Ինչպես ճիշտ հագնել սեղմող գուլպաներ

Ինչպես ճիշտ հագնել սեղմող գուլպաներ


Կոմպրեսիոն գուլպաներն առաձգական են՝ հատուկ ամուր տրիկոտաժից կարված:

Դրանք հագնում են ոտքերի այտուցը նվազեցնելու, արյան շրջանառությունը բարելավելու, վարիկոզի ժամանակ երակներին օժանդակելու և թրոմբոզի ռիսկը նվազեցնելու համար։ Կան տարբեր աստիճանի սեղմում ունեցող գուլպաներ:

Միայն բժիշկը կարող է ընտրել գուլպայի տեսակը՝ ելնելով այն խնդրից, որը ցանկանում եք լուծել։

Այն, ինչ պետք է իմանալ նախքան սեղմող գուլպաներ օգտագործելը

Ահա մի քանի պարզ խորհուրդներ.

• Ձեռքով լվացեք գուլպաներն անմիջապես գնելուց հետո: Այն կդարձնի տրիկոտաժն ավելի նուրբ և առաձգական:

• Միանգամից գնեք երկու զույգ, եթե կարող եք, որպեսզի մի զույգը լվանալու դեպքում կրեք մյուսը։

Գուլպաները չի կարելի խոնավ հագնել, այլապես կձգվեն:

• Գուլպաները դրեք մահճակալի մոտ, որպեսզի արթնանալուն պես հագնեք։ Այդ ժամանակ ոտքերը նվազագույն չափով են այտուցված լինում։

• Ուշադիր եղեք, որպեսզի ձեռքի և ոտքի եղունգները չվնասեն տրիկոտաժը։

• Հեռացրեք զարդերը ձեր մատներից:

Եթե կարող եք, գնեք հատուկ ձեռնոցներ սեղմող տրիկոտաժի համար: Դրանք վաճառվում են դեղատներում և ավելի հեշտ են դարձնում գուլպաներ հագնելու գործընթացը:

• Գուլպաներն ավելի հեշտ հագնելու համար կարող եք նախապես ոտքերի մաշկի համար օգտագործել հատուկ սիլիկոնային լոսյոն: Նման միջոցները վաճառվում են դեղատներում և օգնում են, որ տրիկոտաժը հեշտ սահի մաշկի վրայով։

• Եթե ինչ-ինչ պատճառներով չեք կարողացել առավոտյան հագնել գուլպաները, ապա օրվա ընթացքում՝ նախքան հագնելը, փորձեք նվազեցնել այտուցը:

Պարզապես պառկեք 5-10 րոպե՝ ոտքերը բարձրացնելով սրտի մակարդակից վեր, դրանք դնելով բարձի կամ բազմոցի վրա:

 

Աղբյուրը
 
 
 Բաժանորդագրվեք նաև մեր․ Տելեգրամյան ալիքին , Ֆեսբուքյան էջին, Ինստագրամյան էջին , Յութուբյան ալիքին

Գրիպը քրոնիկ հիվանդությունների ժամանակ

Գրիպը քրոնիկ հիվանդությունների ժամանակ

Գրիպի ֆոնի վրա գրեթե ցանկացած քրոնիկ հիվանդություն ակտիվանում է՝ վատթարացնելով անձի առողջական վիճակը, որը կարող է հանգեցնել մինչև իսկ մահվան

Հարբեցողություն

Հարբեցողություն

Ալկոհոլի անվտանգ չափաբաժնի մասին ուսումնասիրությունները վկայում են, որ ֆիզիոլոգիայի տեսանկյունից այն գոյություն չունի: Սակայն հարկ է նշել, որ ալկոհոլն ազդում է նաև հոգեվիճակի վրա

Սրտի հիվանդությունները մեծացնում են դեմենցիայի առաջացման վտանգը

Սրտի հիվանդությունները մեծացնում են դեմենցիայի առաջացման վտանգը

Ձախ նախասրտի կառուցվածքային փոփոխությունները մեծացնում են դեմենցիայի առաջացման հավանականությունը, նույնիսկ եթե հիվանդները չունեն սրտի գործառույթի խանգարումներ

Վտանգավոր պահածոներ

Վտանգավոր պահածոներ

 Ինչո՞ւ խորհուրդ չի տրվում տնային պայմաններում պահածոյացնել միսը, ոլոռը և եգիպտացորենը