Ինչու է անհրաժեշտ բողկը ներառել սննդակարգում

Բողկը C վիտամինի հարուստ աղբյուր է (մեկ բաժակ հում բողկը պարունակում է օրական նորմայի մոտ 30 %-ը), որն անհրաժեշտ է օրգանիզմին մի շարք նպատակներով՝ սկսած երիտասարդության սպիտակուցի՝ կոլագենի արտադրությունից մինչև վիրուսներից և ախտածին մանրէներից պաշտպանում: Բացի այդ, բողկն ունի B խմբի որոշ վիտամիններ, կալիում, կալցիում, մագնեզիում և երկաթ։

Ընթերցեք նաև՝ Ինչով է օգտակար սմբուկը

Օգնում է վերահսկելու արյան շաքարը

Բողկի մեջ առկա քիմիական միացությունները կանխում են արյան գլյուկոզայի տատանումները և կարգավորում նյութափոխանակության գործընթացները, հարուստ է հակաօքսիդանտներով։

Հակաօքսիդանտները մեր հիմնական օգնականներն են խրոնիկ հիվանդությունների և ծերացման դեմ պայքարի գործում։ Նրանք արդյունավետորեն պայքարում են օքսիդացման գործընթացների դեմ և պաշտպանում բջիջները ազատ ռադիկալների վնասից։

Դիետիկ մթերք է

Իր բոլոր օգտակարություններով հանդերձ՝ բողկն ունի ցածր կալորիականություն։ Մեկ բաժակ հում բողկը պարունակում է ընդամենը 20 կկալ։

Բարձրացնում է օրգանիզմի դիմադրողականությունը

Բողկը հարուստ է գլիկոզիդներով, որոնք պատասխանատու են ոչ միայն նրան բնորոշ համի համար, այլև հուսալի պաշտպանում է օրգանիզմը վիրուսներից և պաթոգեն բակտերիաներից։

 

Աղբյուրը
 
 
 Բաժանորդագրվեք նաև մեր․ Տելեգրամյան ալիքին , Ֆեսբուքյան էջին, Ինստագրամյան էջին , Յութուբյան ալիքին