Ցավոտ դաշտան․ պատճառներն ու բուժումը

Ցավոտ դաշտան․ պատճառներն ու բուժումը

Ցավոտ դաշտանը (դիսմենորեա, ալգոմենորեա) դաշտանային ցիկլի խանգարման ամենատարածված տեսակներից մեկն է, որը բնորոշվում է որովայնի ստորին հատվածի, գոտկատեղի տարբեր ինտենսիվությամբ կրկնվող ցավով։

Առաջացման պատճառները

Ցավոտ դաշտանի առաջացման պատճառները շատ են՝ նյարդաբանական խանգարումներ, արգանդի զարգացման շեղումներ, արգանդի դիրքի շեղում, արգանդի հիպոպլազիա, բնածին շարակցահյուսվածքային դիսպլազիաներ, արգանդի, ձվարանների վիրահատություն, վնասվածքներով ընթացած ծննդաբերություն, գենիտալ տուբերկուլյոզ, սեռական օրգանների բորբոքային հիվանդություններ, ուռուցքներ, էնդոմետրիումի պոլիպ, էնդոմետրիոզ, կոնքային նևրիտ, բեղմնականխման ներարգանդային միջոցների կիրառում, էնդոկրին խանգարումներ և այլն։

Ախտանշանները

Գլխավոր ախտանշանը որովայնի ստորին հատվածի, գոտկատեղի, շեքի հատվածի ցավն է, որը կարող է լինել նվացող, ծակող, կտրող, բութ բնույթի։

Ցավից բացի երբեմն դիտվում է նաև ընդհանուր թուլություն, աշխատունակության անկում, սրտխառնոց, քնի խանգարում, դյուրագրգռություն, տրամադրության փոփոխականություն, ախորժակի փոփոխություն, դիարեա և այլն։

Ախտորոշումը

Ախտորոշման հարցում մեծ դեր է խաղում գինեկոլոգիական անամնեզի հավաքագրումը։ Ըստ անհրաժեշտության կատարվում է գինեկոլոգիական զննում, քսուքի հետազոտություն, ՈւՁՀ, արյան հետազոտություն սեռական հորմոների մակարդակի որոշման համար, հիստերոսկոպիա, ՊՇՌ մեթոդով հետազոտություն վարակի կասկածի դեպքում, ինչպես նաև ախտորոշիչ լապարասկոպիա կամ էնդոմետրիումի քերում ըստ ցուցման։

Բուժումը

Բուժումն ուղղակիորեն կախված է ցավի առաջացման պատճառից։ Առաջնային ալգոմենորեայի դեպքում բուժումն սկսում են ոչ դեղորայքային մոտեցմամբ՝ պայքար սթրեսի դեմ, քնի ռեժիմի կարգավորում, ռեֆլեքսոթերապիա և այլն։ Բարելավում չդիտվելու դեպքում նշանակվում են ոչ ստերոիդային հակաբորբոքային միջոցներ, անալգետիկներ և սպազմոլիտիկներ, հանգստացնող դեղամիջոցներ, հորմոնային հակաբեղմնավորիչներ, բնական պրոգեստիններ և այլն։

Ինչո՞ւ է դաշտանը ավելի վաղ սկսվում և ինչպե՞ս այն կարգավորել

Ինչո՞ւ է դաշտանը ավելի վաղ սկսվում և ինչպե՞ս այն կարգավորել

Միջինում դաշտանը տեղի է ունենում 28 օրը մեկ, ավելի ճիշտ՝ 21-ից 35-րդ օրերին

Շաքարային դիաբետի պատճառները, որոնց մասին գուցե չգիտեք

Շաքարային դիաբետի պատճառները, որոնց մասին գուցե չգիտեք

Շաքարային դիաբետը հիվանդություն է, որի դեպքում գլյուկոզան չի թափանցում բջիջներ

Ինչո՞ւ է մարդկանց դուր գալիս անալ սեռական հարաբերությունը և վնասակա՞ր է արդյոք

Ինչո՞ւ է մարդկանց դուր գալիս անալ սեռական հարաբերությունը և վնասակա՞ր է արդյոք

Կարո՞ղ է արդյոք անալ սեռական հարաբերությունը վնասել

Կանանց մոտ գրգռման ժամանակ քսուքի քիչ արտադրման պատճառները

Կանանց մոտ գրգռման ժամանակ քսուքի քիչ արտադրման պատճառները

Ինչպե՞ս հասկանալ, որ կնոջ մոտ չի արտադրվում բավարար չափով քսուք։