8 միֆ աուտիզմի մասին

8 միֆ աուտիզմի մասին

Միֆ 1. Աուտիզմը հիվանդություն է։ Ոչ, սա հիվանդություն չէ, այլ զարգացման հատկանիշ՝ կապված կենտրոնական նյարդային համակարգի խանգարման հետ։

Միֆ 2. Աուտիզմը հազվադեպ հիվանդություն է Աուտիզմը զարգացման ամենատարածված խանգարումն է։ Համաձայն ԱՄՆ-ի Հիվանդությունների վերահսկման և կանխարգելման կենտրոնի վերջին տվյալների՝ աուտիզմի սպեկտրի խանգարումներ (ASD) հանդիպում են 44 երեխայից մեկի մոտ։ Ավելին, տղաները ավելի հաճախ են ենթարկվում նման խանգարումների, քան աղջիկները:

Միֆ 3. Աուտիզմ ունեցող բոլոր մարդիկ ունեն հանճարեղ ունակություններ: Դա այդպես չէ։ Իրականում աուտիզմով մարդիկ շատ տարբեր են։ Ուստի ընդունված է հատկապես խոսել աուտիզմի սպեկտրի խանգարումների մասին, ինչը ենթադրում է ախտանիշների տարբեր աստիճանի ծանրություն։ ASD ունեցող որոշ մարդիկ կարողանում են ուշադրություն դարձնել ամենափոքր դետալներին և կարող են տեսողական ու տեքստային տեղեկատվությունը շատ ավելի արագ մշակել, քան մյուս մարդիկ: Նրանցից ոմանք սկսում են կարդալ նախքան խոսել սովորելը: Մյուսները լուրջ դժվարություններ ունեն սոցիալական հարմարվողականության և սովորելու հարցում:

Միֆ 4. Աուտիզմով երեխաները չեն կարող սովորել սովորական դպրոցում: Այսօր հատուկ կարիքներով ցանկացած երեխա իրավունք ունի ունենալ ներառական կրթություն, որը ներառում է սովորել և հաղորդակցվել սովորական զարգացող հասակակիցների հետ: Աուտիզմով երեխաները մեծանում են, նրանց վարքն ու կարիքները փոխվում են ճիշտ այնպես, ինչպես առանց այս ախտորոշման երեխայի վարքն ու կարիքները:

Միֆ 5. Պատվաստումները առաջացնում են աուտիզմ։ ԱՀԿ-ի, ԱՄՆ Առողջապահության և մարդկային ծառայությունների դեպարտամենտի, «Ընտանեկան բժշկության» ամերիկյան ակադեմիայի և «մանկաբուժության ամերիկյան ակադեմիայի» հետազոտությունները ցույց են տալիս, որ ոչ մի պատվաստանյութ չի մեծացնում աուտիզմի հավանականությունը: Նույնիսկ պատվաստված և չպատվաստված երեխաներ ունեցող ընտանիքներում աուտիզմը հանդիպում է նույն հաճախականությամբ։ Ապացուցված է նաև, որ պատվաստանյութերը չեն ազդում աուտիզմի ծանրության կամ զարգացման հետագծի վրա և չեն ազդում աուտիզմի ախտանիշների վրա։

Միֆ 6. Աուտիզմը ոչ պատշաճ դաստիարակության հետևանք է։ Այս տեսությունը ի հայտ եկավ Երկրորդ համաշխարհային պատերազմից հետո, երբ հոգեբանները ուսումնասիրում էին ծնող-երեխա վաղ շրջանի հարաբերությունները: Սակայն այս մտքերը չեն հաստատվել։ Այս տեսությունը հերքվում է նաև իրական կյանքում. հիանալի ընտանեկան հարաբերություններ ունեցող ծնողների մեծ թվով երեխաներ ունեն աուտիզմ և հակառակը։ Աուտիզմի սպեկտրի խանգարման ճշգրիտ պատճառները դեռևս անհայտ են։ Բայց խանգարման գենետիկ բնույթը հաստատված է՝ մարդիկ ծնվում են աուտիզմով, արտաքին ազդեցությունների պատճառով այն չի առաջանում։

Միֆ 7. Եթե աուտիզմ ունեցող երեխան խոսում է, ուրեմն բոլոր խնդիրները վերանում են: Աուտիզմը միայն խոսքի դժվարությունը չէ․ այն առաջին հերթին ենթադրում է շփման դժվարություն։ Այսինքն, կարևոր է ոչ թե երեխայի արտասանած խոսքերի քանակը, այլ թե որքանով է նա կարողանում վարել երկխոսություն։

Միֆ 8 Աուտիզմը հնարավոր է բուժել կենդանիների հետ թերապիայի կամ «կախարդական հաբեր»-ի միջոցով։ Ներկա պահին չկա որևէ դեղամիջոց աուտիզմի դեմ։ Կան թերապիաներ, որոնք պարզապես օգնում են մասամբ։

 

Բաժանորդագրվեք նաև մեր․ Տելեգրամյան ալիքին , Ֆեսբուքյան էջին, Ինստագրամյան էջին, Յութուբյան ալիքին

Ո՞ր մթերքներն են ստիպում ավելի շատ ուտել և գիրանալ

Ո՞ր մթերքներն են ստիպում ավելի շատ ուտել և գիրանալ

Հաճախ կարող եք լսել, որ երբ խոսքը վերաբերում է նիհարելուն և քաշը պահպանելուն, ամենակարևորը կալորիաների ընդհանուր քանակն է, այլ ոչ թե դրանց աղբյուրը

5 միֆ սեռական կյանքի մասին դաշտանադադարի ժամանակ, որոնք վնասակար են ձեր առողջության և հարաբերությունների համար

5 միֆ սեռական կյանքի մասին դաշտանադադարի ժամանակ, որոնք վնասակար են ձեր առողջության և հարաբերությունների համար

Դաշտանադադարը դաշտանային ցիկլի բնական դադարեցումն է

Ինչպես իջեցնել կորտիզոլի մակարդակը՝ ավելի երկար և լավ ապրելու համար

Ինչպես իջեցնել կորտիզոլի մակարդակը՝ ավելի երկար և լավ ապրելու համար

Կորտիզոլը մարդու առաջնային գլյուկոկորտիկոիդ հորմոնն է, որն արտադրվում է մակերիկամի կեղևում և կարգավորում է մարմնի արձագանքը սթրեսին

Առաջին բուժօգնությունը գերսառեցման դեպքում

Առաջին բուժօգնությունը գերսառեցման դեպքում

Հիպոթերմիան մի վիճակ է, երբ մարդը կորցնում է ավելի շատ ջերմություն, քան կարող է արտադրել, և նրա մարմնի ջերմաստիճանն իջնում է 35 °C-ից