Կնոջ վերարտադրողական առողջությունը պահանջում է ոչ միայն բուժում, այլև շարունակական կանխարգելում և իրազեկվածություն։ Կլինիկական պրակտիկայում հաճախ հանդիպում են իրավիճակներ, երբ հիվանդները դիմում են արդեն բարդացած փուլում, մինչդեռ նույն խնդիրը հնարավոր էր վաղ փուլում հայտնաբերել և արդյունավետ վերահսկել։

Կանխարգելիչ բժշկության կարևորությունը
Պարբերական գինեկոլոգիական զննությունը (տարեկան առնվազն մեկ անգամ) թույլ է տալիս վաղ հայտնաբերել այնպիսի պաթոլոգիաներ, ինչպիսիք են արգանդի վզիկի նախաքաղցկեղային փոփոխությունները, էնդոմետրիալ հիպերպլազիան, միոմատոզ հանգույցները կամ ձվարանային գոյացությունները։

ՊԱՊ-թեստը և HPV սկրինինգը ունեն առաջնային դեր արգանդի վզիկի քաղցկեղի կանխարգելման մեջ։

Ախտանշաններ, որոնք չի կարելի անտեսել

• Անկանոն կամ միջցիկլային արյունահոսություններ
• Ցավ սեռական հարաբերության ժամանակ (դիսպարեունիա)
• Քրոնիկ կոնքային ցավ
• Արտադրության փոփոխություն՝ հոտ, գույն, քանակ
• Դաշտանային ցիկլի խանգարումներ

Այս ախտանշանները կարող են վկայել ինչպես բորբոքային, այնպես էլ հորմոնալ կամ օրգանական խնդիրների մասին։

Ինքնաբուժման վտանգները
Հակաբիոտիկների կամ հորմոնալ դեղերի ինքնուրույն օգտագործումը հաճախ հանգեցնում է կլինիկական պատկերի «քողարկմանը», ինչը բարդացնում է ախտորոշումը և կարող է նպաստել քրոնիկացմանը։

Կնոջ առողջության պահպանման հիմքում ընկած է պարբերական հսկողությունը, ճիշտ տեղեկատվությունը և բժշկի հետ համագործակցությունը։