Հղիության 10 նշան

Հղիության 10 նշան

Հղիության առաջին նշաները հաճախ ի հայտ են գալիս նախքան դաշտանի ուշացումը, չնայած որ բազմաթիվ կանայք պարզապես չեն նկատում դրանք։ Իմպլանտացիայի՝ բեղմնավորված պտղաձվի՝ արգանդի պատին ամրանալու պահից սկսած կնոջ օրգանիզմում փոփոխություններ են կատարվում, ախտանշաններ են ի հայտ գալիս, որոնց միջոցով հնարավոր է հասկանալ հղիության առկայությունը։

Հղիության տասը նշան

1. Դաշտանից մոտավորապես մեկ շաբաթ առաջ փոքր քանակությամբ վարդագույն կամ շագանակագույն արտադրություն է նկատվում։ Այդ պատահում է պտղաձվի իմպլանտացիայի պահին, շատերը կարծում են, որ այդ պարզապես դաշտանի վաղ սկիզբ է։

2. Համային զգացումների փոփոխություն։ Կինն սկսում է զզվել սիրելի ուտելիքներից՝ փոխարենը ցանկանալով ուտել այն, ինչ նախկինում դուրը չի եկել։

3․ Կրծքի զգայունակության մեծացում։ Պտուկները կարող են այնքան զգայուն դառնալ, որ հնարավոր չլինի ձեռք տալ, երբեմն կուրծքն այտուցվում է ու սկսում ցավալ։ Այդ զգացողությունները ժամանակի ընթացքում անցնում են և անհանգստություն չեն պատճառում։

4. Հաճախակի միզարձակում։ Պատճառն ինչպես արգանդի կտրուկ մեծացումն ու միզապարկին ճնշելն է, այնպես էլ հորմոնային ֆոնի փոփոխությունը։

5. Հոգնածություն և ընդհանուր թուլություն։ Հորմոնային փոփոխությունները հղիության սկզբում վատ ինքնազգացողության պատճառ են դառնում, քնկոտություն, անտարբերություն, քնի խանգարում և մշտական հոգնածություն է առաջանում։

6. Մարմնի բարձր ջերմաստիճան։ Հղիության առաջին եռամսյակում մարմնի ջերմաստիճանը կարող է բարձրանալ մի քանի աստիճանով։

7. Պտուկների գույնի մգացում։ Հարպտկային շրջանակը մգանում է և եզրագծերն ավելի հստակ են դառնում։

8. Սրտխառնուք և փսխում։ Վաղ տոքսիկոզը սովորաբար սկսվում է հղիության հինգերորդ շաբաթին մոտ ժամկետում, իսկ ոմանք առհասարակ չեն ունենում այն։ Եբեմն, սակայն, ապագա մայրն այդ զգացումներն ունենում է նախքան դաշտանի ուշացումը։ Սրտխառնոցը կարող է առաջանալ ոչ միայն առավոտյան, այլ օրվա ցանկացած պահի, առանց պատճառի և որպես ռեակցիա որոշ հոտերի կամ ուտելիքների արտաքին տեսքի հանդեպ։

9. Դաշտանի բացակայություն։ Կանոնավոր ցիկլի դեպքում դաշտանի բացակայությունը վստահորեն վկայում է հղիության մասին, իսկ կողմնակի այլ ախտանշանների առկայության դեպքում հղիության հավանականությունը գրեթե 100% է։

10. Հղիության թեստի դրական արդյունք։ Սովորաբար թեստն անցկացնում են դաշտանի ուշացման առաջին օրը, բայց հիմնականում նախքան ուշացումն էլ որակյալ, բարձր զգայունակությամբ թեստի վրա թույլ երկրորդ գծիկ է ի հայտ գալիս, որը նույնպես վկայում է հղիության մասին։

Չմոռանաք, որ վերոնշյալները միայն հավանական նշաններ են։ Որքան շատ են դրանք, այնքան մեծ է հղի լինելու հավանականությունը։ Դաշտանի ուշացման առաջին իսկ օրերին հստակ, հավաստի պատասխան կարող է տալ արյան՝ մարդու խորիոնային գոնադոտրոպինի հայտնաբերման հետազոտությունը։

Ինչ է էպիզիոտոմիան և ինչպես վերականգնվել դրանից հետո

Ինչ է էպիզիոտոմիան և ինչպես վերականգնվել դրանից հետո

Ծննդաբերության ժամանակ հեշտոցը լայնանում է, բայց երբեմն դա կարող է բավարար չլինել երեխայի գլուխը տեղավորելու համար

Ի՞նչ անել, եթե առանց որևէ պատճառի կապտուկներ են առաջանում

Ի՞նչ անել, եթե առանց որևէ պատճառի կապտուկներ են առաջանում

Կապտուկը անոթների վնասվածքի պատճառով մաշկի վրա առաջացած արյունազեղումն է

Ստամոքսի քաղցկեղ

Ստամոքսի քաղցկեղ

Ընթացակարգի ժամանակ ստամոքսի մեջ մտցվում է հատուկ սարք, որի միջոցով բժիշկն ուսումնասիրում է ստամոքսի բոլոր հատվածները, ինչպես նաև 12-մատնյա աղին։

Ինչպե՞ս է գործում հղի կանանց դիմադրողականությունը

Ինչպե՞ս է գործում հղի կանանց դիմադրողականությունը

Գենի և դիմադրողականության տեսանկյունից՝ պտուղը օտար օրգանիզմ է կնոջ համար