Հիստերոսկոպիա

Հիստերոսկոպիան հնարավորություն է տալիս պարզել և վերացնել արգանդի խոռոչի պաթոլոգիաները՝ միջնապատերը, կպումները, պոլիպները , միոմաները, ինչպես նաև բացահայտել արգանդային արյունահոսությունների , անպտղության, հղիություն տանելու անկարողության պատճառները: Հիստերոսկոպիայի օգնությամբ կարող ենք կատարել նաև բիոպսիա:

Առաջին անգամ հիստերոսկոպիան կատարվել է 1986 թվականին մի կնոջ, ով ուներ արգանդային արյունահոսություն: Այդ ժամանակից մինչ մեր օրերը հիստերոսկոպիան, ենթարկվել է մի շարք նշանակալի և արմատական փոփոխությունների:

Հիստերոսկոպիան իրականացվում է հիմնականում դաշտանային ցիկլի 6-11-րդ օրերին, մասնակի դեպքերում այն կատարվում է դաշտանային ցիկլի 5-13-րդ օրերին:

Հիստերոսկոպիայի տեսակներն են.

• Ախտորոշիչ
• Վիրաբուժական
• Վերահսկիչ

Ախտորոշիչ հիստերոսկոպիա անցկացնելու ցուցումներն են.

• Արգանդի էնդոմետրոզ, ենթալորձաթաղանթային միոմաներ, պոլիպներ, ներարգանդային կպումներ, պտղաձվի մնացորդներ,արգանդի պարանոցի քաղցկեղ և այլն
• Արգանդի կառուցվածքային պաթոլոգիաներ
• Վերարտադրողական տարիքի կանանց մոտ դաշտանային ցիկլի խանգարումներ
• Արգանդի անոմալիաներ
• Միջդաշտանային արյունահոսություններ
• Անպտղություն
• Վիրահատություններից հետո՝ կամ ԱՄԲ-ից առաջ վերահսկիչ նպատակներով

Վիրաբուժական կամ միջամտական հիստերոսկոպիայի ցուցումներն են.

• Արգանդի ենթալորձաթաղանթային միոմաներ
• Արգանդի միջնապատ
• Ներարգանդային կպումներ
• Էնդոմետրիումի պոլիպ
• էնդոմետրիումի հիպերպլազիա
• Թելիկները կորցրած ՆԱՊ – երի հեռացում

Հիստերոսկոպիայի հակացուցումներն են.

• Սեռական օրգանների բորբոքային պրոցեսների առկայություն
• Հղիություն
• Առատ դաշտանային արյունահոսություններ
• Արգանդի պարանոցի ստենոզ
• Արգանդի պարանոցի քաղցկեղ
• Ընդհանուր ինֆեկցիոն պրոցեսների առկայություն(օրինակ՝ գրիպպ, թոքաբորբ, պիելոնեֆրիտ, թրոմբոֆլեբիտ ...)
• Սրտանոթային համակարգի, երիկամների և լյարդի ծանր հիվանդությունների դեպքում
  
  
  
  Աղբյուրը`