Ինչպես հայտնում է dailymail.co.uk -ը, Կալիֆորնիայի բժշկական կենտրոններից մեկում երեխան լույս աշխարհ է եկել դեռևս չպատռված պտղապարկում՝ կեսարյան հատման եղանակով։ Այս երևույթը խիստ հազվադեպ է հանդիպում՝ 1:80.000 հարաբերությամբ։ Սովորաբար պտղապարկը պատռվում է նախքան ծննդաբերությունը, երբ «ջրերը գնում» են, կամ էլ բժիշկն ինքն է պատռում այն կեսարյան հատման ժամանակ։ 

Փոքրիկը՝ Սիլաս Ֆիլիպսը, ծնվել է 26 շաբաթականում՝ երեք ամիս շուտ։ Բժիշկները ցնցվել էին՝ տեսնելով, որ նա դեռևս իր պտղապարկում է։ Նրանք նշում են, որ երեխայի ծնվելուց հետո պտղապարկի անվնաս մնալու հավանականությունը ծայրահեղ փոքր է լինում։ 

Ավելի վաղ անդրադարձել էինք նմանատիպ մեկ այլ դեպքի, որի մասին հոդվածը կարող եք կարդալ այստեղ՝ Շապիկով ծնվածը։