Հեշտոցի քոր

Հեշտոցի քոր

Ախտանշաններ, որոնք նման են հեշտոցի քորին՝

  • սեռական օրգանների քոր, 
  • քոր է գալիս հեշտոցը։

Հեշտոցի քորի պատճառները

Հեշտոցի քորը կարող է առաջանալ այն պարզ պատճառով, որ օրվա ընթացքում հագուստի շերտերի տակ մեծ քանակությամբ բակտերիաներ են հավաքվել։ Տաք և խոնավ միջավայրը բարենպաստ պայմաններ է ստեղծում միկրոօրգանիզմների բազմացման համար։

Իրականում քորը կարող է ցանկացած տիպի վարակի ազդանշան լինել։ Այդ վարակներից են՝ բակտերիալ վագինոզը և հեշտոցի սնկային ախտահարումները (կանդիդոզ), տրիխոմոնազը և այլն։ Քորը կարող է նաև քիմիական նյութերի հանդեպ ալերգիկ ռեակցիայի դրսևորում լինել։

Կարդացեք՝ Քոր դաշտանի ընթացքում

Այդ քիմիական նյութերը պարունակվում են օճառում, դեզոդորանտներում և ներկերում։ Հաճախ քորը նախորդում է արտադրությանը, կամ էլ հեշտոցի արտադրությունն է ուղեկցվում քորով։ Այդպիսի դեպքերում ամենայն հավանականությամբ գործ ունեք հեշտոցի վարակիչ հիվանդության հետ։

Հեշտոցի ամենատարածված վարակներից մեկը սնկային վարակն է, որի հարուցիչը Candida albicans-ն է։ Սնկային ախտահարմանը բնորոշ արտադրությունը կաթնաշոռային զանգվածի տեսք ունի, բայց քրոնիկական փուլի անցնելու դեպքում կարող է սպիտակ փառի տեսք ունենալ, որը կարող է նկատել միայն գինեկոլոգը գինեկոլոգիական զննման ժամանակ։ Երբեմն սնկային հիվանդությունն առաջանում է հակաբիոտիկներով բուժումից հետո։

Կարդացեք՝ Քոր դաշտանից առաջ

Բակտերիաներով հարուցված վարակները (դրանց մի մասը փոխանցվում է սեռական ճանապարհով) կապված են լինում գարդներելլայի տիպի միկրոօրգանիզմների հետ։ Սովորաբար այդ հիվանդությունների դեպքում դեղնավուն արտադրություն է դիտվում՝ ձկան տհաճ հոտով, ուղեկցող քորով։ Դրանցից են քլամիդիոզը և գոնորեան։

Բացի քորից հնարավոր է և այրոց զգացվի։ Ջրիկ, փրփրանման, կանաչավուն արտադրությունները, որոնք ուղեկցվում են քորով, կարող են տրիխոմոնոզի՝ սեռական ճանապարհով փոխանցվող հիվանդության ախտանշան լինել և այլն։

Բուժման ժողովրդական միջոցների վտանգավորությունը

Հեշտոցի քորից ազատվելու ժողովրդական միջոցները վտանգավոր են սեռական ճանապարհով փոխանցվող հիվանդությունների դեպքում, քանի որ կարող են հիվանդությունն անցկացնել քրոնիկական փուլ։ Այդ միջոցները կարելի է կիրառել միայն այն դեպքերում, երբ պատճառը վարակը չէ։

Բացի այդ, հեշտոցի քորի բուժումը ժողովրդական միջոցներով կարելի է սկսել միայն ու միայն բժշկի հետ խորհրդակցելուց, քորի պատճառը և կիրառվելիք միջոցի հակացուցումներն հստակ իմանալուց հետո։

Ի՞նչ մասնագետի է պետք դիմել

Հեշտոցի քորի դեպքում հարկավոր է դիմել գինեկոլոգի կամ վեներոլոգի։

Ձվարանի դերմոիդ կիստա

Ձվարանի դերմոիդ կիստա

Ձվարանի դերմոիդ կիստան բարորակ նորգոյացություն է: Այն կազմված է հաստ պատիճից և ունի ձվարանին ոչ հատուկ հյուսվածք: Պատիճը կարող է լցված լինել...

Ցավ ամոթույքի հատվածում

Ցավ ամոթույքի հատվածում

Էպիդերմիսը, որը ծածկում է մեծ սեռաշուրթերը, բազմաթիվ քրտնագեղձեր և ճարպագեղձեր, ինչպես նաև նյարդային վերջավորություններ է պարունակում։ Սեռական գրգռման բացակայության դեպքում...

Լորձային արտադրություն հեշտոցից

Լորձային արտադրություն հեշտոցից

Հեշտոցից արտահոսող լորձային արտադրությունը, եթե նորմալ բնույթի է, բնական երևույթ է։ Վերարտադրողական տարիքի բոլոր կանայք էլ ունենում են...

Տրամադրությունը պայմանավորող հորմոնները

Տրամադրությունը պայմանավորող հորմոնները

Պատասխանատու են մեր հոգեհուզական վիճակի համար։ Ահա այն հիմնական հորմոնները, որոնք պայմանավորում են մեր լավ տրամադրությունը․․․