Խնձոր․ օգտակար հատկություններն ու հակացուցումները

Խնձոր․ օգտակար հատկություններն ու հակացուցումները

Խնձորը ամենաօգտակար մրգերից մեկն է և կանխում է բազմաթիվ հիվանդությունների առաջացումը։ Վիտամինային կազմը, կախված խնձորի տեսակից, պահպանման պայմաններից ու ժամկետից, աճման վայրից, տարբեր է լինում։

Պարունակում է վիտամին А, С, Е, B խմբի վիտամիններ, ինչպես նաև բջջանյութ, կրախմալ, պեկտինային նյութեր, շաքար, օրգանական թթուներ (կիտրոնաթթու, խնձորաթթու, գինեթթու և այլն), մակրոտարրեր և միկրոտարրեր՝ երկաթ, կալիում, կալցիում, մանգան, ֆոսֆոր, ֆտոր, վանադիում, բոր, ցինկ և հանքային այլ նյութեր։ Խնձորի կորիզը պարունակում է օգտակար յուղեր, իսկ կեղևը՝ մեծ քանակությամբ ֆլավոնոիդներ։

Կալորիականությունը

100 գրամ խնձորի կալորիականությունը 50 կկալ է։

Օգտակար հատկությունները

Խնձորը կանխում է օնկոլոգիական հիվանդությունների առաջացումը, քանի որ նրանում պարունակվող նյութերն արգելում են աղիների և լյարդի քաղցկեղի բջիջների բազմացումը։ Ընդ որում՝ այդ հարցում ավելի մեծ ազդեցություն ունի խնձորի կեղևը։

Բարենպաստ ազդեցություն է ունենում սրտանոթային համակարգի վրա։

Նպաստում է արյան մեջ խոլեստերինի մակարդակի նվազմանը, պաշտպանում է ինֆարկտից, ինսուլտից, աթերոսկլերոզից և սրտանոթային այլ հիվանդություններից։

Խնձորն օգտակար է նաև վահանաձև գեղձի համար, քանի որ կորիզներում մեծ քանակությամբ յոդ է պարունակվում։

Կարգավորում է ստամոքսաղիքային տրակտի աշխատանքը, լավացնում է ախորժակն ու աղիքների միկրոֆլորան, կանխում է փորկապության առաջացումը։

Լավացնում է լյարդի աշխատանքը։

Շատ օգտակար է շնչառական համակարգի համար, նվազեցնում է ասթմայի և բրոնխային-թոքային այլ հիվանդությունների առաջացման վտանգը։

Նվազեցնում է ծխախոտի ծխի վնասակարությունը թոքերի համար, այդ պատճառով էլ ծխող մարդկանց խորհուրդ է տրվում շատ խնձոր ուտել։

Խորհուրդ է տրվում նաև ավելորդ քաշ ունեցող մարդկանց։

Բարենպաստ ազդեցություն են ունենում նաև մաշկի, մազերի ու եղունգների առողջության վրա։

Հակացուցումները

Հարկավոր է միշտ մտքում պահել, որ ամեն բան օգտակար է, եթե պահպանվում է չափի զգացումը։ Խնձորը հակացուցված է խոցային հիվանդություն ունեցող մարդկանց։ Բարձր թթվայնությամբ գաստրիտի դեպքում ավելի լավ է քաղցր խնձոր ուտել։

Ձկան յուղ․ օգտակար և վնասակար կողմերն օրգանիզմի համար

Ձկան յուղ․ օգտակար և վնասակար կողմերն օրգանիզմի համար

Ձկան յուղը հայտնի է արդեն շատ տասնամյակներ և բացի հեղուկ ձևից թողարկվում է նաև հարմար պարկուճներով։

Լուծել թրոմբը (արյան մակարդուկներ)․ ո՞ր մթերքներն են բարելավում արյան որակը

Լուծել թրոմբը (արյան մակարդուկներ)․ ո՞ր մթերքներն են բարելավում արյան որակը

Եթե ունես խնդիրներ արյան հետ կապված՝ ուրեմն առողջ չես։ Մի խոսքով՝ արյունը չափազանց կարևոր է։

Սխտոր․ օգտակարությունն ու վնասակարությունն օրգանիզմի համար

Սխտոր․ օգտակարությունն ու վնասակարությունն օրգանիզմի համար

Սխտորը՝ բազմամյա խոտաբույսային բույս է Միջին Ասիայի Ամարիլիս ընտանիքից, օժտված սուր համով և ուժեղ առանձնահատուկ հոտով։

Լիմոնադ․ օգտակար և վնասակար հատկությունները

Լիմոնադ․ օգտակար և վնասակար հատկությունները

Ոչ ալկոհոլային ըմպելիքի տարբերակիչ զովացուցիչ առանձնահատկությունն ու, ինչպես նաև, լիմոնադի օգտակարությունը վաղուց է հայտնի մարդկությանը։