Ինչո՞ւ է հարկավոր հանձնել մեզի ընդհանուր հետազոտություն (անալիզ)

Ինչո՞ւ է հարկավոր հանձնել մեզի ընդհանուր հետազոտություն (անալիզ)


Մեզի ընդհանուր հետազոտության միջոցով հնարավոր է հայտնաբերել շաքարախտը, միզուղիների և լյարդի հիվանդությունները: Ուսումնասիրության ընթացքում մեզի պարունակության մեջ փնտրվում են նյութեր կամ բջիջներ, որոնք ցույց են տալիս խնդիրների առկայությունը օրգանիզմում։


Ինչպե՞ս նախապատրաստվել մեզի ընդհանուր վերլուծությանը


Նախապատրաստումը սկսվում է նախորդ օրը. փորձեք չուտել մթերքներ, որոնք կարող են մեզին կարմրավուն կամ նարնջագույն երանգ հաղորդել, մի օգտագործեք ալկոհոլ, թեյ և սուրճ: Խորհուրդ չի տրվում նաև խմելու միզամուղներ, մարզվել կամ այցելել շոգեբաղնիք:


Ինչպե՞ս հավաքել մեզը, որպեսզի հետազոտության արդյունքները ճշգրիտ լինեն
Խորհուրդ է տրվում մեզից նմուշ վերցնել առավոտյան, որպեսզի նորմայից շեղումները ավելի ակնհայտ լինեն:
Իսկ առավել ճշգրիտ արդյունքներ ստանալու համար հարկավոր է նախապես լվանալ արտաքին սեռական օրգանները, իսկ նմուշը վերցնել ոչ առաջնային մեզից։


Մեզի նմուշը պետք է հանձնել լաբորատորիա մեկ ժամվա ընթացքում, իսկ եթե ժամանակ չկա, ապա դնել այն զով տեղում:


Ինչպե՞ս վերծանել մեզի ընդհանուր հետազոտության արդյունքները


Տվյալները ցույց են տալիս տարբեր չափումներ.


Գույն
Սովորաբար, մեզի գույնը լինում է վառ դեղին, իսկ շեղումների դեպքում երանգը փոխվում է: Օրինակ՝ շագանակագույն երանգը վկայում է, որ մարդն ունի լյարդի հետ կապված խնդիրներ։


Թափանցիկություն
Եթե ամեն ինչ կարգին է, այն պետք է լինի թափանցիկ: Բակտերիաները, աղը կամ լորձը կարող են խաթարել թափանցիկությունը:


Հոտ
Առողջ մարդկանց մեզը գրեթե հոտ չունի: Ացետոնի հոտ կարող է հայտնվել շաքարախտի դեպքում, ամոնիակի հոտ՝ ցիստիտի, տուբերկուլյոզի կամ ուռուցքային հիվանդությունների դեպքում։


Հարաբերական խտություն
Ցույց է տալիս մեզի մեջ լուծված նյութերի համակենտրոնացումը, ինչպիսիք են աղերը: Այս տվյալները ցույց են տալիս, թե որքան լավ են գործում երիկամները:


Թթվայնություն (pH)
Ցույց է տալիս մեզի մեջ առկա թթուների մակարդակը: 5.0-ից 7.0-ի սահմանը նորմալ է համարվում: Շեղումներ են հայտնվում երիկամների կամ միզուղիների հիվանդությունների դեպքում։


Սպիտակուց
Սովորաբար, մեզի մեջ գտնվող սպիտակուցային մոլեկուլի՝ ալբումինի քանակը կամ իսպառ բացակայում է, կամ շատ քիչ է՝ մեկ լիտրում 0,140 գրամ: Իսկ բարձր արժեքը կարող է վկայել երիկամների հիվանդության մասին:


Գլյուկոզա (շաքար)
Սովորաբար մեզի նմուշներում այնքան քիչ գլյուկոզա կա, որ դա հնարավոր չէ հայտնաբերել: Իսկ եթե հայտնաբերվում է, ուրեմն առկա է շաքարախտ։


Կետոնյան մարմիններ
Սովորաբար, դրանք չպետք է լինեն նմուշում: Նրանք կարող են հայտնվել հղիության, առանց ածխաջրերի սննդակարգի դեպքում, իսկ մնացած դեպքերում վկայում են շաքարախտի մասին։


