Սև թեյ․ օգտակար հատկություններն ու հակացուցումները

Սև թեյ․ օգտակար հատկություններն ու հակացուցումները

Սև թեյն աշխարհում ամենատարծված ըմպելիքներից մեկն է։ Ընդ որում՝ այն կարող է ինչպես ամրացնել առողջությունը, այնպես էլ թուլացնել այն։ Սև թեյի քիմիական բաղադրությունը կախված է տվյալ թեյի արտադրության վայրից և տեսակից։

Պարունակում է վիտամին А, К, Р, ինչպես նաև B խմբի վիտամիններ (В1, В2, В3 (РР), В5), ամինաթթուներ, դաբաղանյութեր, կոֆեին, նատրիում, մագնիում, կալիում, կալցիում, երկաթ, ֆտոր, յոդ, ցինկ, պղինձ և այլ սննդանյութեր։

Կալորիականությունը

Սև, չոր թեյի կալորիականությունը 100 գրամի դեպքում 150 կկալ է, իսկ եփված ժամանակ՝ ընդամենը 5 կկալ։

Օգտակար հատկությունները

Բարենպաստ ազդեցություն է թողնում սրտանոթային համակարգի վրա, նվազեցնում է անոթների և սրտի հիվանդությունների, այդ թվում՝ ինսուլտի, ինֆարկտի, աթերոսկլերոզի առաջացման վտանգը։

Շատ օգտակար է հիպոտոնիա ունեցող մարդկանց համար։

Նպաստում է իմունիտետի ամրապնդմանը։

Նվազեցնում է շաքարային դիաբետի առաջացման հավանականությունը։

Դրական ազդեցություն է թողնում ստամոքսաղիքային տրակտի վրա, լավացնում է մարսողությունը, օգտակար է աղիների խանգարումների և թունավորումների դեպքում։

Լավ է ազդում նաև երիկամների և միզային համակարգի վրա։

Հանգստացնում է նյարդային համակարգը, օգնում է թոթափել հոգնածությունը։

Լավացնում է գլխուղեղի աշխատանքը, առույգացնում է և բարձրացնում տրամադրությունը։

Սև թեյը հարուստ է հակաօքսիդանտներով, որոնք դանդաղեցնում են ծերացումը։

Լավ է ազդում բերանի խոռոչի վիճակի վրա, ամրացնում է ատամների էմալը, պաշտպանում կարիեսից։

Կան մի շարք կանոններ, որոնք պահպանելու դեպքում թեյը միայն օգուտ կբերի օրգանիզմին։  

  • Հարկավոր է լավ ընտրություն անել և միայն որակյալ թեյ գնել։ 
  • Չի կարելի շատ թունդ թեյ խմել։ 
  • Խորհուրդ չի տրվում օրական չորս բաժակից ավել թեյ խմել։ 
  • Խորհուրդ չի տևվում թեյը խմել քնելուց առաջ։ 
  • Սև թեյը պետք է խմել միայն թարմ թրմած ժամանակ։

Հակացուցումները

Խորհուրդ չի տրվում սև թեյ խմել քրոնիկ տարատեսակ հիվանդությունների սրման դեպքում, հատկապես՝ խոցային հիվանդության։ Քանի որ այն բարձրացնում է զարկերակային և աչքի ճնշումը, հիպերտոնիա և աչքերի հիվանդություն ունեցող մարդիկ պետք է զգուշավոր լինեն։

Բարձրացնում ենք իմունիտետը, որպեսզի պաշտպանվենք վարակներից

Բարձրացնում ենք իմունիտետը, որպեսզի պաշտպանվենք վարակներից

Սթրեսը, քրոնիկ հոգնածությունը, առողջարար սննդի ու առհասարակ օրգանիզմին անհրաժեշտ սննդանյութերի պակասը դառնում են իմունիտետի անկման հիմնական պատճառ․․․․

Ինչպե՞ս զսպել վնասակար սնունդ ուտելու ցանկությունը

Ինչպե՞ս զսպել վնասակար սնունդ ուտելու ցանկությունը

Մարդիկ, ովքեր ցանկանում է հրաժարվել վատ սովորություններից և սկսել առողջ սնվել, գիտեն, որ ամենադժվարը սիրելի, բայց վնասակար ուտելիքների գայթակղությանը դիմանալն է․․․

Կանաչ թեյ օգտակարությոնը և վնասակարությունը

Կանաչ թեյ օգտակարությոնը և վնասակարությունը

Կանաչ թեյն առկա թեյերից ամենաքիչ մշակումն անցնող տեսակներից է և դրա շնորհիվ պահպանում է իր օգտակար հատկությունների ամբողջ փունջը․․․

Առողջ սնվելը որոշում է ամբողջ կյանքի համար

Առողջ սնվելը որոշում է ամբողջ կյանքի համար

Առողջ սննդի մասին շատ է խոսվում, որովհետև այն ամուր առողջության գրավականն է․․․