Կոլոստուրը(կաթնախեժ) հղիության ընթացքում.նորմալ է, թե՞  խնդիր է

Կոլոստուրը(կաթնախեժ) հղիության ընթացքում.նորմալ է, թե՞  խնդիր է

Երեխայի սպասելիս կնոջ մարմնում անընդհատ փոփոխություններ են կատարվում։
Նրա կրծքերը սկսում են նախապատրաստվել իրենց հիմնական գործառույթին,
կարող է հայտնվել կոլոստուր․սա հղիության ընթացքում նորմալ է:
Կաթնագեղձերից առաջին անգամ արտադրության ի հայտ գալու ժամանակն ու
առատությունը խիստ անհատական են յուրաքանչյուր ապագա մայրիկի համար։ Եթե
կարծում եք, որ խնդիրներ են առաջացել, կամ կա ոչ բնորոշ ցավ, դիմեք ձեզ
հսկող գինեկոլոգին:

Հղիության ընթացքում ե՞րբ է արտադրվում կոլոստուրը(կաթնախեժ), ե՞րբ է
պետք դիմել բժշկի:

Ապագա մայրիկի մարմնի փոփոխությունները միայն որովայնին չէ որ
վերաբերվում են։ Մարմնի բոլոր համակարգերը վերակառուցվում են։
Հղիությունը նախապատրաստում է՝ ծննդաբերության և հետագայում երեխային
մեծացնելու համար։ Ակտիվանում է կաթնագեղձերի աշխատանքը, դրանք
այտուցվում են, լայնանում են ծորանները, երբեմն ի հայտ է գալիս առաջին
արտադրությունը։ Յուրաքանչյուր կնոջ օրգանիզմ անհատական է և տարբեր
եղանակներով է անցնում  ծննդաբերության ու կրծքով կերակրման
նախապատրաստման փուլերը: Հղիության ընթացքում առաջին
կոլոստուրը(կաթնախեժ) կարող է հայտնվել 14-րդ շաբաթվա վերջում, բայց
ավելի հաճախ՝ ժամկետի ավարտին: Արտադրությունը կարող է լիովին բացակայել։
Այս բոլոր տարբերակները նորմալ են համարվում և չեն պահանջում առանձին
ստուգումներ։

Որոշ դեպքերում ապագա մայրիկը պետք է զգուշանա և հնարավորինս շուտ
խորհրդակցի բժշկի հետ.
·    Նորմալ արտադրության հետ միաժամանակ ծորում է նաև թարախ կամ արյուն
·    Տհաճ հոտ.նորմալ ժամանակ այն պետք է լինի քաղցր
·    Կրծքի վրա ակնհայտ են անհարթություններ, հանգույցներ, նշաններ,
որոնք տարբերվում են գույնով և ջերմաստիճանով
·    Մի կաթնագեղձն ավելի է մեծացել, քան մյուսը
·    Կոլոստուրը(կաթնախեժ) ակտիվորեն հոսում է, և որովայնի ներքևի
հատվածում առկա են ձգող ցավեր․սա ակնհայտ օքսիտոցինի մակարդակի
բարձրացման նշան է, կարող է սկսվել վաղաժամ ծննդաբերություն
·    Կրծքավանդակում տեղայնացված ցավ,  ցավոտություն, չափից շատ փքվածություն
·    Մարմնի ջերմաստիճանի բարձրացում և այլն

Այս ախտանիշները կարող են լինել կամ նորմայի տարբերակ կամ որևէ խնդրի
նախանշան: Իրավիճակը կպարզվի գինեկոլգի կամ մամոլոգի մոտ ստուգում
անցնելուց հետո։ Կոլոստուրը(կաթնախեժ) հիմնականում արտադրվում է գիշերը՝
քիչ քանակությամբ։ Գույնը՝ թափանցիկ սպիտակից մինչև դեղնավուն, թույլ
քաղցր հոտով։

Ի՞նչ է կարելի և չի կարելի անել, եթե հղիության ընթացքում ի հայտ է եկել
կոլոստուր(կաթնախեժ):

Կոլոստուրի հայտնվելու հետ կապված կան մի քանի սխալ դատողություններ,
որոնք իրականության հետ կապ չունեն։ Այն վաղաժամ ծննդաբերության նախանշան
չէ և չի որոշում հետագայում արտադրվող կաթի քանակը։ Սա պարզապես նշան է,
որ օրգանիզմը պատրաստվում է կրծքով կերակրելուն։ Եթե կոլոստուրն ավելի
վաղ է հայտնվել, ապա ոչ մի դեպում մի՛ քամեք այն և մի՛ խթանեք կուրծքը։
Սա կարող է հանգեցնել օքսիտոցին հորմոնի արտադրմանը, որն առաջացնում է
արգանդի կծկումներ։ Կրծքին անհրաժեշտ է առանձին նուրբ խնամք, հատկապես
եթե կա արտադրություն։
1.  Գնել հարմարավետ և ճիշտ չափի կրծկալ։ Այն պետք է ունենա լայն գոտիներ
և թասիկներ՝ առանց ներքին կարերի։ Հետևեք, որ ներքնազգեստը պահի կուրծքը,
բայց չսղմի։
2.  Ներքնազգեստը խնամքով պահելու համար օգտագործեք հատուկ ներդիրներ։
Դրանք ստերիլ և հարմարավետ են, պտուկների շրջանում քոր չեն առաջացնում և
հուսալիորեն կլանում են։
3.  Ամեն օր լվացեք ձեր կրծքերը սառը ջրով: Սա լավ պրոֆիլակտիկա է լճացած
երևույթների դեպքում և նախապատրաստում է հետագա լակտացիային։

Կաթնագեղձերի պատշաճ խնամքը կանխում է հետագայի մի շարք խնդիրներ։
Հղիության ցանկացած փուլում կոլոստուրի(կաթնախեժ) առաջացումը նորմալ է
համարվում։ Պետք է հետևեք կրծքագեղձերին, որպեսզի խնդիրների դեպքում արագ
բուժօգնություն ստանաք։
Աղբյուրը