Ողնուղեղային (սպինալ) անզգայացում

Ողնուղեղային անզգայացման առավելությունները

• Ադեկվատ անզգայացում։ 
• Արագ սկիզբ (անզգայացումից 3-5 րոպե անց կարելի սկսել վիրահատությունը)։ 
• Ավելի պարզ է կատարվում շնորհիվ ասեղը մտցնելու տեղը կոնկրետ որոշելու հնարավորության։ 
• Համակարգային թունավորման բացակայություն։ 
• Վիրահատության ընթացքում արյան քիչ կորուստ։ 
• Արգելափակված սեգմենտներում մկանների խորը ռելաքսացիա։ 
• Ստորին վերջույթների թրոմբոզի և էմբոլիկ բարդությունների նվազ վտանգ։ 
• Վիրահատության ընթացքում կնոջ գիտակցության պահպանում և վաղ կերակրման հնարավորություն։ 
• Վիրահատությունից հետո կնոջ վաղ ակտիվացումը նպաստում է հետվիրահատական բարդությունների կանխարգելմանը։ 
• Նորածինների դեղորայքային դեպրեսիայի բացակայություն։

Կարդացեք՝ Էպիդուրալ անզգայացում․ առավելությունները և թերությունները

Թերությունները

• Սահմանափակ տևողություն (կախված է տեղային անեսթետիկի հատկություններից)։ 
• Արտահայտված հեմոդինամիկ ռեակցիաներ (հիպոտոնիա, բրադիկարդիա)։ 
• Ասեղնածակմանը հաջորդող գլխացավ։ 
• Նևրոլոգիական բարդություններ (նեյրոպատիաներ, նյարդաթելիկների անմիջական վնասում ասեղով և այլն)։

Հնարավոր բարդությունների շարքին են դասվում նաև հետևյալները՝

• սրտխառնոց, 
• էպիդուրալ կամ ողնուղեղային հեմատոմա, 
• ողնուղեղային աբսցես (թարախակույտ) կամ մենինգիտ, 
• ալերգիկ ռեակցիաներ։

Ողնուղեղային անզգայացումն ավելի նախընտրելի է, քան էպիդուրալ անզգայացումը։ Վերջինս ավելի լավ է կիրառել այն դեպքերում, երբ այն արդեն իսկ օգտագործվել է ծննդաբերության նախորդ փուլում, ինչպես նաև հեմատոմիկ անկայունության դեպքում (օրինակ՝ ծանր գեստոզի)։ Ընտրում են ընդհանուր անզգայացման տարբերակը, եթե ռեգիոնար անզգայացման բացարձակ հակացուցումներ կան։

Ռեգիոնար անզգայացման բացարձակ հակացուցումները

• Կնոջ հրաժարվելը։ 
• Ասեղնածակման ենթադրյալ հատվածում թարախային ցան կամ բորբոքում։ 
• Սեպսիս։ 
• Սուր հիպովոլեմիա, հեմոռագիկ շոկ։ 
• Կոագուլապատիա։ 
• Էկլամպսիայի դեպքում ռեգիոնար ցավազրկումը ցուցված է, եթե՝ 1) նոպան չի անցնում սովորական թերապիայից հետո, 2) էկլամպտիկ կոմա կա, 3) նոպայի ընթացքում բարդություններ են առաջացել, օրինակ՝ ասպիրացիա։ 
• Կենտրոնական նյարդային համակարգի սուր հիվանդություններ ինֆեկցիոն և ոչ ինֆեկցիոն բնույթի։ 
• Տեղային անեսթետիկի հանդեպ ալերգիա։

Ռեգիոնար անզգայացման հարաբերական հակացուցումներ

• Ողնաշարի դեֆորմացիա։ 
• Պտղի ծանր դիսթրես։ 
• Արյան ենթադրյալ մեծ կորուստ վիրահատության ընթացքում։ 
• Ներգանգային բարձր ճնշում, էպիլեպսիա, մենինգիտ, պոլիոմիելիտ, ուղեղի անոթային հիվանդություններ, օստեոխոնդրոզ և այլն։ 
• Քրոնիկական վարակների սրման կլինիկական նշաններ կամ սուր վարակիչ հիվանդություններ, հիպերթերմիա ծննդաբերության ժամանակ (37,5 °С բարձր ջերմություն)։

Աղբյուրը