Բիլիրուբին
Սա կարմիր արյան բջիջների քայքայման արդյունք է: Սովորաբար այն վերամշակվում է լյարդի կողմից, որից հետո դառնում է լեղիի մի մաս:


Բիլիրուբինը չպետք է առկա լինի մեզի մեջ, այլապես կարող է վկայել լյարդի հիվանդության մասին:


Ուրոբիլինոգեն
Սա բիլիրուբինի վերականգնման արտադրանքն է: Դրա մեծ մասը դուրս է գալիս կղանքի հետ, իսկ մնացածը՝ մեզի: Թույլատրելի արժեքներն են ` 0.2-ից 1.0: Մեծ քանակը կարող է վկայել հեպատիտի, ցեռոզի, հեմոլիտիկ անեմիայի և աղիքային հիվանդությունների մասին:


Լեյկոցիտներ
Լեյկոցիտների բարձր պարունակությունը մեզի մեջ կոչվում է լեյկոցիտուրիա: Դա կարող է լինել երիկամների բորբոքման կամ միզուղիների հիվանդության նշան:


Լեյկոցիտարային էստերազա և նիտրիդներ

Առողջ մարդկանց մեզը չի պարունակում նիտրիդներ։ Այս նյութերի ներկայությունը կարող է վկայել միզուղիների վարակի մասին:


Հարթ Էպիթելիում
Այս բջիջները թափանցում են մեզի մեջ արտաքին սեռական օրգաններից և միզուղիներից: Սովորաբար, այս ցուցանիշը չպետք է լինի 5-ից ավելի։
Տղամարդկանց մոտ էպիթելիումը մեզի մեջ երբեմն հայտնվում է միզուղու բորբոքման դեպքում:


Երիկամային էպիթելիում
Սովորաբար հայտնաբերվում են դրա բջիջները: Եթե դրանք առկա են մեզի մեջ, ապա կարող է վկայել թունավորման, վարակի կամ երիկամների խնդիրների մասին։


Արյան կարմիր բջիջներ
Առողջ մարդկանց մեզի մեջ հայտնաբերվում է մինչև 2 էրիթրոցիտ, իսկ ավելի դեպքում ենթադրվում է երիկամների, արյան հիվանդությունների կամ միզապարկի քաղցկեղի հետ կապված խնդիրների առկայություն:


Բակտերիաներ և սնկեր
Նորմայում դրանք չպետք է լինեն: Երբեմն դրանք հայտնվում են միզուղիների վարակի պատճառով:


Աղեր
Եթե մեզի մեջ աղեր չկան, ուրեմն ամեն ինչ կարգին է, այլապես դրանք կարող են վկայել երիկամների քարերի մասին:


Լորձ
Առողջ մարդկանց մեզի մեջ չկա լորձ, այլապես դրա առկայությունը կարող է վկայել միզուղիների բորբոքման մասին:


Ի՞նչ անել, եթե մեզի ընդհանուր վերլուծության մեջ կան շեղումներ

Չի կարելի արդյունքների վրա հիմնվելով զբաղվել ինքնաբուժությամբ։ Խորհրդակցեք բժշկի հետ և լիարժեք բուժում ստացեք։

 Աղբյուրը
 
Բաժանորդագրվեք նաև մեր․ Տելեգրամյան ալիքին , Ֆեսբուքյան էջին, Ինստագրամյան էջին, Յութուբյան ալիքին
 

Ի՞նչ է հակաբեղմնավորիչ « ներարկումը»

Ի՞նչ է հակաբեղմնավորիչ « ներարկումը»

Դեպոն (AKA Depo-Provera) ներարկում է, որը դուք ստանում եք 3 ամիսը մեկ անգամ

Ներարգանդային պարույր

Ներարգանդային պարույր

Ի՞նչ է ներարգանդային պարույրը

Ինչ է Կվինկեի այտուցը և ինչպես կանխել այն

Ինչ է Կվինկեի այտուցը և ինչպես կանխել այն

Ե՞րբ է անհրաժեշտ շտապ օգնություն կանչել

Ինչ անել, եթե անընդհատ հոգնածություն եք զգում

Ինչ անել, եթե անընդհատ հոգնածություն եք զգում

Յուրաքանչյուր մարդ ժամանակ առ ժամանակ հոգնում է։