Քոր դաշտանի ընթացքում

Քոր դաշտանի ընթացքում

Դաշտանի ընթացքում ի հայտ եկած քորը, հաճախ, անձնական հիգիենայի խախտման հետևանք է: Երբեմն էլ կարող է վարակիչ հիվանդությունների նշան լինել:

Կարևոր է դաշտանի ընթացքում առանձնահատուկ ուշադրություն հատկացնել ինտիմ հիգիենային: Արյան կուտակումները սեռական ուղիների լորձաթաղանթում առկա միկրօօրգանիզմների համար սնուցող միջավայր են հանդիսանում: Ոչ հաճախակի լվացումները նպաստում են այդ միկրոօրգանիզմների բազմացմանը: Բացի այդ, իմունիտետի ընկճման ֆոնին հնարավոր է զարգանա ոչ բնորոշ բորբոքային պրոցես, որը դաշտանից մի քանի օր անց ինքնուրույն վերանում է:

Քոր կարող է առաջացնել նաև միջադիրի կամ տամպոնի հանդեպ անհատական անտանելիությունը:

Հիգիենայի կանոնները դաշտանի օրերին

  • Չի թույլատրվում դաշտանի օրերին վաննա ընդունել, կարելի է լվանալ ինտիմ հատվածը ցնցուղի տակ, հատուկ օճառ կամ գել օգտագործել միայն մաշկի վրա, այլ ոչ թե լորձաթաղանթի շրջանում: 
  • Լվացվելու ժամանակ ջրի հոսքը և ձեռքի շարժումը պետք է ուղղված լինեն առաջից դեպի հետ, որպեսզի հետանցքից ինֆեկցիան չթափանցի սեռական օրգաններ: 
  • Չորացնելու համար օգտագործեք առանձին սրբիչ՝ ցանկալի է փափուկ: 
  • Դաշտանի օրերին սեքսով զբաղվել չի թույլատրվում, քանի որ մեծ է վարակների ներթափանցման վտանգը: 
  • Տամպոնի երկարաժամկետ օգտագործումը նպատակահարմար չէ: Այն կարող է հանգեցնել հեշտոցում չորության առաջացման, ինչն էլ նպաստում է լորձաթաղանթի բորբոքմանը: Խորհուրդ է տրվում տամպոնը փոխել յուրաքանչյուր երկու ժամը մեկ: Եթե կնոջ մոտ առկա է վարակիչ-բորբոքային պրոցես, տամպոնի կիրառումը հակացուցվում է:

Ինչպես նշվեց, քոր կարող է առաջանալ նաև սեռական օրգանների վարակիչ-բորբոքային հիվանդությունների պատճառով, որոնք զարգանում են վարակներից կամ պայմանական-ախտածին միկրոֆլորայից: Երկու դեպքում էլ հիվանդությունն ընթանում է առանց ախտանշանների, միայն արտահայտվում է երկրորդային գործոնների ազդեցության արդյունքում: Այդ պատճառով, եթե քորը կրկնվում է դաշտանից դաշտան, անհրաժեշտ է գինեկոլոգիական հետազոտթյուն անցնել: Վարակիչ-բորբոքային պրոցեսներն անհրաժեշտ է ժամանակին բուժել, որպեսզի դրանք անդառնալի հետևանքներ չունենան կնոջ վերարտադրողական համակարգի վրա:

Բորբոքային պրոցես կարող է զարգանալ նաև հորմոնային խանգարումների ֆոնին: Այստեղ կարևոր դեր ունեն կանացի հորմոնները՝ էստրոգենները: Դրանց բավարար մակարդակն ապահովում է հեշտոցի բնական միկրոֆլորայի պահպանումը: Հեշտոցի թթվային միջավայրը խոչընդոտում է պայմանական-ախտածին միկրոֆլորայի զարգացումը: Էստրոգենների սեկրեցիայի նվազման պարագայում այս աջակցող գործոնը վերանում է, միկրոօրգանիզմներն արագորեն բազմանում են, և մեծանում է բորբոքային պրոցեսների զարգացում վտանգը:

Երբեմն, քոր կարող է առաջանալ նաև այլ հիվանդություննրի ֆոնին, օրինակ շաքարային դիաբետ, օնկոլոգիական հիվադություններ, հելմինտոզ և այլն: Եթե դաշտանի ընթացքում կամ դրանից հետո առաջացող քորը կրկնվում է, անհրաժեշտ է հետազոտվել:

Ինչպե՞ս պաշտպանվել վարակներից օրալ սեռական հարաբերության ընթացքում

Ինչպե՞ս պաշտպանվել վարակներից օրալ սեռական հարաբերության ընթացքում

Սեռական վարակներով հնարավոր է վարակվել նաև օրալ սեռական հարաբերության ժամանակ, ուստի պաշտպանությունը միշտ անհրաժեշտ է

Սխալ պատկերացումներ դաշտանի մասին, որոնցից ազատվելու ժամանակն է

Սխալ պատկերացումներ դաշտանի մասին, որոնցից ազատվելու ժամանակն է

Դաշտանը օրգանիզմը մաքրելու միջոց է Իրականում օրգանիզմը ոչ մի մաքրման կարիք չունի, և ոչ մի տոքսին չի հեռացվում դաշտանի միջոցով

Ամեն ինչ դաշտանի մասին. տարածված հարցերի պատասխաններ

Ամեն ինչ դաշտանի մասին. տարածված հարցերի պատասխաններ

Եթե որովայնը ցավում է դաշտանի ժամանակ, դա նորմա՞լ է

Ցածր լիբիդո. պատճառները

Ցածր լիբիդո. պատճառները

Լիբիդոյի կորուստը տարածված խնդիր է, որին բախվում է յուրաքանչյուր հինգերորդ տղամարդ և շատ կանայք՝ կյանքի ինչ-որ փուլում