Ռեզուսկոնֆլիկտային հղիություն

Ռեզուսկոնֆլիկտային հղիություն

Ինչպես գիտեք, արյունը լինում է ռեզուս-դրական և ռեզուս-բացասական։ Այդ կախված է էրիթրոցիտներում ռեզուս-գործոն կոչվող սպիտակուցի առկայությունից։ Մարդկանց մեծամասնությունն ունի այդ սպիտակուցը, այսինքն արյունը ռեզուս-դրական է, մյուս մասը չունի՝ ռեզուս-բացասական է։

Ռեզուս-գործոնը ժառանգվում է գենետիկորեն և ոչ մի կերպ չի ազդում մարդու առողջության վրա, սակայն հղիության ընթացքում ռեզուս-բացասական արյուն ունեցող կնոջ դեպքում կարող է վտանգավոր մի երևույթ առաջանալ՝ ռեզուս-կոնֆլիկտ։ Այդ պատահում է միայն այն դեպքերում, երբ պտուղը ռեզուս-դրական է։

Դրական ռեզուսը երեխան ժառանգում է հորից, իսկ եթե երկու ծնողներն էլ ունեն ռեզուս-բացասական արյուն, ապա երեխայինը նույնպես բացասական կլինի և ռեզուս-կոնֆլիկտ չի առաջանա։

Ինչու՞ է ռեզուս-կոնֆլիկտ առաջանում

Արյան անհամապատասխանությունը ենթադրում է, որ եթե ռեզուս-բացասական արյան մեջ ռեզուս-դրական արյան էրիթրոցիտներ հայտնվեն, օրգանիզմը կսկսի հակամարմիններ արտադրել, որոնք կքայքայեն դրական բջիջները։ Այսինքն՝ մոր արյան մեջ հակամարմիններ կան, ապա նրա օրգանիզմը պտղի արյան էրիթրոցիտներն ընկալում է որպես օտար մարմիններ և փորձում է ոչնչացնել դրանք։

Այդուհանդերձ ռեզուսկոնֆլիկտային հղիության զարգացման հավանականությունը փոքր է։ Չէ՞ որ ընկերքը, որը յուրահատուկ պատնեշ է մոր և պտղի արյունատար համակարգերի միջև, թույլ չի տալիս, որ արյունները խառնվեն, այնպես որ մոր օրգանիզմը պարզապես չի իմանում անհամապատասխան արյուն ունեցող պտղի գոյության մասին և հակամարմիններ չի արտադրում։

Ռեզուս-կոնֆլիկտն առաջանում է միայն այն դեպքերում, երբ հակամարմիններն արդեն իսկ առկա են մոր օրգանիզմում նախքան հղիությունը (նախորդող ռեզուս-դրական երեխայի ծնունդի, վիժման, աբորտի, դրական արյան փոխներարկման հետևանքով) կամ էլ ընթացիկ հղիության ընթացքում ընկերքի մեխանիկական վնասվածքի պատճառով այն պարագայում, եթե հակառեզուս իմունոգլոբուլին չի ներարկվել։

Փոքր հավանականություն է առաջանում նաև ամնիոցենտեզի կամ թավկենու բիոպսիայի ընթացքում։

Ի՞նչ անել ռեզուս-կոնֆլիկտը կանխելու համար

Եթե ձեր արյունը ռեզուս-բացասական է, իսկ ամուսնունը՝ ռեզուս-դրական, ապա պետք է հնարավորինս շուտ հաշվառվել կանանց կոնսուլտացիայի և սկսել հակամարմինների վերահսկումը։ Այն ենթադրում է հակամարմինների հետազոտման ամենամսյա անալիզ մինչև 32-րդ շաբաթը, ամսական երկու անգամ 32-35-րդ շաբաթում և ամենշաբաթյա հետազոտություն 35-րդ շաբաթից մինչև ծննդաբերություն։

Եթե հակամարմիններ չկան, նշանակում է ամեն բան հարթ է ընթանում և անհանգստանալու կարիք չկա։ Եթե անգամ հակամարմիններ հայտնվեն, ռեզուս-կոնֆլիկտի առաջացումը կախված կլինի դրանց խտությունից (տիտր)։ Ըստ տիտրերի բժիշկը կկարողանա որոշել կոնֆլիկտի սկիզբը և անհրաժեշտ միջոցներ ձեռք առնել։

Ծննդաբերությունից հետո որոշվում է երեխայի ռեզուս-գործոնը, եթե դրական է լինում, մորը իմունոգլոբուլին է ներարկվում հաջորդող հղիությունների ընթացքում ռեզուս-կոնֆլիկտը կանխելու նպատակով։

Այսպիսով, ռեզուս-կոնֆլիկտ կարող է առաջանալ միայն երկրորդ հղիության դեպքում, այն պարագայում, եթե կարիք է եղել և հակառեզուս իմունոգլեբուլին չի ներարկվել: Եթե առաջին հղիության ընթացքում հակամարմիններ չեն առաջացել և հակառեզուսային իմունոգլոբուլինը ժամանակին է ներարկվել, ապա հաջորդող հղիությունների ընթացքում ռեզուս-կոնֆլիկտի առաջացման հավանականությունը կտրուկ նվազում է։

Այսօր ռեզուսկոնֆլիկտային հղիության ախտորոշման և վարման, ինչպես նաև ռեզուս-կոնֆլիկտի կանխարգելման լավ մշակված մեթոդներ կան, այդ պատճառով անգամ հակամարմինների առկայությունը հղիության հակացուցում չէ։ Կարևորը մասնագետի խորհուրդներին հետևելն է։

Կեղծ հղիության նշանները

Կեղծ հղիության նշանները

Հղիության բոլոր նշաններն առկա են, իսկ ՈւՁՀ մասնագետը հետազոտությունից հետո հայտնում է, որ պտղաձուն բացակայում է։ Տարօրինա՞կ է։ Գուցե, բայց բժշկությանն այդպիսի դեպքեր հայտնի են։ Այդ կոչվում է կեղծ հղիություն․․․․

Կրծքի կաթի պահպանումը

Կրծքի կաթի պահպանումը

Որքա՞ն ժամանակ է հնարավոր սենյակային ջերմաստիճանում պահել կրծքի կաթը։ Կարելի՞ է այն սառնարանում պահել...

Սեքսը կրծքով կերակրման շրջանում

Սեքսը կրծքով կերակրման շրջանում

Մի շարք կանայք ԿԿ ֆոնին բախվում են լիբիդոյի նվազման խնդրին․․․

Օրգազմը հղիության դեպքում

Օրգազմը հղիության դեպքում

Հղիությունը չի նվազեցնում սեռական ցանկությունը, սակայն շատերը խուսափում են օրգազմից՝ մտածելով, որ այն կարող է վիժում առաջացնել...