Արգանդի պարանոցը հղիության վաղ փուլերում

Արգանդի պարանոցը հղիության վաղ փուլերում

Արգանդի պարանոցը գլանաձև ամուր կառույց է՝ տեղակայված արգանդի մարմնի ստորին ծայրում։ Առողջ, հասուն, չծննդաբերած կնոջ արգանդի պարանոցի երկարությունը 25-40մմ է, առաջնահետնային տրամագիծը՝ 20-25 մմ, լայնակին՝ 25-30 մմ։ Կախված տարիքից, վերարտադրողական կարողությունից և դաշտանային ցիկլի փուլից՝ այն զգալի փոփոխությունների է ենթարկվում։

Ֆունկցիոնալ փոփոխությունները հղիության ընթացքում

Արգանդի պարանոցը տարածվում է հեշտոցում։ Նախքան հղիությունն այդ նեղ ուղին բաց է լինում և այնքան լայն, որ թույլ է տալիս սերմնաբջիջները մուտք գործեն, իսկ դաշտանի արյունը հեռանա։ Հղիությունն սկսվելուն պես այդ օրգանի հիմնական գործառույթը դառնում է սաղմի պաշտպանությունը, և այն «խցանվում է» լորձով՝ ստեղծելով պաշտպանիչ արգելք։

Դրա շնորհիվ կանխվում է վնասակար մանրէների ներթափանցումը։ Հղիության ընթացքում արգանդի պարանոցը մի շարք փոփոխություններ է կրում․ առաջին ամիսների ընթացքում փափկում է, երկարում, այնուհետև կարճանում է, լայնանում, աստիճանաբար բարակում՝ կախված հղիության զարգացումից։

Դիրքի փոփոխություններ

Արգանդի պարանոցի դիրքը նույնպես փոփոխվում է, սակայն յուրաքանչյուր կնոջ դեպքում այդ տարբեր ժամանակում է կատարվում։ Հղիության վաղ ժամկետներում պարանոցը փոքր-ինչ բարձրանում է և փափկություն ձեռք բերում (ձվազատումից 15 օր անց կամ մի փոքր ուշ, երբ հղիության թեստն արդեն կարող է դրական արդյունք ցույց տալ)։

Հաստացումը սովորաբար առաջին նկատելի փոփոխությունն է լինում, քանի որ մեծ քանակությամբ գեղձային բջիջներ են արտադրվում, որոնք լորձային խցան են ձևավորում։ Պարանոցը հաստանում է արգանդի պաշտպանության համար, սակայն ծննդաբերության օրերի մոտենալուն զուգընթաց այն սկսում է պատրաստվել ծննդաբերությանը․ դանդաղորեն լայնանում է, ինչին հաջորդում է լորձային խցանի արտանկումը։ Այդ կարող է պատահել ծննդաբերության ենթադրյալ օրվանից մի քանի շաբաթ առաջ, պատահում է, որ խցանն ընկնում է հենց ծննդաբերությունից առաջ։

Փոփոխությունների է ենթարկվում նաև պարանոցի լորձաթաղանթը։ Այդ լորձի կառուցվածքի միջոցով նույնպես հնարավոր է հաստատել հղիության առկայությունն ամենավաղ փուլում։ Հղիության ընթացքում պարանոցի երկարության կարճացումը վկայում է վիժման կամ վաղաժամ ծննդաբերության վտանգի մասին: Այդ ախտորոշվում է տրանսվագինալ սոնոգրաֆիայի միջոցով և պահանջում է համապատասխան բուժում:

 

Աղբյուրը

Հարց ու պատասխան նոր կորոնավիրուսային վարակի, հղիության, ծննդաբերության և կրծքով կերակրման վերաբերյալ

Հարց ու պատասխան նոր կորոնավիրուսային վարակի, հղիության, ծննդաբերության և կրծքով կերակրման վերաբերյալ

ՔՈՎԻԴ-19-ից խուսափելու համար հղիության ընթացքում կանայք պետք է ձեռնարկեն միևնույն նախազգուշական միջոցները, ինչ մյուս ....

Ալկոհոլը կրծքով կերակրման ընթացքում

Ալկոհոլը կրծքով կերակրման ընթացքում

Լակտացիայի շրջանում ալկոհոլի օգտագործումը քիչ ուսումնասիրված հարց է։ Մայրիկները հաճախ են լսում հակասական խորհուրդներ, թե ինչպես է ազդում ալկոհոլը երեխայի վրա․․․

Ցիստիտը հղիության ընթացքում

Ցիստիտը հղիության ընթացքում

Հղիության ընթացքում ցիստիտի դեպքում դեղամիջոցների և անգամ որոշ խոտաբույսերի ընդունումն արգելվում է, քանի որ ոչ բոլորն են բարենպաստ ազդեցություն թողնում երեխայի առողջության վրա․․․

Մագնիումի դերը հղիության ընթացքում

Մագնիումի դերը հղիության ընթացքում

Մագնիումի պակասն առանձնահատուկ զգացվում է հղիության շրջանում, քանի որ այն մասնակցում է փոքրիկի պրակտիկորեն բոլոր օրգանների կազմավորմանը և․․․․