Արգանդի պարանոցի կոնիզացիա

Արգանդի պարանոցի կոնիզացիա

Արգանդի պարանոցի կոնիզացիան ախտահարված օրգանի կոնուսաձև հատվածի հեռացումն է։ Ստացված նյութը ենթարկվում է հյուսվածքաբանական հետազոտության՝ պարզելու քաղցկեղի առկայությունը։

Արգանդի պարանոցը կարող է ախտաբանական փոփոխությունների ենթարկվել հետծննդաբերական վնասվածքների և պատռվածքների, նախաքաղցկեղային հիվանդությունների, էկտրոպիոնի, բարորակ նորագոյացությունների արդյունքում։

Ճիշտ ժամանակին խնդիրը ախտորոշելու և արգանդի պարանոցի կոնիզացիան կատարելու դեպքում հնարավոր է վերացնել օրգանի ախտաբանական փոփոխություններն ու ապագայում խուսափել ավելի ծանր հիվանդություններից։

Արգանդի պարանոցի կոնիզացիայի ռադիոալիքային և այլ մեթոդներ

Այսօր կա կոնիզացիայի մի քանի մեթոդ, որոնցից յուրաքանչյուրն ունի իր առավելություներն ու թերությունները՝

  • դանակային` վիրահատական միջամտություն նշտարիկով (հազվադեպ է կիրառվում, որովհետև բարդությունների առաջացմն վտանգը մեծ է), 
  • ռադիոալիքային, որի դեպքում կոնիզացիան կատարվում է «Սուրգիտրոն» կոչվող ռադիոալիքային սարքով, որն օգնում է նվազագույնի հասցնել արյան կորուստը և զգալիորեն կրճատել հետվիրահատական շրջանի տևողությունը (այսօր այդ մեթոդն ավելի արդյունավետ է և պահաջված), 
  • լազերային՝ վիրաբուժական կոնիզացիա CO2-ով և ԿՏՌ լազերով, որն ավելի թանկարժեք է և բարդությունների առաջացման վտանգն էլ մեծ է։ 

Ռադիոալիքային վիրաբուժության սկզբունքը հիմնված է այն բանի վրա, որ էլեկտրոդի բարձր հաճախականությամբ ճառագայթները մաշկի հետ շփման ժամանակ ջերմություն են արձակում, որը հոդս է ցնդեցնում բջիջները։ Արդյունքում կտրվածքն ստացվում է կատարյալ հավասար և կոկիկ, և հարակից հյուսվածքներն էլ չեն վնասվում։

Ռադիոալիքային մեթոդի առավելություններն են՝

  • հյուսվաքների վրա տրավմատիկ և մեխանիկական նվազագույն ազդեցություն, 
  • բնական ֆիզիոլոգիական բոլոր ֆունկցիաների պահպանում, 
  • բարձր ճշգրտություն, որը թույլ է տալիս լիովին հեռացնել ուռուցքը, հղկել հյուսվածքի վնասված հատվածները և նմուշ վեցնել հետագա հետազոտության համար, 
  • հետվիրահատական շրջանի կարճ տևողություն և արյունահոսության վտանգի նվազեցում, 
  • ամբուլատոր պայմաններում միջամտությունն անցկացնելու հնարավորություն։

Ինչպե՞ս է կատարվում միջամտությունը

Արգանդի պարանոցի կոնիզացիան տևում է առավելագույնը 15 րոպե՝ կախված ախտահարման բարդությունից։ Միջամտությունից հետո նշանակվում է հակամանրէային և օրգանիզմն ամրացնող թերապիա։ Հաջորդող 4-6 շաբաթվա ընթացքում խորհուրդ է տրվում խուսափել սեռական հարաբերությունից, ֆիզիկական ծանրաբեռնվածությունից և հիգիենիկ տամպոնների օգտագործումից։

Ինհիբին Բ (Inhibin B)

Ինհիբին Բ (Inhibin B)

Ինհիբին Բ-ի չափումը ֆոլիկուլախթանիչ հորմոնի համեմատ թույլ է տալիս ավելի հստակ գնահատել օվարիալ ֆունկցիան․․․

Շամպայն․ օգտակար և վնասակար հատկությունները

Շամպայն․ օգտակար և վնասակար հատկությունները

Ֆրանսիայի մի շարք ծննդատներում ծննդկանին մի փոքր շամպայն են հյուրասիրում երկունքի ցավը մեղմելու նպատակով, իսկ ծննդաբերությունից հետո այն խորհուրդ են տալիս խմել ուժերը վերականգնելո․․․

Լորի ձու․ օգտակար և վնասակար հատկությունները

Լորի ձու․ օգտակար և վնասակար հատկությունները

Լորի ձուն դիետիկ սննդամթերք է, անհրաժեշտ է երեխայի օրգանզիմի բնականոն զարգացման համար, ինչպես նաև հետվիրահատական շրջանում վերականգնվելու համար․․․

Վահանաձև գեղձի հանգույցների ոչ վիրահատական բուժում

Վահանաձև գեղձի հանգույցների ոչ վիրահատական բուժում

Աշխարհի առաջատար կլինիկաներում վահանաձև գեղձի բարորակ հանգույցների բուժումն այժմ իրականացվում է ոչ վիրահատական՝ նվազ ինվազիվ եղանակով...