Սեռական ճանապարհով փոխանցվող հիվանդությունների հայտնաբերում

Սեռական ճանապարհով փոխանցվող հիվանդությունների հայտնաբերում

Առողջության մասին հոգածությունն անհնար է առանց ախտորոշման, այդ պատճառով էլ սեռական ճանապարհով փոխանցվող հիվանդությունների հայտնաբերման հետազոտություն պետք է կատարեն այն բոլոր մարդիկ, որոնք անտարբեր չեն իրենց առողջության հանդեպ։

Հետազոտման ժամանակակից մեթոդները թույլ են տալիս շատ արագ իմանալ արդյունքը, ինչն իր հերթին հնարավորություն է տալիս հիվանդությունը բուժել նախքան քրոնիկ ընթացք ստանալը կամ բարդություններ առաջացնելը։

Հետազոտության անհրաժեշտությունը

Սեռական ճանապարհով փոխանցվող հիվանդությունների առկայության ստուգումն անհրաժեշտություն է հետևյալ դեպքերում՝

  • եթե չպաշտպանված սեռական ակտ է եղել, 
  • որևէ սեռավարակի բուժման ավարտից հետո, 
  • հղիության պլանավորման շրջանում, ընդ որում՝ ստուգում պետք է անցնեն երկուսով, 
  • ակտիվ սեռական կյանք վարելու դեպքում՝ տարին երկու անգամ (եթե զուգընկերները հաճախակի են փոխվում)։ 

Հետազոտություն պետք է անցնել անգամ եթե գանգատներ կամ բնորոշ ախտանշաններ չկան, քանի որ վարակների մեծամասնությունն ընթանում է առանց ախտանշանների։

Հետազոտությունների տեսակները

Վստահ լինելու համար հարկավոր է կատարել հետևյալ հետազոտությունները՝

  • անդրոֆլոր/ֆեմիֆլոր՝ ինֆեկցիոն կոմպլեքսային սքրինինգ, 
  • քսուքի հետազոտություն, 
  • HPV սքրինինգ, 
  • անհրաժեշտության դեպքում ՄԻԱՎ-ի և հեպատիտների հանդեպ հակամարմինների հայտնաբերման անալիզ և այլն։

Հետազոտության կոնկրետ տեսակը նշանակում է բժիշկը։ Վարակի հայտնաբերման դեպքում անգամ պետք չէ անհանգստանալ, որովհետև բուժման ժամանակակից մեթոդների, ժամանակին արված ախտորոշման ու գրագետ բուժման պայմաններում հնարավոր է արագ բուժել դրանց մեծ մասը։

Հետազոտության նմուշի հանձնում

Հետազոտության նմուշը հանձնելուց առաջ հարկավոր է նախապատրաստվել, ինչը կախված է հետազոտության տեսակից։ Օրինակ՝

  • սեռական ճանապարհով փոխանցվող հիվանդությունների հայտնաբերման համար անհրաժեշտ արյունը պետք է հանձնել քաղցած վիճակում, 
  • սիֆիլիսի հայտնաբերման համար հետազոտության նմուշ հանձնելու նախօրեին և այդ օրը պետք է հրաժարվել ճարպոտ սննդից, 
  • միզասեռական համակարգից քսուք վերցնելուց առաջ չի կարելի միզել 2-3 ժամ, 
  • մանրէաբանական հետազոտությունների դեպքում պետք է խուսափել հակամանրէային պրեպարատներից դեռևս մեկ ամիս առաջ։ 

Մեզն անհրաժեշտ է հանձնել ստերիլ տարայով՝ ընտրելով առավոտյան մեզի միջին բաժինը։

Բարձրացնում ենք իմունիտետը, որպեսզի պաշտպանվենք վարակներից

Բարձրացնում ենք իմունիտետը, որպեսզի պաշտպանվենք վարակներից

Սթրեսը, քրոնիկ հոգնածությունը, առողջարար սննդի ու առհասարակ օրգանիզմին անհրաժեշտ սննդանյութերի պակասը դառնում են իմունիտետի անկման հիմնական պատճառ․․․․

Հոմոցիստեին

Հոմոցիստեին

Հոմոցիստեինի փոխանակության գործում կարևոր դեր են խաղում В6, В12 վիտամինները և ֆոլաթթուն․․․

Հուզականությունը հղիության ընթացքում․ ի՞նչ անել

Հուզականությունը հղիության ընթացքում․ ի՞նչ անել

Հղիությունն իր ամբողջ էությամբ նոր փորձ է կնոջ համար, նոր փորձ իր հոգեբանական և ֆիզիկական դրսևորումներով։ Ընդ որում յուրաքանչյուր հղիություն տարբերվում է իր նախորդից և միշտ էլ կարող է անակնկալներ մատուցել․․․

Ինչպե՞ս զսպել վնասակար սնունդ ուտելու ցանկությունը

Ինչպե՞ս զսպել վնասակար սնունդ ուտելու ցանկությունը

Մարդիկ, ովքեր ցանկանում է հրաժարվել վատ սովորություններից և սկսել առողջ սնվել, գիտեն, որ ամենադժվարը սիրելի, բայց վնասակար ուտելիքների գայթակղությանը դիմանալն է․․․