Դերմատիտը հղիության ընթացքում
9973
Հղիության ընթացքում դերմատիտի առաջացումը նախ և առաջ պայմանավորված է իմունիտետի ընկճման և հորմոնային ֆոնի ակտիվ փոփոխություննեերի հետ:
Հղիության ընթացքում հաճախ հանդիպում է դերմատիտի ատիպիկ ձևը: Այս հիվանդության առաջացման պատճառը օրգանիզմ ներթափանցած ալերգեններն են: Դրանց ազդեցության ներքո օրգանիզմում ակտիվորեն արտադրվում է հիստամին, որն էլ հենց հանդիսանում է մաշկային ցանի և քորի առաջացման պատճառ: Ալերգեն են համարվում որոշ սննդամթերքներ՝
- շոկոլադ,
- ցիտրուսներ,
- ելակ, մորի,
- քաղցրավենիք:
Անհրաժեշտ է հղիության ընթացքում սահմանափակել կամ զերծ մնալ նշված ալերգենների օգտագործումից: Մաշկի ախտահարված չոր հատվածները կարելի է մշակել մանկական քսուքներով: Եթե դերմատիտն ուղեկցվում է կարմրածությամբ և բշտիկների առաջացմամբ կարելի է կիրառել ցինկի և սալիցիլային քսուք: Արյունն ալերգեններից ազատելու նպատակով անհրաժեշտ է մեծ քանակությամբ հեղուկ օգտագործել:
Դերմատիտի առաջացման պատճառ կարող է լինել մաշկի շփումը որոշ նյութերի կամ իրերի հետ, որոնք գրգռում են այն: Կոնտակտային դերմատիտից խուսափելու համար խորհուրդ է տրվում մարմինը խնամելիս օգտագործել մանկական օճառ և շամպուն, որոնք ալերգիկ նյութեր չեն պարունակում: Անհրաժեշտ է կրել բամբակյա հագուստ և հնարավորինս խուսափել կոսմետիկ միջոցների կիրառումից:
Ինչպես գիտենք մաշկը և լորձաթաղանթները պատված են խիտ ֆլորայով, որում առկա են նաև պայմանական-ախտածին միկրոօրգանիզմներ: Օգտակար և վնասակար բակտերիաների հավասարակշռության դեպքում վերջիններս ոչ մի կերպ չեն արտահայտվում: Սակայն եթե ինչ-ինչ պատճառներով այս հավասարակշռությունը խախտվում է՝ դերմատիտն սկսում է ի հայտ գալ: Բակտերիալ դերմատիտի դեպքում նշանակվում է պրոբիոտիկային թերապիա:
Հղիության ընթացքում անհրաժեշտ է զգուշությամբ ընդունել ցանկացած դեղամիջոց՝ այդ թվում նաև վիտամինները, քանի որ դրանք նույնպես կարող են դերմատիտի առաջացման պատճառ դառնալ: Այդ պատճառով ցանկացած դեղամիջոցի ընդունումից առաջ անհրաժեշտ է խորհրդակցել բժշկի հետ, իսկ ալերգիկ ռեակցիաների առաջացման դեպքում՝ անմիջապես դադարեցնել դրանց ընդունումը:
