Հնարավոր հղիությունը ծննդաբերությունից հետո

Հնարավոր հղիությունը ծննդաբերությունից հետո

Բազմաթիվ կանայք կարծում են, թե հնարավոր չէ հղիանալ ծննդաբերությունից հետո, իսկ կրծքով կերակրման դեպքում «անվտանգ» շրջանը երկարում է մինչև մեկ տարի։ Բժիշկները հաստատում են, որ այդ պատկերացումը թյուր է, այդ են վկայում նաև կրծքով կերակրման ընթացքում հղիանալու բազմաթիվ դեպքերը։

Ծննդաբերությունից հետո դաշտանային ցիկլը տարբեր ժամկետներում է վերականգնվում յուրաքանչյուր կնոջ դեպքում։ Մեկը մեկ տարի շարունակ ապրում է առանց դաշտանի, մյուսի դեպքում դաշտանն սկսվում է ծննդաբերությունից ուղիղ մեկ ամիս անց, այսինքն ձվազատումն ավելի շուտ է կատարվում և տեսականորեն հնարավոր է հղիանալ ծննդաբերությունից մի քանի շաբաթ անց։ Ճիշտ է, սեռական հարաբերությունն այդ շրջանում ցանկալի չէ, քանի որ մեծ է վարակի ներթափանցման հավանականությունը․ արգանդը դեռևս վերականգնված չէ այդ շրջանում։

Հակառակ արմատացած կարծիքին, կրծքով կերակրումը չի կանխում հղիությունը և բեղմնականխման հուսալի միջոց չէ։ Պրոլակտին հորմոնն արտադրվում է հղիության ամբողջ ընթացքում՝ ճնշելով ձվազատումը և կանխելով հղիությունը։ Ծննդաբերությունից հետո այն նույնպես շարունակում է արտադրվել՝ պատասխանատվություն կրելով լակտացիայի համար և շարունակելով ճնշել ձվազատումը։ Որքան հաճախ և առատ կերակրեք երեխային, այնքան շատ պրոլակտին կարտադրվի և այնքան ուշ կվերականգնվի դաշտանը։ Սակայն լինում են դեպքեր, որ մենստրուացիան վերականգնվում է նաև կրծքով կերակրման ընթացքում։

Բացի այդ, հնարավոր է հղիանալ նաև մենստրուացիայի բացակայության պայմաններում, քանի որ երբեք հայտնի չի լինում, թե երբ է սկսվելու առաջին ձվազատումը։ Ֆերտիլ շրջանի սկիզբը կախված է էնդոկրին գեղձերի աշխատանքից, որը խիստ անհատական է և կարող է տարբեր լինել նաև միևնույն կնոջ տարբեր հղիությունների ընթացքում։ Այսինքն հնարավոր է հղիանալ նաև նախքան դաշտանը և չկասկածել այդ մասին մինչև ակնհայտ նշանների ի հայտ գալը։

Հղիությունը մեծ ծանրաբեռնվածություն է օրգանիզմի համար, այդ պատճառով խորհուրդ չի տրվում հղիանալ մինչև օրգանիզմը լիովին չվերականգնվի նախորդ հղիությունից։ Այդ գործընթացը տևում է մոտավորապես երկու տարի։ Այդ ամբողջ ընթացքում պետք է պաշտպանվել բեղմնականխման մեթոդներով, սակայն կոմբինացված օրալ բեղմնականխիչներն արգելված են կրծքով կերակրման ընթացքում։

Գոյություն ունեն օրալ հատուկ բեղմնականխիչներ, որոնք թույլատրելի են կրծքով կերակրման ընթացքում, ապահով են և չեն ազդում լակտացիայի վրա։ Թույլատրելի են բեղմնականխման նաև այլ մեթոդներ՝ պահպանակ, հեշտոցային մոմիկներ, իսկ վեց ամիս անց՝ ներարգանդային պարույր։

Կարո՞ղ է արդյոք պայթել միզապարկը, եթե երկար ժամանակ զսպեք ձեզ ու չմիզեք

Կարո՞ղ է արդյոք պայթել միզապարկը, եթե երկար ժամանակ զսպեք ձեզ ու չմիզեք

Միզապարկն ունի առաձգական պատեր, որոնք որոշակի արտաքին ազդեցությամբ իսկապես կարող են պայթել, սակայն ոչ մեզի մեծ ծավալի պատճառով

Ե՞րբ է անհրաժեշտ այցելել ուրոլոգի, ինչպե՞ս խուսափել շագանակագեղձի ադենոմայի առաջացումից

Ե՞րբ է անհրաժեշտ այցելել ուրոլոգի, ինչպե՞ս խուսափել շագանակագեղձի ադենոմայի առաջացումից

Տղամարդն ուրոլոգիական առաջին զննումն անցնում է կյանքի առաջին ամիսներին, երբ մանկաբույժը զննում է իրականացնում՝ ամորձապարկի զարգացման պաթոլոգիաները բացառելու նպատակով։

Պոլիօրգանային անբավարարություն

Պոլիօրգանային անբավարարություն

Պոլիօրգանային անբավարարությունը մի քանի օրգանների գործունեության խախտման հետևանքն է: Տվյալ ձախողումները կարող են առաջանալ միաժամանակ կամ հաջորդաբար:

Ինչո՞ւ է իջնում թրոմբոցիտների քանակը և ի՞նչ անել

Ինչո՞ւ է իջնում թրոմբոցիտների քանակը և ի՞նչ անել

Թրոմբոցիտները արյան գնդիկներ են, որոնք ունակ են առաջացնելու խցանումներ կամ թրոմբներ