Ինչպե՞ս է մագնեզիումն ազդում նյարդային համակարգի վրա
Ինչպե՞ս է մագնեզիումն ազդում նյարդային համակարգի վրա
Մեր օրգանիզմում առկա է մոտ 25 գ մագնեզիում: Այս տարրը շատ կարևոր դեր ունի. մասնակցում է ավելի քան 300 ֆերմենտների ձևավորմանը, կարգավորում է նյարդային ազդակների փոխանցումը, հանդես է գալիս որպես բջիջների աճի կարգավորիչ, մասնակցում է մկանների թուլացմանը և այլն։ Մագնեզիումն օրգանիզմ է ներթափանցում սննդի միջոցով: Այս տարրով հարուստ մթերքներն են՝ ընկույզ, ավոկադո, դառը շոկոլադ, բլղուր, բանան, թուզ: Սակայն չհավասարակշռված սննդակարգ ունենալու դեպքում մագնեզիումը չի կարողանում ներծծվել, ինչը հանգեցնում է մագնեզիումի պակասի:
Մագնեզիումի պակասի հիմնական ախտանիշներն են՝
• ջղաձգություն,
• անքնություն,
• դյուրագրգռություն,
• հիշողության վատթարացում,
• էներգիայի պակաս,
• մշտական հոգնածություն,
• ապատիա:
Կան կյանքի որոշ ժամանակահատվածներ, երբ օրգանիզմին շատ է անհրաժեշտ մագնեզիում. հղիություն, երկարատև հուզական սթրես, լարվածություն: Նման դեպքերում հարկավոր է ընդունել մագնեզիում։
Ի՞նչ է անգլիական աղը և ինչպե՞ս կարող է այն օգնել մագնեզիումի պակասի դեպքում: Անգլիական աղը բնական միներալ է, որը բաղկացած է մագնեզիումից, ծծումբից, ջրից և թթվածնից:
Այն ցուցված է նյարդային համակարգի գործառույթի խանգարման, անքնության և դյուրագրգռության դեպքում։ Մագնեզիումի աղով լոգանքները ցուցված են նաև նյութափոխանակության խանգարման, օրգանիզմի թունավորման, դեպրեսիայի և միզասեռական համակարգի հիվանդությունների դեպքում:
Աղբյուրը
Բաժանորդագրվեք նաև մեր․ Տելեգրամյան ալիքին , Ֆեսբուքյան էջին, Ինստագրամյան էջին , Յութուբյան ալիքին