Ինչի՞ց է կախված վերարտադրողական առողջությունը

Ինչի՞ց է կախված վերարտադրողական առողջությունը

Ըստ Առողջապահության համաշխարհային կազմակերպության՝ վերարտադրողական առողջությունը կյանքի տարբեր փուլերում մարդկանց ֆիզիկական, սոցիալական և մտավոր բարեկեցությունն է իրենց սեռական և հոգեբանական հարաբերություններում, ինչպես նաև վերարտադրողական համակարգի ճիշտ աշխատանքը։

Այլ կերպ ասած՝ վերարտադրողական առողջությունը՝

  • լիարժեք սեռական կյանքով ապրելու կարողությունն է, 
  • բեղմնավորման և երեխաների լույս աշխարհ բերելու հնարավորությունն է, 
  • անվտանգ հղիության երաշխիք ունենալն է, 
  • լիովին առողջ երեխա լույս աշխարհ բերելու վստահությունն է, 
  • հղիությունը պլանավորելու հնարավորությունն է,
  • ՁԻԱՀ-ից և սեռավարակներից պաշտպանումն է։ 

Կնոջ վերարտադրողական առողջությունը կախված է բազմաթիվ գործոններից։ Մեծ ազդեցություն է թողնում աղջկա ապրելակերպը․ վնասակար սովորությունները հաճախ են դառնում վիժման, թույլ ու հիվանդ երեխաների ծնվելու պատճառ։

Վեներական հիվանդություններն ու աբորտները նպաստում են անպտղության զարգացմանը, այդ պատճառով էլ խիստ կարևոր է երիտասարդների սեռական հարցերի վերաբերյալ տեղեկացվածությունը և սեռական դաստիարակությունը։

Լավ վերարտադրողական առողջությունն արտահայտվում է նախևառաջ բնականորեն հղիանալով, ճիշտ ընթացող հղիությամբ և առողջ երեխայի լույս աշխարհ գալով։ Նախկինում ունեցած բորբոքային պրոցեսները սովորաբար չեն անցնում առանց հետևանքների․ դրանք կարող են արգանդափողերի փոփոխություններ առաջացնել (կպումներ)։

Ձվարանների և արգանդի հավելումների բորբոքումներ ունեցած լինելու դեպքում մեծանում է արտարգանդային հղիության վտանգը, այդ պատչառով շատ կարևոր է, որ աղջիկը դեռևս վաղ հասկից տեղյակ լինի և կարողանա հոգ տանել սեփական առողջության մասին։

Անպտղության խնդիրների լուծումը

Եթե ամուսիններ մեկ տարուց ավել կանոնավոր սեռական կյանք են վարում առանց բեղմնականխիչ օգտագործելու, սակայն չի ստացվում հղիանալ, ապա ախտորոշվում է անպտղություն։ Թերապիայի նորարարական մեթոդներն այսօր թույլ են տալիս շատերին լուծել այդ խնդիրն ու առողջ երեխայի կյանք տալ։

Պետք է հաշվի առնել, սակայն, որ ոչ մի մեթոդ կատարյալ չէ և այդ պատճառով էլ խիստ կարևոր է նախքան ամուսնությունը խելամտությունը պահպանելը և սեփական վերարտադրողական առողջության մասին հոգ տանելը՝ առողջ ապրելակերպ վարելով, պարբերաբար գինեկոլոգի դիմելով և ընթացքիկ խնդիրները ժամանակին լուծելով։

Ինչպե՞ս բարձրացնել լիբիդոն

Ինչպե՞ս բարձրացնել լիբիդոն

Չկա «նորմալ» և «ոչ նորմալ» լիբիդո, քանի որ յուրաքանչյուրի սեռական ցանկությունը տարբեր է

Ինչո՞ւ է դաշտանը ավելի վաղ սկսվում և ինչպե՞ս այն կարգավորել

Ինչո՞ւ է դաշտանը ավելի վաղ սկսվում և ինչպե՞ս այն կարգավորել

Միջինում դաշտանը տեղի է ունենում 28 օրը մեկ, ավելի ճիշտ՝ 21-ից 35-րդ օրերին

Շաքարային դիաբետի պատճառները, որոնց մասին գուցե չգիտեք

Շաքարային դիաբետի պատճառները, որոնց մասին գուցե չգիտեք

Շաքարային դիաբետը հիվանդություն է, որի դեպքում գլյուկոզան չի թափանցում բջիջներ

Ինչո՞ւ է մարդկանց դուր գալիս անալ սեռական հարաբերությունը և վնասակա՞ր է արդյոք

Ինչո՞ւ է մարդկանց դուր գալիս անալ սեռական հարաբերությունը և վնասակա՞ր է արդյոք

Կարո՞ղ է արդյոք անալ սեռական հարաբերությունը վնասել