Մանկաբարձական պեսարիում

Մանկաբարձական պեսարիում

Հերթական զննման ընթացքում բժիշկն ասում է ՝ արգանդի պարանոցը բացվում է, պետք է օղ դնել։ Օ՞ղ, ի՞նչ օղ, ինչո՞ւ, ի՞նչ կլինի հետո։ Կանանց մեծ մասն անտեղի խուճապի է մատնվում, սակայն տվյալ դեպքում հարկավոր չէ տագնապել և կասկածել․ պեսարիումն օգնում է պահպանել սպառնալիքի տակ հայտնված հղիությունը։

Մանկաբարձական պեսարիումը մեխանիկական հարմարանք է, որ օգտագործվում է արգանդը, միզապարկն ու ուղիղ աղիքը պահելու համար։ Տարբեր տրամագծի իրար կպած օղերի ձև ունի, պատրաստված է էկոլոգիապես բնական նյութից։ Տեղադրվում է հեշտոցում և պահում է արգանդի պարանոցը, որպեսզի այն չբացվի։

Վաղաժամ ծննդաբերության մեծ սպառնալիքի դեպքում պեսարիումն օգնում է պահպանել և երկարացնել հղիությունը։ Այդպիսի անհրաժեշտություն առաջանում է նաև իսթմիկոցերվիկալային անբավարարության և բազմապտուղ հղիության դեպքում, երբ պտուղներն իրենց ծանրությամբ ճնշում են արգանդի պարանոցը՝ արագացնելով դրա բացվելը։

Պեսարիումը տեղադրվում է արագ և հազվադեպ է ցավ առաջացնում։ Տեղադրումից հետո հատուկ ինչ-որ բան անելու կարիք չկա, միայն հարկավոր կլինի 2-3 շաբաթը մեկ մանրէաբանական հետազոտության համար քսուք հանձնել։

Մի նրբություն կա, որը կարող է հուսահատեցնել ամուսիններին․ պեսարիումի դեղադրման դեպքում հեշտոցային սեքսն արգելված է։ Մանկաբարձական օղը կարելի է հանել ինչպես ստացիոնարում, այնպես էլ ամբուլատոր ձևով։ Հարկավոր է գինեկոլգին դիմել 36-38 շաբաթականում։ Այն հանվում է նույնքան արագ և անցավ, որքան տեղադրվում է։

Պրակտիկան ցույց է տվել, որ ծննդաբերությունն սկսվում է օղը հանելուց մեկ օրից մինչև երեք շաբաթ անց, խիստ անհատական է։

Հակացուցումներ

Մանկաբարձական պեսարիումը չի տեղադրվում հետևյալ դեպքերում՝

  • եթե կան հիվանդություններ և վիճակներ, որոնց դեպքում հղիության երկարացումը վտանգավոր է, 
  • եթե երկրորդ և երրորդ եռամսյակում կինը կրկնվող արյունային արտադրություն է ունեցել։ 

Որոշ դեպքերում էլ հարկավոր է անմիջապես, ժամանակից շուտ հանել պեսարիումը՝

  • պտղաջրի արտահոսք, 
  • անհապաղ ծննդալուծման անհրաժեշտություն, 
  • խորիոամնիոնիտի զարգացում և այլն:
Ալկոհոլը կրծքով կերակրման ընթացքում

Ալկոհոլը կրծքով կերակրման ընթացքում

Լակտացիայի շրջանում ալկոհոլի օգտագործումը քիչ ուսումնասիրված հարց է։ Մայրիկները հաճախ են լսում հակասական խորհուրդներ, թե ինչպես է ազդում ալկոհոլը երեխայի վրա․․․

Ցիստիտը հղիության ընթացքում

Ցիստիտը հղիության ընթացքում

Հղիության ընթացքում ցիստիտի դեպքում դեղամիջոցների և անգամ որոշ խոտաբույսերի ընդունումն արգելվում է, քանի որ ոչ բոլորն են բարենպաստ ազդեցություն թողնում երեխայի առողջության վրա․․․

Մագնիումի դերը հղիության ընթացքում

Մագնիումի դերը հղիության ընթացքում

Մագնիումի պակասն առանձնահատուկ զգացվում է հղիության շրջանում, քանի որ այն մասնակցում է փոքրիկի պրակտիկորեն բոլոր օրգանների կազմավորմանը և․․․․

Կեղծ հղիության նշանները

Կեղծ հղիության նշանները

Հղիության բոլոր նշաններն առկա են, իսկ ՈւՁՀ մասնագետը հետազոտությունից հետո հայտնում է, որ պտղաձուն բացակայում է։ Տարօրինա՞կ է։ Գուցե, բայց բժշկությանն այդպիսի դեպքեր հայտնի են։ Այդ կոչվում է կեղծ հղիություն․․․․