Չիչխանի օգտակար հատկությունների մասին հայտնի հնուց։ Այն օգտագործում են ժողովրդական և պաշտոնական բժշկության, դեղագործության, կոսմետոլոգիայի ոլորտում, ինչպես նաև խոհանոցում։

Օգտակար հատկությունները

Չիչխանը բնական հակաբիոտիկ է։ Վիտամինների մեծ քանակության (А, Е, С, Р, К, նաև В խմբի վիտամիններ) շնորհիվ այն բազմավիտամինային հատապտուղ է համարվում և ցուցված է վիտամինների քրոնիկ պակասի դեպքում։

Բարձրացնում է իմունիտետը, օգնում պաշտպանվել հարբուխից։

Հրաշալի միջոց է հազի դեմ, օգնում է կոկորդի, բրոնխների և թոքերի հիվանդությունների ժամանակ։

Նվազեցնում է օնկոլոգիական հիվանդությունների առաջացման հավանականությունը։

Որպես հակաքաղցկեղային միջոց՝ օգտագործում են պտուղները, արմատներն ու տերևները։

Բարենպաստ ազդեցություն է թողնում սրտանոթային համակարգի վրա, նպաստում է անոթների պատերի ամրացմանը և արյան բաղադրության լավացմանը։

Չիչխանի թուրմը կամ չիչխանի ձեթը լավ ազդեցություն է թողնում ստամոքսաղիքային տրակտի վրա, օգնում պայքարել ստամոքսի մի շարք հիվանդությունների դեմ, լավացնում է աղիների գալարակծկանքը։

Լավ է ազդում նաև նյարդային համակարգի գործունեության վրա, օգնում է հանգստանալ։ Բարենպաստ ազդեցություն է թողնում տեսողության օրգանների վրա, օգնում է կանխել կամ բուժել աչքի մի շարք հիվանդություններ։

Օգնում է օրգանիզմն ազատել ճառագայթահարումից։

Չիչխանը մեծացնում է տղամարդանց պոտենցիան։

Պաշտպանում է ծերացումից, երիտասարդացնում է մաշկը։

Լայնորեն օգտագործվում է կոսմետոլոգիայում։ Դրանից պատրաստված դիմակներն ու կեմպրեսները լավացնում են մաշկի գույնը, սնում են, ձգում մաշկը և նպաստում փոքրիկ վնասվածքների ապաքինմանը։

Հակացուցումները

Հնարավոր է, որ ալերգիկ ռեակցիա առաջացնի, եթե անհատապես չեք կարողանում մարսել այն։ Հակացուցված է լյարդի, ենթաստամոքսային գեղձի և լեղապարկի, ինչպես նաև միզաքարային հիվանդության դեպքում։