Արգանդի վարիկոզ․ պատճառներն ու ախտորոշումը

Արգանդի վարիկոզ․ պատճառներն ու ախտորոշումը

Արգանդի վարիկոզի ախտորոշումը վերջին տասնամյակում է հնարավոր դարձել։ Նախկինում այն տիպիկ, կնոջը բնորոշ գինեկոլոգիական հիվանդություն էին համարում, սակայն իրականում այն ոչ թե իգական սեռական օրգանների հետ է կապված, այլ անոթների, որոնք տեղակայված են փոքր կոնքի շրջանում։ Ռիսկային խմբում հիմնականում վերարտադրողական տարիքի կանայք են և հղի կանանց մեծամասնությունը։

Պատճառները

Առաջացման հնարավոր պատճառներն են՝

  • ժառանգական գործոններ, 
  • ներքին բորբոքումներ, որոնք ժամանակին չեն բուժվել, 
  • դաշտանի ցիկլի տարատեսակ խանգարումներ, 
  • անոթային փականների պակաս, որի պատճառով արյունն սկսում է ճնշել կոնքային երակները, 
  • իգական սեռական օրգանների հետ կապված քրոնիկ հիվանդություններ, 
  • օրալ հակաբեղմնավորիչների երկարատև ընդունում, 
  • հղիության ընթացքում շարժունակության պակաս։

Ախտանշանները

Դժվար է արգանդի վարիկոզին բնորոշ կոնկրետ ախտանշան նշել, քանի որ դրանք հատուկ են նաև իգական սեռական օրգանների այլ հիվանդություններին։ Հիմնական նշաններից է որովայնի ստորին հատվածի նվացող, բութ ցավը։

Հնարավոր է, որ ցավն ուժեղանա հետևյալ դեպքերում՝

  • սեռական ակտի ավարտին, 
  • երկարատև կանգնելու կամ նստելու ժամանակ, 
  • դաշտանի ընթացքում։ 

Որոշ կանանց դեպքում սրվում է նախադաշտանային համախտանիշը։ Հիվանդության բարդությունները Արգանդի երակների վարիկոզի անհատական թերապիան ժամանակին չսկսելու դեպքում հնարավոր է, որ վիճակը բարդանա:

Բարդություններից են՝

  • առատ արյունահոսություն, 
  • երակային պատռվածքներ և այլն։

Բացի այդ, արգանդի երակների վարիկոզ լայնացումը կարող է հիմք դառնալ հետևյալ հիվանդությունների առաջացման համար՝

  • թրոմբոզ (հատկապես հղի կանանց դեպքում), 
  • քրոնիկ աբդոմինալ ցավային համախտանիշ (որովայնի շրջանի ցավ), 
  • ձվարանների հիպոֆունկցիա, 
  • հոգեբանական խանգարումներ (տագնապային խանգարում, բարձր դյուրագրգռվողականություն, քնի խանգարում, ցրվածություն և այլն)։ 

Ախտորոշման մեթոդները

Արգանդի երակների վարիկոզ լայնացման կասկածի դեպքում բժիշկը նախ անամնեզ է հավաքում և մանրակրկիտ զննում կատարում։ Կատարվում են նաև հետևյալ հետազոտությունները՝

  • ներհեշտոցային ՈւՁՀ, 
  • լապարոսկոպիա,  
  • դոպլերոգրաֆիա, 
  • համակարգչային տոմոգրաֆիա և այլն։ 

Գինեկոլոգիական զննման ընթացքում ուշադրություն է դարձվում հեշտոցի և արգանդի պարանոցի լորձաթաղանթի գույնին, որը սովորաբար բաց կապտավուն երանգ է ունենում, հաճախ՝ հանգույցներով։

Կարդացեք՝ Արգանդի վարիկոզ․ տեսակներն ու բուժումը

Լորձային արտադրություն հեշտոցից

Լորձային արտադրություն հեշտոցից

Հեշտոցից արտահոսող լորձային արտադրությունը, եթե նորմալ բնույթի է, բնական երևույթ է։ Վերարտադրողական տարիքի բոլոր կանայք էլ ունենում են...

Տրամադրությունը պայմանավորող հորմոնները

Տրամադրությունը պայմանավորող հորմոնները

Պատասխանատու են մեր հոգեհուզական վիճակի համար։ Ահա այն հիմնական հորմոնները, որոնք պայմանավորում են մեր լավ տրամադրությունը․․․

Գեղեցկության և առողջության երաշխիքները

Գեղեցկության և առողջության երաշխիքները

Տարիքին համընթաց օրգանիզմում բազմաթիվ փոփոխություններ են կատարվում, ոմանք, այնուամենայնիվ, շարունակում են պահպանել իրենց գեղեցիկ տեսքն ու առողջությունը․․․

Ե՞րբ պլանավորել հղիությունը վիժումից հետո

Ե՞րբ պլանավորել հղիությունը վիժումից հետո

Հաճախ է պատահում, որ կանայք, որոնց դեպքում վիժումը եղել է հղիության վաղ ժամկետում, ցանկանում են հղինալ վիժումից անմիջապես հետո․․․․