Կանայք, հատկապես առաջին հղիության դեպքում, հաճախ են տարատեսակ մտավախություններ ունենում կապված ծննդաբերության հետ: Ապագա մայրիկին անհանգստացնում է ծննդաբերության ընթացքը, բարդությունների առաջացման վտանգը, երեխայի առողջությունը և այլն: Նմանատիպ անհանգստություններից ազատվելու համար անհրաժեշտ է հասկանալ ծննդաբերության ֆիզիոլոգիան:

Ինչու՞ է վախ առաջանում

Հղի կնոջ գլխավոր մտավախություններն են ծննդաբերական ցավը, վաղաժամ ծննդաբերությունը, ծննդաբերության անսպասելի սկիզբը: Անտեղյակությունն ավելի է ուժգնացնում տագնապը, հետևաբար անհրաժեշտ է նախապես իմանալ ծննդաբերական պրոցեսի փուլերի, ընթացքի առանձնահատկությունների, հնարավոր բարդությունների մասին:

Ծննդաբերական պրոցեսը բաժանվում է երեք փուլերի.

• I- Կանոնավոր կծկումների (արգանդի մկանների ակամա կծկումներ) արդյունքում բացվում է արգանդի պարանոցը:
• II- Կծկանքներին զուգահեռ սկսվում են ճիգերը՝ որովայնի մկանների կամայական կծկումներ: Երեխան տեղաշարժվում է ծննդաբերական ուղիներով:
• III- Ընկերքը ծնվում է:

 

Ծննդաբերական պրոցեսի առաջին երկու փուլերը մեծամասամբ կախված են կնոջից՝ նրա ճիշտ շնչառությունից, ինքնացավազրկման հնարքների տիրապետումից, հոգեբանական պատրաստվածությունից: Ծննդաբերության մասին առավել տեղեկացված լինելը կօգնի կնոջը չվախենալ, թուլանալ և կհեշտացնի ծննդաբերության ընթացքը:

Կարդացեք՝ Ինչպե՞ս շնչել ծննդաբերական ցավը մեղմելու համար

 

Աղբյուրը