Կոնքային քրոնիկ ցավի համախտանիշ

Ցավն ազդանշան է, որ օրգանիզմում մի բան այն չէ։ Հարկավոր է հատուկ ուշադրություն դարձնել կոնքի ցավին, քանի որ հակառակ դեպքում հնարավոր է, որ լուրջ բարդություններ ի հայտ գան ապագայում։

Երբ ցավը միշտ է անհանգստացնում, իսկ այն մեղմելու փորձերն ապարդյուն են անցնում, խոսքը կոնքի քրոնիկ ցավի մասին է լինում։ Այն կապված չէ մենստրուացիայի ցավի հետ, տևում է երեք ամսից ավել, դիտվում է կոնքի շրջանում, որովայնի պատի շրջանում՝ պորտից ներքև, մեջքի ստորին հատվածում, ընդ որում՝ օրգանների և հյուսվածքների փոփոխություններ չեն դիտվում։

Ցավը կարող է այնքան ուժգին լինել, որ մարդը զրկվի աշխատունակությունից։ Կոնքային քրոնիկ ցավը բազմաթիվ հիվանդությունների պատճառ կարող է դառնալ, օրինակ՝ կպումների, հավելումների քրոնիկ բորբոքման, էնդոմետրիոզի և այլն։ Հավելումների քրոնիկ բորբոքման դեպքում բնորոշ է ցիկլի խանգարումը, ցավոտությունը։

Կոնքի քրոնիկ ցավը հաճախ ուղեկցում է դեպրեսիայով կամ տագնապայնությամբ, այդ պատճառով երբեմն կոչում են նաև կոնքային նևրոզ։ Այդ և նմանատիպ բոլոր դեպքերում հարկավոր է դիմել գինեկոլոգի։

Ախտորոշումը

Ախտորոշումն իրականացվում է երկու փուլով։ Առաջին փուլում գինեկոլոգը համագործակցում է այլմասնագետների հետ, որպեսզի բացառի վերարտադրողական համակարգի օրգանների հիվանդությունների հետ կապված այլ հիվանդությունները։

Հարկավոր է բացառել գաստրոէնտերոլոգիական հիվանդությունները՝ կոլիտը, ճողվածքը, գրգռված աղու համախտանիշը և այլն, մկանային և նյարդաբանական հիվանդությունները, ինչպես նաև ուրոլոգիական հիվանդությունները՝ միզուղիների քրոնիկ ինֆեկցիա, ցիստիտ, սուր միզուկաբորբ, միզաքարային հիվանդություն և այլն։ Նշված խնդիրները բացառելուց հետո՝ երկրորդ փուլում, իրականացվում է վերարտադրողական համակարգի օրգանների ախտորոշում և բուժում։

Բուժումը

Երբեմն դեղորայքային բուժումը բավական չի լինում և նշանակվում է նաև նատուրոպաթիկ բուժում՝ հիրուդոթերապիա, ֆիզիոթերապիա, ինչպես նաև բուժական ֆիզկուլտուրա, մերսում, ասեղնաբուժություն և այլն։ Այդ բոլոր մեթոդները թույլ են տալիս նվազագույնի հասցնել դեղերի օգտագործումը, երբեմն էլ՝ լիովին ազատվել դրանցից։

Ցանկացած դեպքում կինը պետք է սիրի իրեն, գնահատի, իսկ այդ նշանակում է, որ պետք է պարբերաբար դիմի բժշկի և ժամանակին բուժում ստանա։