Ռետրոխորիալ հեմատոմա

Ռետրոխորիալ հեմատոմա

Ռետրոխորիալ հեմատոման հղիության վաղ ժամկետներում հաճախ հանդիպող խնդիրներից մեկն է։ Ախտորոշվում է ՈւՁՀ-ի միջոցով։ Ռետրոխորիալ հեմատոմայի առաջացման նշաններից է բաց շագանակագույն արտադրությունը, որն ուղեկցվում է հղիության 5-8-րդ շաբաթում որովայնի ստորին շրջանի ձգող ցավով։ Այդ երևույթները նկատելուն պես հարկավոր է դիմել բժշկի, ՈւՁՀ կատարել և պարզել սաղմին սպառնացող վտանգի աստիճանը։

Ռետրոխորիալ հեմատոման մակարդված արյունով լեցուն խոռոչ է, առաջանում է, երբ պտղաձուն շերտազատվում է թավկենու թաղանթից։ Առաջացման պատճառները հստակեցված չեն, կարող է պատահել արգանդի զարգացման անոմալիաների, հորմոնային ֆոնի խանգարման, միզասեռական համակարգի բորբոքային հիվանդությունների, ֆիզիկական ծանրաբեռնվածության և սթրեսների հետևանքով։ Փոքր քանակությամբ շագանակագույն արտադրությունը մտահոգող ախտանշան չի համարվում, ընդհակառակը, հեմատոմայի ներծծման և մաքրման նշան է։

Վտանգավոր է վառ գունավորմամբ արտադրությունը, որը վկայում է շարունակվող արնահոսության մասին։ Ռետրոխորիալ հեմատոմայի ախտորոշման հարցում մեծ դեր է խաղում նրա չափսը։ Վտանգավոր է պտղաձվի մակերևույթի 40%-ից ավել մասը պատող հեմատոման։ Հեմատոմայի չափսերը վերահսկելու և անցկացրած բուժման ազդեցությունը գնահատելու համար հարկավոր է պարբերաբար ուլտրաձայնային հետազոտություն կատարել։

Ռետրոխորիալ հեմատոմայի բուժումն անկողնային ռեժիմ է ենթադրում (հաճախ ստացիոնարում), ինչպես նաև ֆիզիկական ծանրաբեռնվածության նվազեցում, հատուկ դիետա, որը կանխում է գազագոյացումն ու ստամոքսի խանգարումը։ Խորհուրդ է տրվում ուտել ոչ շատ թանձր ապուրներ, կաթ, կոմպոտներ խմել, բացառել այն բոլոր մթերքները, որոնք գազեր ու փորկապություն են առաջացնում։

Արգելված են նաև թեյն ու սուրճը։ Դեղամիջոցներից հաճախ նշանակվում են արնահոսությունը դադարեցնող և արյունն արագ մակարդող միջոցներ, սպազմոլիտիկներ, պրոգեստերոնային դեղամիջոցներ և այլն: Հիմնականում հեմատոման անցնում է մի քանի շաբաթվա ընթացքում և երեխայի վրա չի ազդում։ Այդուհանդերձ պետք է լուրջ վերաբերվել այդ վիճակին, որպեսզի հնարավոր լինի կանխել հեմատոմայի մեծացումը և որպես հետևանք՝ հղիության ընդհատումը։

Լակտացիա․ 3 միֆ գինու և ոչ ալկոհոլային գարեջրի մասին

Լակտացիա․ 3 միֆ գինու և ոչ ալկոհոլային գարեջրի մասին

Իրականում ալկոհոլը ոչ մի կերպ չի շատացնում արտադրվող կաթի քանակը։ Երեխան ավելի հաճախ է ծծում կուրծքը, սակայն քիչ քանակությամբ կաթ է...

Հարց ու պատասխան նոր կորոնավիրուսային վարակի, հղիության, ծննդաբերության և կրծքով կերակրման վերաբերյալ

Հարց ու պատասխան նոր կորոնավիրուսային վարակի, հղիության, ծննդաբերության և կրծքով կերակրման վերաբերյալ

ՔՈՎԻԴ-19-ից խուսափելու համար հղիության ընթացքում կանայք պետք է ձեռնարկեն միևնույն նախազգուշական միջոցները, ինչ մյուս ....

Հեշտոցի ցավը հղիության ընթացքում

Հեշտոցի ցավը հղիության ընթացքում

Ցավը կարող է ուղեկցվել սրտխառնոցով, արտադրությամբ, տհաճ հոտով, այրոցով, հեշտոցի չորությամբ և այլ նշաններով...

Կրծքի այտուցվածություն

Կրծքի այտուցվածություն

Բոլոր կանայք էլ նկատած կլինեն, որ սովորաբար դաշտանին նախորդող օրերի ընթացքում կաթնագեղձերն ուռչում են, երբեմն՝ ցավում։ Երբեմն էլ ցավն այնքան ուժեղ է լինում, որ ընկնում է կնոջ աշխատունակությունը, նվազում է սեռական ցանկությունը և այլն...