Ի՞նչ է պետք իմանալ վագինիզմի մասին

Ի՞նչ է պետք իմանալ վագինիզմի մասին

Վագինիզմը կոնքային հատակի մկանների ոչ կամածին կրճատումն է: Վագինիզմը կարող է ցավոտ, դժվար կամ անհնար դարձնել սեռական հարաբերությունը, գինեկոլոգիական զննումը և նույնիսկ տամպոնի օգտագործումը: Կարևոր փաստեր վագինիզմի մասին Գոյություն ունեն վագինիզմի արտահայտման տարբեր ձևեր, և բոլոր հիվանդներն ունենում են տարբեր ախտանիշներ: Ցավը կարող է տարբեր լինել՝ մեղմից մինչև բավականին ուժգին, և կարող է առաջացնել տարբեր զգացողություններ:

Վագինիզմը կարող է լինել հուզական ցնցումների, բժշկական խնդիրների կամ դրանց համադրության արդյունք: Բուժումը, որը ներառում է բժշկական և հոգեբանական բաղադրիչներ, սովորաբար արդյունավետ է: Վ

ագինիզմի տեսակները

Առաջնային վագինիզմ

Սա բնածին երևույթ է, որի դեպքում ցավը միշտ առկա է:

Տամպոնների օգտագործումը և գինեկոլոգիական հետազոտությունը սարսափելի ցավոտ են: Կանայք հիմնականում կռահում են այս երևույթի առկայության մասին սեռական հարաբերություն վարելու առաջին փորձի ընթացքում, երբ հեշտոցի ներհրումն անհնար է լինում։

Երկրորդական վագինիզմ

Վագինիզմի այս տեսակն առաջանում է արդեն նորմալ սեռական կյանքի ընթացքում: Այն սովորաբար ծագում է որոշակի իրադարձությունների պատճառով, ինչպիսիք են՝ վարակը, դաշտանադադարը, վնասվածքը, գինեկոլոգիական հիվանդությունը, վիրաբուժական կամ ծննդաբերական խնդիրները:

Ընդհանուր վագինիզմ

Վագինիզմը միշտ առկա է: Դեպի հեշտոց ինչ-որ բան ներհրելու ցանկացած փորձ առաջացնում է սպազմ և ուժգին ցավ: Իրավիճակային վագինիզմ Դա տեղի է ունենում միայն որոշակի իրավիճակներում: Կարող է առաջանալ սեռական հարաբերության ժամանակ, բայց ոչ գինեկոլոգիական հետազոտությունների կամ տամպոնի ներդրման ժամանակ:

Պատճառները

Վագինիզմը երևույթ է, որը կարող է առաջանալ ֆիզիկական կամ հուզական սթրեսի պատճառով:

Հոգեբանական պատճառներն են՝

• Վախ հնարավոր ցավից կամ հղիությունից, մտահոգություն սեռական գործընթացի մասին,

• կյանքի տրավմատիկ իրադարձություններ՝ ներառյալ բռնաբարությունը,

Ֆիզիկական պատճառներն են՝

• վարակների առկայություն, ինչպիսիք են՝ միզուղիների ինֆեկցիան, սնկային վարակը, քաղցկեղը,

• բնական ճանապարհով ծննդաբերությունը,

• դաշտանադադարը,

• հեշտոցի պլաստիկ վիրահատությունը,

• անբավարար հեշտոցային արտադրությունը՝ խոնավեցման համար,

• դեղորայքի կողմնակի ազդեցությունները:

Բուժումը Վագինիզմի ախտորոշման համար բժիշկը պետք է նախ ուսումնասիրի պացիենտի հիվանդության պատմությունը և իրականացնի հետազոտություններ:

Բուժումը ներառում է տարբեր թերապիաներ՝ կախված վագինիզմի առաջացման պատճառից։

-Մանրամասների կամ գրանցման համար կարող եք զանգահարել (096) 176 176 հեռախոսահամարով:

-Հասցեն՝ Բժշկական գենետիկայի և առողջության առաջնային պահպանման կենտրոն, Աբովյան 34/3:

 

Աղբյուրը
 
Բաժանորդագրվեք նաև մեր․ Տելեգրամյան ալիքին , Ֆեսբուքյան էջին, Ինստագրամյան էջին , Յութուբյան ալիքին
 
 
 
 
 
 
 
 
 
 
 

Հեշտոցի նեղացում հիալուրոնաթթվի օգնությամբ (ներարկման եղանակով)

Հեշտոցի նեղացում հիալուրոնաթթվի օգնությամբ (ներարկման եղանակով)

Այսօր բավականին մեծ տարածում ունեն ինտիմ երիտասարդացման համար կիրառվող հիալուրոնաթթվի հիմք ունեցող ֆիլլերները։

Օրգազմի վերականգնում. G կետի մեծացում

Օրգազմի վերականգնում. G կետի մեծացում

Ինտիմ պլաստիկան բժշկության մեջ մեծ պահանջարկ ունեցող ուղղություն է, որի նպատակն է վերացնել ֆիզիոլոգիական և էսթետիկ թերությունները:

Օրգազմի բացակայություն

Օրգազմի բացակայություն

Օրգազմի բացակայությունը սեռական հարաբերություններում առկա շատ տարածված խնդիր է, որը հանդիպում է տարբեր տարիքի կանանց մոտ: Հիմնական ախտանիշը՝ օրգազմի բացակայությունն է:

PRP թերապիա կանանց համար

PRP թերապիա կանանց համար

PRP եզրույթը ձևավորվել է «Platelet Rich Plasma» արտահայտության սկզբնատառերից, ինչը թարգմանաբար նշանակում է՝ թրոմբոցիտներով հարուստ պլազմա