Նուռ․ օգտակար հատկություններն ու հակացուցումները

Նուռ․ օգտակար հատկություններն ու հակացուցումները

Նուռն իր օգտակար հատկություններով հայտնի է վաղեմի ժամանակներից։ Արևելքում այն համարում են մրգերի թագուհի։ Կանոնավոր օգտագործման դեպքում նուռը բարենպաստ ազդեցություն է թողնում գրեթե բոլոր օրգանների և համակարգերի վրա։

Նուռը պարունակում է C, E, P, ինչպես նաև B խմբի (B6, B12) վիտամիններ, հանքանյութեր՝ կալիում, կալցիում, մագնիում, յոդ, երկաթ, կրեմնիում, ֆոսֆոր, նատրիում և այլն։ Նռան բաղադրության մեջ են մտնում՝ շաքար (ֆրուկտոզա, գլյուկոզա), օրգանական թթուներ (կիտրոնաթթու, խնձորաթթու և այլն), ֆիտոնցիդներ, ազոտային նյութեր և այլն։ Հակաօքսիդանտների պարունակությամբ այն գերազանցում է կարմիր գինուն և կանաչ թեյին։

Պարունակում է անփոխարինելի ամինաթթուներ, որոնց որոշ տեսակներ պարունակվում են նաև մսում։ Այդ պատճառով էլ բուսակերներին խորհուրդ է տրվում նուռը կանոնավոր կերպով ներառել իրենց սննդակարգում։

Նռան կալորիականությունը

100 գրամ նռան կալորիականությունը 60-80 կկալ է։

Նռան օգտակար հատկությունները

Նուռը հրաշալիորեն ամրացնում է իմունիտետը, օգնում է հաղթահարել հարբուխը, օժտված է ջերմիջեցնող և հակաբորբոքային ազդեցությամբ։

Օժտված է կազդուրիչ ազդեցությամբ և խորհուրդ է տրվում հյուծվածության, տարած վիրահատություններից և ծանր հիվանդություններից հետո։

Կանխում է օնկոլոգիական հիվանդությունների առաջացումը, օգնում է դրանց բուժման ընթացքում։

Բարենպաստ ազդեցություն է թողնում սրտանոթային համակարգի վրա, ամրացնում է անոթների պատերը, կանխում է աթերոսկլերոզը, մեղմում է այտուցվածությունը։

Նուռն ու նռան հյութը լավացնում են արյան որակը, նոսրացնում են այն, բարձրացնում հեմոգլոբինի մակարդակը, բարելավում արյան շրջանառությունը, ինչը համապատասխանաբար բարենպաստ ազդեցություն է թողնում բոլոր օրգան-համակարգերի վրա։

Խորհուրդ է տրվում հիպերտոնիա ունեցող մարդկանց, քանի որ նպաստում է անոթային ճնշման աստիճանաբար իջեցմանը։

Նուռն ամրացնում է նյարդային համակարգը։

Լավ ազդեցություն է թողնում տեսողության վրա, պաշտպանում է կատարակտից։

Նուռը նաև նվազեցնում է բերանի խոռոչի հիվանդությունների առաջացման վտանգը։

Կանոնավոր օգտագործելու դեպքում լավացնում է մաշկի որակը, արտաքին օգտագործման դեպքում օգնում ազատվել պիգմենտային բծերից և կորյակային ցանից։

Նուռն օգտակար է նաև էրեկտիլ դիսֆունցիա ունեցող տղամարդկանց համար։

Կանանց օգնում է մեղմել կլիմաքսի ախտանշանները։

Նռան հակացուցումները

Նուռն ու նռան հյութը հակացուցված է խոցային հիվանդության, գաստրիտի, փորկապության և պանկրեատիտի դեպքում։

Ինչպե՞ս են անառողջ աղիքները խանգարում մեզ նիհարելու

Ինչպե՞ս են անառողջ աղիքները խանգարում մեզ նիհարելու

Այս մանրէների անբավարար քանակը հանգեցնում է ավելորդ քաշի առաջացման:

Ճի՞շտ է արդյոք, որ չիլի պղպեղը կարող է բարելավել առողջությունը և երկարացնել կյանքի տևողությունը

Ճի՞շտ է արդյոք, որ չիլի պղպեղը կարող է բարելավել առողջությունը և երկարացնել կյանքի տևողությունը

Չիլի պղպեղը միակ բույսն է, որ միաժամանակ պարունակում է կարոտենոիդներ, ֆլավոնոիդներ և կապսաիցիններ

Լոռամիրգ ուտելու 6 պատճառ

Լոռամիրգ ուտելու 6 պատճառ

Լոռամիրգը հիմնականում բաղկացած է ածխաջրերից, այդ թվում՝ մանրաթելերից և այնպիսի միացություններից, որոնք անմիջականորեն ազդում են առողջության վրա։

Ինչու է անհրաժեշտ բողկը ներառել սննդակարգում

Ինչու է անհրաժեշտ բողկը ներառել սննդակարգում

Բողկը C վիտամինի հարուստ աղբյուր է (մեկ բաժակ հում բողկը պարունակում է օրական նորմայի մոտ 30 %-ը), որն անհրաժեշտ է օրգանիզմին մի շարք նպատակներով