Արդեն իսկ հղի կինը կարող է կրկին հղիանալ: Այս երևույթը բժշկության մեջ կոչվում է կրկնակի հղիություն (սուպերֆետացիա) և բավականին հազվադեպ է հանդիպում:

Բժիշկներն այսպիսի դեպքերը երբեմն հայտնաբերում են, երբ երկվորյակի ծնվելուց հետո երկրորդ երեխան թերհաս տեսք է ունենում: Հետազոտություններից հետո հնարավոր է որոշել երեխաներից յուրաքանչյուրի բեղմնավորման օրը: Երբեմն տարբերությունը հասնում է 3-4 շաբաթի:

1960 թվականին Բալտիմորի (ԱՄՆ) հիվանդանոցներից մեկում երկվորյակ տղա է լույս աշխարհ եկել, որոնց բեղմնավորման միջև մի ամբողջ երկու ամիս է ընկած եղել:

2007 թվականին Միացյալ Թագավորությունում Ամելիա Սպենսը լույս աշխարհ է բերել երկվորյակի, ովքեր բեղմնավորվել են 3 շաբաթ տարբերությամբ: 

Իսկ 2009 թվականին ամերիկուհի Ջուլիա Գրովենբուրգը կեսարյան հատման միջոցով լույս աշխարհ է բերել երկու առողջ երեխայի, որոնց բեղմնավորումը կատարվել է 2.5 շաբաթ տարբերությամբ:

Տեսականորեն ձվազատման տարբեր ժամկետների ձվաբջիջների բեղմնավորումը հնարավոր է, սակայն քիչ է պատահում, որ երեխաները բարեհաջող լույս աշխարհ գան: