Հղիության 4-րդ շաբաթ

Հղիության 4-րդ շաբաթ

Պտղի զարգացումը

Հղիության չորրորդ մանկաբարձական շաբաթից է, որ պտուղն սկսում է որոշակի փոփոխություններ կրել։ Ունենում է առավելագույնը 1մմ երկարություն և 0.36 մմ լայնություն։ Այդ փուլում են ձևավորվում ընկերքն ու պտղաջուրը։

Զարմանալի է, բայց հենց այդ շաբաթում է սկսում ձևավորվել ապագա փոքրիկի գլուխը։ Առանձնացվում է երեք հիմնական շերտ՝ էկտոդերմա, էնդոդերմա և մեզոդերմա։ Հենց դրանք են ուղղակիորեն ազդում ուղեղի, վահանագեղձի և ենթաստամոքսային գեղձի, արյան, մկանների և կմախքի կազմավորման վրա։

Բեղմնավորումից 7 օր հետո սկսվում է իմպլանտացիան՝ սաղմի ներդրումն արգանդի պատի մեջ: Անջատվում են արգանդի լորձաթաղանթն ու անոթները քայքայող հատուկ խմորիչներ (ֆերմենտներ): Իմպլանտացիայի ժամանակ սաղմն ամբողջովին խրվում է արգանդի լորձաթաղանթի մեջ:

Իմպլանտացիայի շրջանը սաղմի զարգացման առաջին ճգնաժամային փուլն է, տևում է մոտ 40 ժամ: 7-ից մինչև 14-րդ օրն ակտիվորեն ձևավորվում են սաղմի զարգացման համար անհրաժեշտ պայմաններն ապահովող արտասաղմնային օրգանները (խորիոն, ամնիոն, դեղնուցապարկ):

Հղիության նշանները

Եթե դաշտանն ուշանում է, կարելի է վստահաբար թեստ անցկացնել, որն 98% ճշտությամբ արդյունք ցույց կտա։ Գինեկոլոգը կարող է հետևել արգանդի պարանոցի գույնի և կառուցվածքի փոփոխություններին, թեև միանշանակ եզրահանգման գալ հնարավոր չի լինի։

Զգացողությունները

Չորրորդ շաբաթում կինը դեռևս զգալի փոփոխություններ չի զգում օրգանիզմում (զգում է միայն բարձր զգայունակության դեպքում), իսկ զգացածն էլ հաճախ շփոթում է նախադաշտանային համախտանիշի հետ։

Հղիության չորրորդ շաբաթը կարող է ուղեկցվել որովայնի ստորին հատվածի ձգող բնույթի ցավով, կրծքի զգայունությամբ, տրամադրության անկմամբ, համերի և հոտերի հանդեպ զգայունակության փոփոխությամբ։

Հարց ու պատասխան նոր կորոնավիրուսային վարակի, հղիության, ծննդաբերության և կրծքով կերակրման վերաբերյալ

Հարց ու պատասխան նոր կորոնավիրուսային վարակի, հղիության, ծննդաբերության և կրծքով կերակրման վերաբերյալ

ՔՈՎԻԴ-19-ից խուսափելու համար հղիության ընթացքում կանայք պետք է ձեռնարկեն միևնույն նախազգուշական միջոցները, ինչ մյուս ....

Ալկոհոլը կրծքով կերակրման ընթացքում

Ալկոհոլը կրծքով կերակրման ընթացքում

Լակտացիայի շրջանում ալկոհոլի օգտագործումը քիչ ուսումնասիրված հարց է։ Մայրիկները հաճախ են լսում հակասական խորհուրդներ, թե ինչպես է ազդում ալկոհոլը երեխայի վրա․․․

Ցիստիտը հղիության ընթացքում

Ցիստիտը հղիության ընթացքում

Հղիության ընթացքում ցիստիտի դեպքում դեղամիջոցների և անգամ որոշ խոտաբույսերի ընդունումն արգելվում է, քանի որ ոչ բոլորն են բարենպաստ ազդեցություն թողնում երեխայի առողջության վրա․․․

Մագնիումի դերը հղիության ընթացքում

Մագնիումի դերը հղիության ընթացքում

Մագնիումի պակասն առանձնահատուկ զգացվում է հղիության շրջանում, քանի որ այն մասնակցում է փոքրիկի պրակտիկորեն բոլոր օրգանների կազմավորմանը և․․․․