Մարդը, ում համար առաջնայինը գումարն է, ավելի դժվար է կարողանում իրեն հետ պահել ավելորդ գնումներ կատարելուց։

Այս եզրակացության է հանգել Հելգա Դիտմարը, ով Մեծ Բրիտանիայի Սասեքսի համալսարանի գիտաշխատող է և ուսումնասիրել է գնումներ կատարելու անդիմադրելի ձգտման երևույթը։

Հարցում անցկացնելով հարյուրավոր տղամարդկանց և կանանց շրջանում՝ նա պարզել է, որ որոշ շոփահոլիկներ՝ գնումներ կատարելու մոլուցք ունեցողներ, այդ կերպով փորձում են հաղթահարել ներքին հակասությունները․ նրանց թվում է, թե ձեռք բերած իրերը իրենց մոտեցնում են իրենց կատարյալ «ես» կերպարին։

Պարզվել է նաև, որ գնումներ կատարելու կախվածության գլխավոր նախապայմանը մարդու արժեքային համակարգն է, ավելի կոնկրետ՝ նյութական հարստության վրա կենտրոնացումը։