 000-30 000 
5-6  50 000  20 000-100 000 
6-7  100 000  50 000-200 000 
7-8  70 000  20 000- 200 000 
8-9  65 000  20 000-100 000 
9-10  60 000 20 000-90000
10-11 55 000 20 000-95 000
11-12 45 000 20 000-95 0000
13-14 35 000 15 000-60 000
15-25 22  000 10 000-35 000
26-37 28 000 10 000-60 000
Չնայած այն հանգամանքին, որ աղյուսակները ստեղծվում են ստանդարտ ցուցանիշներով, ԽԳ-ի մակարդակը կարող է տարբեր լինել՝ կախված որոշման տարբերակից: Հետևաբար, նույնիսկ նորմայից փոքր-ինչ շեղվելու դեպքում անհրաժեշտություն չկա խոսելու առաջացած խնդիրների ու պաթոլոգիաների մասին: Շատ բան կախված է նրանից, թե ինչպես է ԽԳ-ն աճում, այսինքն՝ նրա դինամիկայից: Լաբորատորիայում հետազոտություն կատարելիս կարող եք անվճար ձևաթուղթ ստանալ «հղիության ընթացքում ԽԳ-ի նորմը` ըստ շաբաթների». չզարմանաք, եթե դա տարբերվի ինտերնետում կամ այլ կլինիկայում եղած աղյուսակներից: Փաստն այն է, որ ցանկացած բժշկական հաստատությունում հետազոտության մեթոդները կարող են որոշակիորեն տարբերվել․ դա հաստատվում է ղեկավարների կողմից: Ըստ այդմ, ուսումնասիրության ճշգրտությունը կարող է տարբերվել նախորդից, հետևաբար, կանանց խորհուրդ է տրվում ստուգելու նորմերը ամեն շաբաթ, միշտ նույն տեղում: Պետք չէ ինքնուրույն ախտորոշում կատարել։ Եթե շեղումներ հայտնաբերվեն, դուք պետք է դիմեք բժշկի։ Սա կօգնի խուսափելու խուճապից, քանի որ արդյունքները կարող են իրականում նույնը չլինել։ 
 
ԽԳ-ի աճ կամ նվազում 
ԽԳ-ի մակարդակը որոշում է հղիության ժամկետը և հղիության ընթացքում խնդիրների առկայությունը: Բայց նույնիսկ դրանց բացակայության դեպքում մակարդակը կարող է փոխվել: Օրինակ, ուժեղ տատանումներ կարող են լինել պաթոլոգիաների պատճառով, որոնք իրականում հղիության հետ կապ չունեն: Եթե չկա հղիություն, բայց նշանակվել է ԽԳ-ի վերլուծություն, դա վկայում է տարբեր հիվանդությունների կասկածների մասին։ Սահմանված է ԽԳ-ի երեք մակարդակ` ցածր, միջին և բարձր: Միջինի դեպքում ամեն ինչ պարզ է, սա նորմ է, որը որոշվում է բեղմնավորումից մինչև  ծննդալուծման նշանակված ժամկետը: 
 
