Արյան համատեղելիությունը հղիության պլանավորման շրջանում

Արյան համատեղելիությունը հղիության պլանավորման շրջանում

Հղիությունը պլանավորելիս մի շարք կարևոր հանգամանքներին զուգահեռ պետք է հաշվի առնել նաև արյան խումբը, ավելի կոնկրետ՝ ռեզուս-կոնֆլիկտի խնդիրը։ Հաճախ այն դառնում է ոչ միայն բարդությունների առաջացման պատճառ, այլև սպառնում է երեխայի կյանքին։ Այսօր այդ խնդիրը հնարավոր չէ լիարժեք լուծել, սակայն հնարավոր է կանխել:

Ինչպե՞ս պարզել արյան խմբի համատեղելիությունը

Արյան մեջ կան հատուկ սպիտակուց-հակածիններ, որոնք գիտնականներին թույլ են տվել առանձնացնել արյան չորս խումբ։

ABO համակարգ։ Արյունը կազմված է A, B կոնկրետ սպիտակուց-հակածինից կամ այդ երկուսի համադրությունից, ինչի հիման վրա էլ տարբերում ենք արյան չորս խումբ։

Կարդացեք՝ Արյան խմբի և ռեզուս-գործոնի ժառանգաբար փոխանցումը

Ռեզուս-գործոնի համակարգ։ Եթե արյան մեջ կա ռեզուս-հակածին, ապա այդպիսի արյունն ունի դրական ռեզուս, եթե չկա՝ բացասական։ Այդ համակարգը մշակված է որոշակի սպիտակուցների խմբից, որոնք գտնվում են էրիթրոցիտների մակերևույթին։ Բացի այդ, արյան մեջ կան նաև հակամարմիններ՝ սպիտակուցային տարրեր, որոնք կպչում են սպիտակուցին և սկսում քայքայել այն։ Հակածինները գտնվում են էրիթրոցիտների արտաքին պատի վրա, իսկ հակամարմինները, որոնք լիովին համապատասխանում են նրանց, պլազմայում։ Քանի որ արյան այդ տարրերը չեն կպչում, էրիթրոցիտները կարողանում են բնականոն գործել և չքայքայվել։

Մոր և երեխայի արյան անհամատեղելիությունը

Եթե կնոջ օրգանիզմում չկա համապատասխան հակածինը, բայց կա երեխայի օրգանիզմում, կնոջ ուղեղը և նյարդային համակարգն այն որպես օտար տարրեր են ընդունում և ոչնչացնում են։ Այդ ժամանակ սկսում են ակտիվորեն ձևավորվել համապատասխան հակամարմինները՝ կպչելով երեխայի էրիթրոցիտներին, որոնք փոխանցվել են հորից և արդյունքում դառնում պտղի հեմոլիտիկ հիվանդության պատճառ։

Պետք է ուշադրություն դարձնել այն հանգամանքին, որ կոնֆլիկտ բավականին հազվադեպ է լինում։ Հիմնականում արյան մյուս խմբերի հետ համատեղելի չի լինում երկրորդ խումբը, որն ունի A հակածին։ Հաճախ է հանդիպում տարբեր ռեզուսների պատճառով առաջացած կոնֆլիկտը։

Ե՞րբ է վտանգ սպառնում երեխային

Ռեզուս-գործոնը պարզելուց հետո պետք է հաշվի առնել մի քանի պարզ կանոն։

Եթե ծնողների արյան խումբն ու ռեզուսը նույնն են, ապա ոչ մի խնդիր չի կարող առաջանալ այդ ոլորտում։

Կարդացեք՝ Ռեզուս-կոնֆլիկտ

Եթե արյան խմբերը տարբեր են, սակայն ռեզուսը նույնն է, ապա պետք չէ անհանգստանալ։

Պետք է լուրջ վերաբերվել հղիության պլանավորմանը, քանի որ նաև այդ շրջանից է կախած ինչպես հղիության ընթացքը, այնպես էլ երեխայի առողջությունը։ Ուշադրություն դարձրեք նաև սննդին, վնասակար սովորություններից հրաժարվելուն և անհրաժեշտ հետազոտություններին, որոնք կնշանակի բժիշկը։

Ինչպե՞ս պաշտպանվել վարակներից օրալ սեռական հարաբերության ընթացքում

Ինչպե՞ս պաշտպանվել վարակներից օրալ սեռական հարաբերության ընթացքում

Սեռական վարակներով հնարավոր է վարակվել նաև օրալ սեռական հարաբերության ժամանակ, ուստի պաշտպանությունը միշտ անհրաժեշտ է

Սխալ պատկերացումներ դաշտանի մասին, որոնցից ազատվելու ժամանակն է

Սխալ պատկերացումներ դաշտանի մասին, որոնցից ազատվելու ժամանակն է

Դաշտանը օրգանիզմը մաքրելու միջոց է Իրականում օրգանիզմը ոչ մի մաքրման կարիք չունի, և ոչ մի տոքսին չի հեռացվում դաշտանի միջոցով

Ամեն ինչ դաշտանի մասին. տարածված հարցերի պատասխաններ

Ամեն ինչ դաշտանի մասին. տարածված հարցերի պատասխաններ

Եթե որովայնը ցավում է դաշտանի ժամանակ, դա նորմա՞լ է

Ցածր լիբիդո. պատճառները

Ցածր լիբիդո. պատճառները

Լիբիդոյի կորուստը տարածված խնդիր է, որին բախվում է յուրաքանչյուր հինգերորդ տղամարդ և շատ կանայք՝ կյանքի ինչ-որ փուլում