Ցածր մակարդակ 
Նվազեցված դինամիկայի դեպքում մեծ է պաթոլոգիայի առկայությունը, որն ամբողջությամբ կապված է հղիության հետ: Եթե մակարդակը չի շարունակում բարձրանալ, բժիշկը կարող է ախտորոշել չզարգացող հղիություն: Բայց մինչ որևէ միջամտության անցնելը, բժիշկն ուղարկում է ուլտրաձայնային հետազոտության ՝ պաթոլոգիան հաստատելու համար: Դրանից հետո բացասական արդյունքի դեպքում կատարվում է արգանդի խոռոչի մաքրում կամ դողորայքային ընդհատում: Բացի այդ, ԽԳ-ի ցածր մակարդակը կարող է նշանակել արտարգանդային հղիություն: Այնուամենայնիվ, սկզբնական փուլում դա միշտ չէ, որ կարող է որոշվել, քանի որ մակարդակը միշտ չէ, որ անմիջապես փոխվում է: Որոշ ժամանակ անց միայն սկսվում է անկումը: Եվ խիստ անհրաժեշտ է առաջին շաբաթներին ստուգել ԽԳ-ի մակարդակը: Ոչ մի դեպքում չի կարելի թույլ տալ, որ արտարգանդային հղիությունը շարունակվի․ դա շատ վտանգավոր է կնոջ համար: Իհարկե, մենք այստեղ պտղի մասին չենք խոսում, քանի որ այս դեպքում անհնար է պտուղը պահպանել։ Բացի այդ, ԽԳ-ի դինամիկան կարող է դանդաղել հորմոնների պակասի պատճառով՝ վիժման վտանգի դեպքում: Եթե ժամանակին հայտնաբերվել է այս խնդիրը, կարելի է խուսափել վիժումից: Բժիշկը կօգնի պարզելու հորմոնների պակասի պատճառը և նշանակել դրանց փոխարինող դեղեր: 
 
Բարձր մակարդակ 
 Ըստ միջին վիճակագրության՝ երկվորյակների սպասման դեպքում վաղ փուլերում դիտարկվում է ցուցանիշների բարձր մակարդակ։ Բացի այդ, մի զարմացեք բարձր մակարդակից, եթե առաջին շաբաթներն ուղեկցվում են ծանր տոքսիկոզով: Դիաբետով տառապող կանայք նույնպես միջինից բարձր արդյունք են ունենում։ Նույնիսկ եթե այն ավելի վաղ չի հայտնաբերվել, պետք է ստուգել: Ցավոք, եթե 12 շաբաթական հղիությունից հետո տեմպերը նորմայից բարձրանում են, երեք գենետիկ խանգարումներից մեկն ունենալու մեծ հավանականություն կա, օրինակ՝ Դաունի համախտանիշ: Իհարկե, 100 % երաշխիք չկա, քանի որ յուրաքանչյուր կնոջ օրգանիզմը հղիությունն ընկալում է յուրովի: Երբ երեխային ժամկետից ավելի են կրում, այդ դեպքում նույնպես ԽԳ-ի մակարդակը բարձրանում է։ Չարժե ժամանակից շուտ անհանգստանալ, քանի որ հաճախ գերագնահատված ցուցանիշների պատճառը կարող է լինել սինթետիկ գեստագենների ընդունումը: Եթե պրեպարատներից (պատրաստուկ) հրաժարվելու ոչ մի եղանակ չկա, ապա արդյունքից պետք չէ վախենալ:
 
Մեզի մեջ առկա սպիտակուց

Մեզի մեջ առկա սպիտակուց

Մարդու մեզի մեջ սպիտակուցի նորմալ պարունակությունը կազմում է ոչ ավելի, քան 0,033 գրամ՝ մեկ լիտրում:

Ի՞նչ են բուժում պորտալարի ցողունային բջիջները

Ի՞նչ են բուժում պորտալարի ցողունային բջիջները

Պորտալարի արյունը պահպանող ծնողների 70%-ը պահպանում է նաև պորտալարի ցողունային բջիջները։

Ոսկեգույն ստաֆիլակոկի աճը, քանակական արդյունք

Ոսկեգույն ստաֆիլակոկի աճը, քանակական արդյունք

Մանրէաբանական ուսումնասիրություն, որը թույլ է տալիս հայտնաբերել Ոսկեգույն ստաֆիլակոկի վարակը և որոշել պաթոգենի քանակը։

MAR-թեստ (IgG, IgA դասի հակամարմինների առկայության որոշում սերմնահեղուկում)

MAR-թեստ (IgG, IgA դասի հակամարմինների առկայության որոշում սերմնահեղուկում)

Հետազոտությանը հանձնելու ցուցումները